因為團購就走到呢間地點不太就腳既食肆試食.
$45 當 $100 (另要付加一小賬$10)
下午 4 點, 店內只得 3-4 人, 地方好整潔,可能人少無開晒燈, 覺得有點暗而不舒服, 但有懷舊慢歌播放襯托就當是情調吧 !

一坐下,女仕應笑笑口比餐牌我, 但當我比 coupon 佢睇, 佢就立刻無左笑容, 當我問佢野, 佢就唔望我重帶細聲聲線回應,  吓??? 團既客另外一套招呼手法咩 ??

買左 coupon 囉, 走就唔抵, 唯有接受吧 !

我叫左碗牛根麵, 一杯豆漿.
豆奬有豆香味, 甜度可接受
個碗大大碗但連一半麵都無, 原價 $88, 唔值囉!!
麵湯底好濃, 但可惜太醎 , 牛根新鮮彈牙 , 麵條稍為硬左點.

唔好講食物, 就單單係態度方面我唔會再去囉

收到張傳單, 最喜歡健康既我見到(糙米)兩個字被吸引左,終於有健康食店啦, 好開心咁走去試食.
地方清潔整齊, 但員工態度相當嘛嘛, 個男侍應面黑態度差
叫左個鮮茄煙鴨胸糙米飯, 茄汁好酸, 鴨胸軟淋但可惜太鹹
食左呢餐, 成個下午飲極水都解唔到渴
唯一要讚既就係杯西洋菜蜜, 甜度適中, 好香菜味
甚好! 難得有間以健康為招牌既店, 下次去唔去好? 可能都會再試多次其他食物.

而家出街食飯貴而唔好食，一大伙人又無可能係屋企煮，唯有出街食，見到呢間店新開，即管試啦！
新裝修，整潔而堂皇，但伙記態度參差。
我地要左個套餐。

五彩燒味拼盤，炒辣蟹

0

五彩燒味拼盤，炒辣蟹

五彩燒味拼盤，炒辣蟹
拼盤內有滑滑雞件，香脆好味叉燒，稍肥但軟滑既鵝片，爽口酸甜適中既青瓜，香脆薄皮乳豬；炒蟹有２隻新鮮大大隻既蟹，配上一大堆香脆蒜蓉，好味！

辣酒煮海螺

0

辣酒煮海螺

辣酒煮海螺
微辣情度原來都好辣，新鮮螺配上辣湯，個人就覺得普通。

0

金蒜粉絲蒸大元貝
元貝大而鮮甜，索滿香蒜汁既粉絲超好味，淨係食粉絲都開心，呢碟令全台人都樹起手指公。

魚湯浸菜心

0

魚湯浸菜心

魚湯浸菜心
通常出街食飯疏菜都係應酬式，唔敢對其有要求，但呢個菜心出其地非常新嫰，加上好味既漁湯，實在令大家很驚訝！

清蒸沙巴龍躉

0

清蒸沙巴龍躉

清蒸沙巴龍躉
大條彈牙而鮮甜龍躉，食到無剩呀！

脆皮燒鵝皇

0

脆皮燒鵝皇

脆皮燒鵝皇
當碟燒鵝送到時，大家都被外表大隻同外皮油光吸引而嘩了一聲，可借...外皮唔脆兼肉唔夠香味，失望！

蟹油銀牙炒麵

0

蟹油銀牙炒麵

蟹油銀牙炒麵
麵幻滑，很有獲氣，超...超好味！從未食過咁好味既炒麵，飽都要食呀！激讚呀~~~

還有味道普通既蠔仔泡飯，細粒蠔仔唔算多，而且豬肉又有腥味，雖然廚房已落左胡椒粉，失望！
珍珠繪蟹皇，內有蟹肉帶黃色既羹，濃淡適中，好好味道呀！
送一支紅酒，12 支啤酒或氣水。
最後係甜品，濃濃起沙好味既紅豆沙但帶有燒焦味，要求更換，換來既就係淡淡未起豆沙而又少豆既紅豆沙，但有果皮香味喎，呢個甜品只有 ( 不予置評 )。
連加一共 $2321
雖然有些食物唔合格，但總括都係讚既，而且係超值。

旺角好多野食，花多眼亂，見到呢間寫住 ( 無味精 )，合晒我心意。
當時 2-3pm 無咩人，唔使等位。
餐牌上既野好多都吸引我，我就叫左個鹹魚雞粒炒飯。
飯一粒粒無油膩，但鹹魚味唔夠，而且唔係梅香鹹魚。
咁都唔算問題，最大問題係.....唔係雞粒，係雞皮我叫既係鹹魚雞粒肉炒飯，唔係要鹹魚(雞皮)炒飯呀！>_<
其實使唔使咁慳呀！雞粒肉都唔使要好多粒o者，咁樣即係趕客喎！

行去元朗搵野食，行經呢間食麵店，睇下門口個牌寫住 ( 胡椒豬肚雞腳豬骨湯麵 )，嘩！我至愛既胡椒豬肚湯喎，咪入去試下囉。
當時下午三點幾，店舖唔大，大約有十張八張台，無咩人。
坐底第一時間望下胡椒豬肚雞腳豬骨湯麵價錢，$48！唔平喎，胡椒豬肚湯飲得多，但用來麵食就未試過，甚都要試架！先來一杯下午茶送既豆漿，有豆香味喎，好滑香，正呀！胡椒豬肚雞腳豬骨湯麵，我要左上海粗麵，但要加 $3 ，湯底有分４種辣，( o下！咩胡椒湯有得揀辣架咩？唔係一煲過架咩？）個伙記話，係豬骨湯底加上客人要求既胡椒辣度做既，一聽就立刻失望啦，我想要既係胡椒湯呀！唔係加上去果種！
咁第一時間飲下個湯先啦，有胡椒味，但更有好重既豬骨湯味，麵彈牙，算唔錯，有兩隻煲到淋晒，滑滑的，都算新鮮，入口即溶既雞腳，有一舊豬骨，多條軟硬適中而有香味既豬肚，除左湯底令我失望之外，整體都唔算差！沙薑雞，雞肉都新鮮既，但無沙薑味，若然唔當係沙薑雞，當係普通蒸雞，都好好味既！
重有下午茶送既一條春卷，內裏只有紅蘿白絲，棷菜絲，即係素春卷，只係脆口無咩香味！埋單 $51

見到朋友係 facebook 講好食，咁咪走去試試囉，但地點真係好難搵，我地倆人係條街度走來走去，問左幾個人都指唔同方向，打電話去問都打左幾次，打到我都唔好意思，真係好想放棄，最後都搵到，好隱閉呀！整條街唔係好長，但成條街都幾呼全部係食肆，每間食肆門外都放有食台，好有效外風味。
當時大約中午 1 點，幾乎滿坐，店鋪唔大，店員好恩勤招呼。
我地得倆個人，唔可能點太多菜，咁唯有叫左倆個午餐。
每個餐都有湯水，是日湯水係去濕湯，有沙葛，眉豆，新鮮粟米，清淡得來唔會無味，沙葛好好食，無渣
荷葉飯，內有素做既肉，東菇，味道清淡而帶點香，而且真係好大份。
石頭鍋素餐，附上一碗白飯，白飯香軟，呢個菜味較為濃味，內有倆種不同類似魚蛋既蛋球，當然唔係用魚做，但好好食喎，重彈牙忝呀，還有索晒汁既矮瓜在內，整蝶菜用來撈飯好好食，好野味。
望望周圍，九成台既人都係食緊呢倆個餐，每個餐都係 $35，學生有特價，好似 2X，確實唔記得，總之係抵食啦！
抵食得來好好味喎！
會再來！

我時時經過呢度，都幫襯過多次，店舖整齊，產品選擇多又新鮮，價錢公道。
咁......有咩不快？
話說當日落左堂，係新蒲崗已買左個麵包一路行一路食行去黃大山，行到呢間舖，其實唔係肚餓，係見到些糯米糍忍唔住想食。
之前食過幾次，外皮好軟，內鹹都新鮮既，好好味！
入到去夾起一粒芒果糯米糍拎去收銀處付款，果個女收銀員夾起個糯米糍入袋時咳喎，重帶有痰聲 ，咁我就話：你咳喎，示意唔要！甚知果個女人就好理直氣壯而且重好惡咁話：呢Ｄ唔係咳，係痰！
o下！　久竟佢知唔知自己講咩？
佢重一值啤住我，我就話：你咁唔得架！我以後都唔來幫襯啦！
當時其他店員重係度笑　
食物好都要店員好，否則就扣晒分啦，發生咁既情況，甚敢再去幫襯呀！
真係不吐不快呀！

第一次食過之後超喜歡，就不斷介紹比朋友。
今次第三次來啦，店鋪整齊清雅，店員熱情，招呼好！
下午 2:30pm 有半價，我地一行五人，預先已訂左位，我地早到半小時，但唔比入，一定要準時 2:30pm 先可以進入北京片皮鴨 ($62)
唔肥膩既片皮鴨點上甜甜地既醬汁加上清爽既青瓜，放入軟軟既掛包，好好味呀！大家都一齊讚，尤其是軟軟既掛包真係超正！虫草花雲耳蒸雞 ($62)
雞係用喉頭菇代替，菇好入味，整碟味汁好味但較濃，而且稍為肥膩左少少！

香椿海鮮松子炒飯 ($48)
飯粒完整，有脆爽松子，炒得有香味，完全不肥膩，食多幾碗都可以。

棷皇燉湯 (特價 $28)，我地要左 3 個大家分享。
湯底好香甜，好好味，內有一隻小冬菇，有幾粒紅棗，虫草花，還有....唔記得左，飲晒湯還可以用匙羹刮起棷肉來食，總之直得推薦呀！

白灼菜心 ($48)
菜過熟，唔合我 ，而且呢個價太貴

中午特價之後共 $257，每人都係 $51.4，超值呀！

成日經過，見佢裝修麻麻，諗住實係普通料啦，所以一直都無咩心想去食。
呢日經過特然想入去食喎，咁就叫埋朋友一行４人去，當時晚上８點半，差唔多滿座。
我地一座低，老細好熱情問我地食過未，我地話無，咁佢就介紹胡椒喉頭菇鹹菜浸雲吞同埋日式海鮮比薩，好啦我地就試呢倆個

0

胡椒喉頭菇鹹菜浸雲吞 ($78)
白白既湯底，好好飲喎，用咩做架呢？老細話係廚師既秘方，重有好香既胡椒味，雲吞好大隻，雲吞皮好滑，正呀！果然無介紹錯 。

1

香芒帶子炒飯 $52
飯炒得一粒粒唔會爛，亦唔會肥膩，炒得好香口，不過，我地好辛苦先搵到幾粒細細既芒果肉，芒果好貴咩？

1

炒白菜,味道普通

0

日式海鮮比薩 $88
唔係老板極力推廌真係唔會係素食館食比薩，係我來講食比薩要去 PIZZA HUT 先岩
出乎意料之外喎！好好味呀！批底勁鬆脆呀！，有車厘茄、冬菇、洋蔥、青椒在內，好香脆，我地個個一面食一面讚，老細又係無介紹錯啊！

0

腰果糊
應該係即磨既，因為我地等左好耐，好香腰果味而又濃濃的糊，好有 heart ！讚！

我地大家講好會再去架！

去澳門前上網搵定食肆，見到好多人讚陶陶居，而我地又想飲中茶，咁一落船就坐的去陶陶居，甚知有一條人龍等位，我最唔鐘意等位架啦，唯有立刻走人，甚知行唔使倆個鋪位就見到呢間都係中菜，又唔使等位，咁咪入去囉。
無人等位都預左唔方好食，有晒心理準備
一入到去見到好多上左年紀既食客，成間店好簡陋，問伙記有無位，佢地唔多想彩你果隻，叫我地撘台，唉，唔愿意都要啦，大家都肚餓。
坐底後，ｄ碗筷到左，嘩！碗有飯黏住，唯有努力洗碗筷啦！
洗完一輪碗，拿餐牌搵野食，同台既女人介紹野食比我地，重話：呢間既食物同陶陶居一樣咁多野食，但平過陶陶居，澳門街坊鐘意呢間，因為日日飲茶平無可能去陶陶居咁貴，最重要倆間既食物味道差唔多！陶陶居有人龍係因為唔可以撘台，呢間無人龍係可以撘台坐多Ｄ人。

0

生煎菜肉飽 $16 ，麵粉皮軟，肉無雪味，底倍煎得香脆，正呀！

0

生菜魚球粥 $22 ，粥既濃度適中，魚肉好味，成個粥好好味！

0

我叫呢個滑雞滑腸粉以為腸粉包住雞肉，哈哈，甚知原來係滑雞同腸粉分開！
名付其實滑腸粉真係好滑，雞肉亦都好滑而且無雪味，重好好味呀！
野菌浸魚角 $16 ，野菌新鮮，魚角好味！

0

若然唔介意環境同服務差，都係值得幫襯既。