食物小隊---粉仔 等級3 |  關注
 留言給此食家
|
|
排序方法：
日期 笑臉
 喊臉 
編輯推介 餐廳總分  文章形式 |  地圖形式
2023-11-24
Stay Hungry Not Hangry Happy Belly 無論係店名、Logo到收據上呢句說話都充滿住可愛同幽默 粉仔就最愛台灣食物加上有男神 所以一定要嚟試下 估唔到食物好有驚喜 台式魯肉片刈包$44 片有軟骨嘅豬肉 真係正中粉仔喜好😍😍😍 調味適中 夠味得嚟 唔會太鹹 仲有酸瓜點綴 蒜蜜牛油雞翼$38 一見到盒雞賢份量有咁多 已經好驚喜 而且單骨雞翼非常適合懶到出汁嘅粉仔😜 炸完嘅雞翼仲咁juicy 以為咁多食唔晒 點知食到停唔到口 一眨眼就清咗 飲品不論係茶定係手拍青瓜espresso tonic都好飲 茶仲可以攞返屋企加水再泡多次 有時名人開店會驚名過其實 但男神呢間舖食物質素唔錯 真心值得支持👍 
茶香出色 
推介美食: 蒜蜜牛油雞翼, 台式魯肉片刈包
評分: 味道 5 環境 3 服務 5 衛生 4 抵食 4
2019-04-27
去開天后附近問地膽朋友有咩推介，佢第一時間講呢間。 兩點左右去到，門口都好長龍。唔趕時間慢慢排，一個人等左廿令分鐘入到去。 餐牌好多野都幾吸引，本來想食是日午餐沙嗲牛三寶飯，點知賣晒。即改茶餐B啲咖喱吉列豬扒飯。 一上檯粉仔哇左聲，37蚊連飲品，嗰塊豬扒竟然大過塊面。 一切落塊豬扒度發出嘅清脆響聲，就知正野！果然炸粉唔厚，非常脆。豬扒有肉味，唔硬！少有咁高質嘅吉列豬，而且本來見咖喱汁唔多，怕唔夠送飯。但大廚果然係專業，飯量同汁比例啱啱好！ 唯一少少失望係奶茶比較一般。但咁嘅價錢，咁嘅食物質素，仲有咩好嫌？ 加上客人好多，但服務態度都仲係好好。 真係要畀個讚！ 餐牌仲有好多野想試，一定會再去。 
評分: 味道 4 環境 4 服務 5 衛生 4 抵食 5
2017-08-23
一班朋友聚會，食物素質當然重要，但都重要唔過有個好環境開開心心慢慢吹下水。 呢間野晚餐每人低消200，一個set二百幾蚊，唔算平，食物係ok嘅。不過計埋佢嘅服務就真係完全唔值。 首先，人未齊職員已經不斷嚟望左五百次（但水飲晒又唔主動加），仲要成日兩個侍應睇住客人係度咬耳仔，令人感覺好唔舒服。  到食物上檯明明有吉位唔係果度上菜，係要係客人頭頂上菜，而且又唔出聲。叫佢係無人坐果個位上菜，佢就好老泥咁。  上野飲果時問佢杯野係咩又答唔到，仲要問返個客轉頭。  明明寫十一點收工，但十點度就催人走。 收八十幾蚊切餅費，仲要切完唔分個蛋糕，就咁成個畀返你，要你自己分。即係切餅費真係齋切，分餅又要另外畀錢？ anyway，因為過程中佢不斷咁畀壓力我地，所以相我都無影，朋友食唔夠想加單都唔敢。一餐飯食到咁唔舒服，個價又唔係平，食物再好都好難有下次。
評分: 味道 4 環境 3 服務 1 衛生 4 抵食 2
2015-10-28
見到果條兜完又兜嘅龍果下真係好想放棄，但心諗６點半仲算早就開始排隊。好彩有部手機，玩下chat下終於70分鐘左右就排到。見到唔少食評話服務態度麻麻，但粉仔就覺得ok。 不過都嫌有少少慢，相信因為係為左做人氣，做人龍。
整體嚟講唔洗排咁耐係食得過，但如果要排一個鐘以上，咁就無下次lu~~
評分: 味道 4 環境 1 服務 4 衛生 4 抵食 2
|
2次成為首位寫食評會員
食評數目
編輯推介數目
2
會員推介次數
18
人氣指數
4176
留言數目
上載相片
上載影片
我推介的食評
我的餐廳
關注
0
粉絲
47
