同男朋友夜晚經過見到餐牌有蕎麥麵，所以入左去食。環境朝淨舒服又唔多人，連廁所環境都有設計過同企理 餐牌唔多野食揀，但我地本身都有心水想食嘅野。入到去坐低就有店員嚟介紹啲咖哩菜式，每一碟咖哩配唔同主食，都有唔同嘅咖哩煮法，聽完會更加令人覺得大廚師好有心機 點菜嗰陣，落單嘅店員話蕎麥麵已經賣晒，我地忍唔住好失望咁，因為男朋友本身好想試佢即蕎麥麵，跟住店員就話幫我地睇下搵唔搵到材料整，跟住佢地原來去買材料所以最終食到 大蝦咖哩烏冬，蝦新鮮又煎得香，烏冬質感好煙in 豆乳味噌，日式fusion菜式，豆乳同味噌估唔到幾夾 Affogato 入面加左mochi，係個小驚喜 Caramel roll啲海鹽cream好食，有奶油味同微咸

本來同諗住同朋友去食一間新開嘅壽司店，點知勁多人連walk-in都唔得，所以亂咁行去搵嘢食。 見到呢間串燒店都幾多人食，所以試吓，點知係出乎意料地好好食 最鍾意嘅有： 雞皮墨魚滑 - 薄脆嘅雞皮包住彈牙嘅墨魚滑，個口感同味道都勁正 鹽燒豬頸肉荔枝 - 塊豬頸肉切得好薄，荔枝好甜，兩個加埋鹹甜味好夾，好有創意同考刀功 鹹蛋黃燒大腸 - 呢個有少少肥膩，但兩個加埋勁好食 黑毛豬配鵪鶉蛋 - 又係一個外面薄脆，質感好夾嘅配搭 其他普通串燒都好食 服務好好，員工好熱心 Overall 成餐都充滿驚喜，但唯一問題係啲餸細細舊有啲難飽肚，食完可以食多碗糖水就完滿

總括係用正常西餐價錢，食緊快餐店或者更差嘅質素☹️每人俾200嘅budget，可以consider食其他chain store或者local西餐，唔好浪費金錢去試呢間野😣😣😣 🍖澳洲肉眼扒 - 友人話勁韌😑金鳳仲好食過佢😬 🍝龍蝦汁海鮮扁意粉 - 個汁偏咸😖青口有啲腥🤢🤮帶子同蝦係正常急凍野，唔好expect係新鮮野☹️ 🍹凍檸茶 - 個杯係細杯仲要成杯都係冰，實際上得幾啖😠 🍹荔枝蝶豆梳打 - 算係成餐入面正常嘅order😕

本身鍾意食餃子，所以經過見到就入黎試~~~~~~ 兩個人叫左四樣野，整體好滿意，以街坊生意同價錢黎講，性價比高。係值得幫襯嘅心機小店。 服務好好，姨姨好有心落單，又會主動介紹menu。 芹菜豬肉水餃 - 本身鍾意食餃子，所以經過見到就入黎試 韮菜豬肉煎餃 - 個人比較喜歡水餃，但都好食 麻辣青瓜 - 有心機之作，造型同做法都有心機，兼且爽同入味 豆腐皮蛋 - 個醬調得好，少可食到好食嘅豆腐皮蛋個皮好煙un，個湯無味精都好飲。啲餃唔細粒，10粒好夠飽

Lunch time 同兩個同事搵到呢間餐廳，大家都未食過所以就試下。 我地叫左： 海南雞飯 黃咖喱牛腩飯 滷水無骨豬手飯 三個飯都好好食： 一. 海南雞飯既雞肉唔鞋又無雪味，但油飯普通，係三個飯入面比較無咁特别，但都算好食。 二. 咖喱飯既牛林得黎有香牛肉味，好似炆左好耐咁，咖喱都好香，有香椰汁果，薯仔林得黎入味，大家都覺得呢個可以翻兜。 三. 豬手飯既豬手都林，但豬皮仲有d煙un，滷水汁都好香。 另外飲品我地叫左西柚梳打，青檸梳打同奶茶。兩杯梳打都好fresh, waitress話有新鮮既西柚汁同青檸汁喺入面，奶茶就麻麻地，可能我地飲唔慣泰式奶茶。 餐廳環境舒適，不過同事話有少少熱同焗，我覺得okay。

老細請食晚餐，呢間爐端燒餐廳係佢揀既。
入到去環境幾好，十幾個位圍住一個師傅燒，可以望住等佢燒你叫左既野食，一燒好會放係你面前。
野食係逐碟上，所以碟碟都熱辣辣即燒即食。
我地一開始叫左刺身，甜蝦同北寄貝甜蝦大隻，北寄貝爽甜
然後叫燒物(重點介紹下好了)
雞翼一客兩隻：其實我覺得同普通烤雞翼無大分別
銀鱈魚：係幾好食既，有肉汁同鮮味
肉眼扒：呢個好好食，有肉汁又林
魚乾：配沙律醬甜甜地做前菜幾正
粟米：呢度既粟米係甜d幾好食
矮瓜：兩舊小矮瓜，不錯
紫心蕃薯：甜味好自然，一小個唔會滯
蘆荀：爽脆有汁
總共叫左10碟燒物
最後叫左一個芝麻雪糕消下膩
老細另外叫左客清酒
埋單要$2100
值唔值真係見人見智，我個人覺得叫既野其實唔係好特別，埋單要$2100真係貴。
食既可能係地段同服務啦。
所以都係等有promo先會再去，不過試過一次其實都足夠。

同男友買左團購，第一次試所以有少少期望。
去到坐左係室外有帳蓬既地方，其實環境還好，係冷氣機聲有少少嘈。
男友其實係睇中左團購標題既「泰式虎蝦」，所以一坐底就寫紙叫泰式生蝦，我地仲叫左d刺身同壽司。
第一碟黎就係刺生，有兩種蝦、北寄貝、帶子同其他魚類刺身。
除左甜蝦，我地唔知另一種蝦係咪有叫過(加上唔知咩蝦) ，所以我地叫左個侍應過黎問佢…問完先知原來當日無虎蝦，用左另一黎蝦黎代替！(恕本人忘記左係邊種蝦)
其實一開始應該同客人講明有咩產品賣晒，但佢地竟然隻字不提，等人問先講，我同男友都好失望又憤怒。
唔理今次呢個「虎蝦事件」，其實呢間放題既食物都不太令人滿意。
蝦唔夠新鮮，肉質有d「梅」
貝類刺身無乜味，都係唔夠新鮮
(本人唔食魚類刺身的 )
除左罐裝飲品，其他野飲都好似「水」溝開咁，好淡
熱食較可取既係菜同越南河粉
其實180蚊放題係平，但可以有其他更好既選擇。
而且佢唔誠實既態度唔可取，我一定唔會叫人去。