風山 等級3 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2014-08-14
因為要清大假, 今日獨自去影相, 影左成個早上好肚餓 路過美孚的海皇, 便坐底食個 FULL LUNCH 之前都有食佢地既皮蛋瘦肉粥, 油器, 糉, 炸兩 講真粥的米香唔夠, 油器有時都唔錯, 糭既料唔多 但總的來說, 咁既價錢算係比足料 今次叫左個未試過既菜乾排骨粥, 菜乾冇咩味, 但排骨足料, 肉腍幾好味, 粥照常唔夠米香 另外亦叫左個未試過既蝦米腸粉, 今次有驚喜, 個腸粉都算幾滑, 料足, 只係加豉油就已經好好味 其實仲有杯豆漿, 不過我飲係因為凍, 而唔係因為佢有豆味 (都有, 但比較弱) 總的來說, 咁既價錢都可接受 另外員工很有禮, 只是地方清潔一般 推介美食: 粥 & 腸粉
評分: 味道 3 環境 4 服務 4 衛生 3 抵食 5
2014-08-14
之前積下來的大假, 找一個星期的中間時間放, 隨意選了 1/8, 原來是太太工作十週年, 順便慶祝 一早已聽朋友說要試這個的 LUNCH SEMI-BUFFET 因為有很多款前菜 & 甜點 - 若晚上來要另外加錢 加上我同太太吃過在中環的 GOLD BY HARLAN GOLDSTEIN 所以對他們的食物質素非常有信心 太太第一次去 MIDTOWN, 大廈入口較為唔方便, 幸好大堂設計較好 另外 2/F 的 JAMIE'S KITCHEN 入口於不同的大堂 (唔使逼埋一齊) 感覺尚算不錯, 到達 30/F, 發現樓底好高, 整體感覺光猛 STAFF 帶我們入坐後, 看 MENU 發現以 SEMI- BUFFET 來說, $258 算是不貴 太太選了 8oz Steak (waiter 建議 medium rare) 而我選了 burger (medium) 食物質素好, 新鮮同乾淨, 所以來回多次, 吃了很多才決定吃主菜 (已半飽) 送來就是這樣, 其實我不太懂吃這類的 burger, 應該好像麥記的夾著吃, 還是分開? 不過看來夾著是不可能, 不過不可不提的是那個包是很脆 (比翠華的脆脆奶油朱還脆) 吃第一口才發現 medium beef + 脆包 能產生這樣的化學作用 - 值得推介 雖然唔容易分享, 還是切小件讓太太試 - 她也很喜歡那個口感 但相個waiter 建議是正確, 肉外有少少接近燒焦, 但內的肉與很腍 當然是因為肉本身質素都高, 有很香的肉味, 容易吃 其實吃完 main 已經吃不下去, 幸好 dessert 是另一個胃負責 dessert 有 cake, mousse 之類, 有達十多款, 每樣試一個都已經要捧著肚而走 有好多都做得好好, 好details & good presentation 成餐加上個 view (都看到 victoria harbour), 好滿足. 在此待了差不多兩小時的時間, 開心的一個下午 推介美食: BURGER,甜品,前菜,8oz steak - medium rare
評分: 味道 5 環境 5 服務 5 衛生 5 抵食 5
2014-08-13
話說晚上太太有飯聚, 一個佬搵食要求自然降低 飯前食左個 LAB MADE ICE-CREAM, 漫無目的咁就係屋企附近搵食 呢間開左一排, 但自從有工人同埋開左太興之後, 少左機會試呢D茶餐廳 早一排試過買外買, 魚旦魚片伊麵, 太太都讚 C/P 值極高 雖然不可以同夏銘記果D 比, 但魚旦的魚香同伊麵口感, 都覺得可以再賣貴D 不過始終佢地主力街坊, 所以店舖裝潢, TABLE SETTING 都係好平民 我入到去坐底, 枱上有幾份 MENU, 由小菜, 麵食到鐵板餐都有 本來打算再食魚旦伊, 但見到個鐵板餐咁平, 心郁郁最後ORDER 左呢個 "雞扒司華力腸薯條" , 本來想問有冇 BEER, 原來係冇, 所以要左杯有汽飲品 (檸樂) 大約十分鐘就預備好. 唔知原來薯菜包埋意粉 講真, 對於呢D餐廳呢D菜色我冇咩要求, 當然呢D菜色都冇難度 送上來熱, 雞扒同司華力腸味道不錯, 薯條同意粉就一般般 但當你睇到個價錢, 多數都唔會點投訴 - 你比幾多就食返D 咩QUALITY 既野 所以好快咁就食晒, 飲埋個檸樂, 走人~ 推介美食: 鐵板餐
評分: 味道 4 環境 3 服務 4 衛生 3 抵食 5
2014-08-13
好久以前, 太太與她的同事嚐過此餐廳的午餐, 還買了洛神花包予我 我對那個洛神花包印象很深, 紅色的包, 微甜軟棉棉的 所以有一個下午找太太再去一次, 因為早一天訂位, 所以到達時已安排我們入座 大廈入口是一個不當眼的位置, 而大廈內只得一部升降機 到達時才知地方是那麼小 (太太已經提醒過我) 我們的位置是近窗口位的隔離, 雖然已經與窗口位那兩個略為分開, 但基本上係很近的 整個餐廳大約可以容納大約二十人, 但座位與座位之間其實都很相近 不過裝潢簡單, 清新, 可算是補足了餐廳細小的問題 拿起 MENU, 除了主食要 ORDER 外, 其他7樣都是指定, 當然仍可個別ITEM UPGRADE 每份都不大但 PRESENTATION 很好~ 餐包洛神花包當然仍然好吃, 小食的糖漬蕃茄感覺也是很清新 反而CREAM SOUP, SALAD 同天使蛋 就比較一般 輪到主菜, 我的芝士蕃茄汁焗香茅豬頸肉飯都算尚可, 蕃茄汁較為酸 起初吃幾口還可以, 但到差不多中段, 已經要避開吃有蕃茄汁的部份 太太的特製夏威夷風情肉醬扁意粉則用了香草, 太太吃了一點就改吃我那一份 最後大家調轉主菜. 基本上我覺得肉醬扁意粉都不錯, 是香草味太重 最後的甜品與餐飲都不錯, 尤其是個海棠花伯爵紅茶, 冷或熱飲都不錯 (太太點了熱的, 我點了冷的) 總的說, 不用 $100/位 有這樣多的 COURSES 而每個ITEM 都有心思 算是不錯的, 吃的時候也是讓人感到愉快 (有甜點及餐飲的 SET 讓人有完滿的感覺) 推介美食: SET LUNCH
評分: 味道 4 環境 3 服務 4 衛生 4 抵食 4
2014-08-11
今天下午約了客人在荃灣見面, 不用五點就放工 但晚上約了朋友七點半去打邊爐, 兩個鐘時間, 除左打機外, 都冇野可以打發時間 所以去左愉景新城逛逛, 成個商場大翻新, 只係得地下少量舖行 最後被 HOLLY BROWN 的 MILKSHAKES POSTER 吸引左 所以決定飲杯 MINTY BREEZE 呢杯 MINTY BREEZE 內有 CHOCOLATE CHIPS, 所以飲落去都有得咬下 CHOCOLATE 加上我很喜歡 MINT CHOCOLATE, 那個 MINT 的味道不是太強 配上 CHOCOLATE CHIPS 真係絕配~ 上面仲有 CREAM & CHOCOLATE SAUCE, 令成杯既味道更 PERFECT 因為時間尚早, 店內只有一些疑似學生放暑假的人相聚 而店員的態度及服務都不錯~ 飲左大約15分鐘便飲完, 可能又有CREAM, 又有MILK, CHOCOLATE CHIPS 飲完覺得好飽肚, 好滿足, 不過晚上打邊爐可能要食少D 推介美食: Minty Breeze
評分: 味道 5 環境 4 服務 5 衛生 4 抵食 4
|