廣東燒味餐廳 (觀塘)

這裡茶餐廳，地方都幾大。
是我久不久會幫襯
早餐，下午茶，宵夜⋯⋯
不過其實還有午餐的
今天由於過了吃飯時間，所以人流少了。
加上我一人就比較易找位子
呢度燒味飯個人覺得算幾好！
所以今次食燒味飯
食好啲燒鵝切雞飯....
黎到個樣好靚！雞好嫩滑。
真的好彩數仲係脾位
有少少生，但係因為煮得岩岩好熟
先會有嫩滑既肉質。
老實說如果怕生既人就唔好要求嫩滑。
燒鵝件數都吾少喎⋯⋯
一夾上黎有少少鵝油好吸引。
一食皮有少少脆口
再加上肉質結實有口感十分好味！
整體份量足夠，薑蓉又唔會太油。
不過有dd咸。
通常豉油都唔會比太多。
如果想多啲，你就叫佢加返多啲囉。

名人飯堂 (觀塘)

午餐兩條友都係去名人填飽肚既空虛.
原來早到一人派一個例湯，送完即止
例湯火喉唔錯
好耐冇嚟
唔想諗咁多, 要左個八寶燒味飯同海南雞飯要脾,
配熱咖啡, 雖然呢度既燒味餐都幾貴下,
但好食的話可以接受吧.
燒味賣相不俗，份量真係太豐富,
义燒燒得夠香, 夠火喉, 食落肉質軟熟,
而且夠入味. 少少脂肪食落無咁易起渣.
至於燒肉係個皮唔夠脆, 肉部份都好軟,
肥瘦得宜, 亦唔會太咸.
切雞同油雞麻麻地，全部骨位
燒鴨幾香仲有肉汁...
咸蛋半隻沒有甚麼特別
熏碲同紅腸一般般
白飯都幾多, 熱的,
祗係唔夠薑蓉同汁罷, 可以再多少少
至於朋友的海南雞飯
我試試他的香油飯完全唔香亦唔油
好似白飯差不多...
加拾元而改雞脾似乎得半隻脾放上面
下面全部都係雞胸位。
不過都叫做幾滑...
一月同二月都來過半年無來！
裝修了以前中間檯改卡位。
變成全埸卡位，全部改白色檯面及卡位感覺光猛
咖啡唔錯，午餐時間都好旺
不過咁旺要搭枱食完嗱嗱聲埋單
去麥當勞慢慢飲咖啡囉
收銀姐姐說已經舊年復活節已經改了。
相信應該今年先改裝修...
公司在附近點會年多冇來呢
我話半年無來已經比多了！
服務員都有禮！有機會再光顧...

廣東燒味餐廳 (觀塘)

午飯時間到官塘，都知道揾食艱難，
見呢間茶餐廳並不是太多人！
記得食過都唔錯...
唔唸咁多便鑽了進去。
一間典型的茶餐廳！
有好幾款特價午餐可供選擇
每款都是四十元左右。
可以例湯或茶！
種類不算多、隨便點了個四寶飯！
飯的碟頭不算大！
男士大食一點的可能會不夠飽
燒肉有少少失望！
一看見其甩皮甩骨的
賣相未吃已先倒胃。
雖然皮脆，但肉鞋。
仲搭咗好多肥膏
唔知係唔係今日唔好彩呢？
平時燒肉係好好食嘅
四寶飯離不開鹹蛋和紅腸！
咸蛋都係好一般！
紅腸的份量亦不多，大約有五片
的紅腸我估計浸過滷水汁
而肉身是偏鹹和偏淋
唯獨個燒鴨好D,夠肉汁,
但都好多皮下脂肪
實在太肥了，好多都無食到！
今天的伴碟菜心就浸得太耐有些淋。
例湯西洋菜紅蘿蔔豬骨湯
因為通常燒味飯店的湯
有大量燒味頭頭尾尾當然唔會浪費
這湯仲加咗羅漢果落去，所以幾清甜
加錢飲凍檸茶，雖然叫了少甜。
不過都重係有啲甜!
待應雖然好忙, 不過都好有禮貌！
呢啲真係叫服務態度!
差不多一點，店外開始有人龍！
快點比錢起身起行。

大師傅粥品 (觀塘)

老字號品牌粥麵店不乏捧場客，
係牛頭角道這一條比較靜街
有間大師傳粥麵經常要座無虚席，
今晚路過見唔使等位順便試番碗，
叫個魚腩粥，
魚腩粥睇住師傅滾幾滾就即刻比我
加上佢地個粥底其本熱辣辣座住
所以成個粥好快就上枱~
魚腩有鮮味, 連帶個鮮味都滲入個粥度,
增加粥嘅鮮甜味
數一數魚腩居然俾足五大嚿魚腩！
真驚喜。
因為呢度係賣35蚊
去尖沙咀啲粥擋食過成60蚊碗
食過就知乜野叫做抵！
整體個粥都幾清！
應該都唔係味精粥, 係唔錯嘅.
銀芽炒麵因為太少韮菜,
個炒麵望落唔夠色水～～
芽菜都夠多補救番, 咬落都幾爽口,
另外味道偏淡, 要落多啲辣醬先得…
都算合格.

肯德基家鄉雞 (KFC) (九龍灣)

連續兩天沒帶飯。
前一天試了快餐店乾炒牛河。
今次也再試新野，
轉戰KFC的柚子炸雞套餐。
柚子炸雞套餐分兩種.我要有飯的
外層沾了炸粉雞件炸得金黃！
外塗了一些柚子
賣相頗為吸引。
咬下口時只有丁點的柚子味
但口感卻是異常的脆，果然有趣。
雞肉也夠嫩滑，啖啖肉讓人滿足。
葡撻幾乎好多餐都會跟
味道有水準
磨菇飯.....
至於那磨菇飯，
只有寥寥可數四片磨菇，
汁是黑椒汁底當然會少少辣
汁多過磨菇我要的是磨菇飯，
可不是磨菇汁飯！
大部份KFC分店的飯類配料份量，
我對其他食物都滿意，
只是他們飯的出品
真的很想向他們公司反映