五十年代餐廳 (中環)

個日同班同事落黎食lunch...
因為一早打來訂左位...so 唔洗等...
入到去睇個佈置係好懷舊既...但又黑又暗...
lunch set 得2個...一個係泰式豬頸肉...一個係薄牛扒...
我地一行5人都叫埋同一款...牛扒...
之後就去拎佢buffet d 野...
有蝦...但唔夠10隻...
有肉碎茄子...無咩茄子...
有津白...
又黑又油既叉燒燒鴨...碎到呢...
豉油乾河...好多油...
一個好求其既沙律吧...有車厘茄...青瓜...什果...粟米...
一個好乾身既甜品吧...奶凍...西米露...朱古力卷蛋...芒果布甸...

我地5個樣都拎少少...
一入口...d沙律可以接受...但熱食個d就好油...
仲有個甜品...真係好估佢唔到...乾到啞哂色,,,
樣樣無人fill 番...等好耐先有...

到個牛扒來la...
以為仲有個扒可以食會好d la...
點解係牛肉乾...仲要係細到成塊早餐d長煙肉咁size...

求其食完就算la...
叫人來...我地5個人一人舉一次手都無人理...
要大聲叫唔該先有人理...我地問有冇餐飲...
佢就話餐飲+5蚊...但無咩飲...得可樂咖啡七喜...
聽完唔想飲...我地話唔洗la唔該...個時個waiter即咀妙妙咁走...
之後我地坐多一陣叫埋單...
又係舉左勁耐手都無人理...
又係要大大聲叫唔該埋單...先有人應,,,
等張單又等左勁耐...
我地比左前就即走la...
走個時仲聽到個waiter 傾計咁講話唔好再fill...慳番d...
聽完火都黎...算...走人...我地決定唔再去...

居食屋「和民」 (尖沙咀)

呢晚同老公去左尖咀行街...兼特登食和民...
去到都要等幾個la...
入到去...竟然好好地有car 位坐...
老公未叫野食就發現對筷子有支短左...
叫個waiter 換...
佢都好好禮貌話唔好意思...
仲快快拎比我...

叫野食...叫個waiter...
都好快有人應去落單...

野食都ok 快到既...差唔多食完一樣就黎第二樣...
我地叫左...
清酒煮蜆...<---老公大讚好鮮甜...不過得幾隻...好細隻...
帶子蟹肉小丸子...<---真係好細粒...味道就淡左d...但真係好熱...好脆口...
八爪魚刺身...<---呢個都ok大粒...不過有點乾身...
魷魚燒...<---呢個好好味...都幾大條la...
魷魚軟骨燒...(醬油燒)<---呢個份量中等la...但味道淡左d...
石鍋蒜香海鮮飯...<---呢個蒜香唔係好夠...但海鮮都算多la...

當然野食快到...d 人收野都好快...
我地食完好快就有人收走隻碟...
但到尾個時...佢問完一句黎齊未...
就好似好趕咁收哂我地d 碟同筷子lu...=,=...
感覺叫多樣都似阻到佢地咁..=,=...

so 無叫甜品就同老公埋單走人...
但好怪地...埋單又離奇地慢woo...
不過最後都好既...
個waiter 姐姐有講番比我地張coupon可以點用...
一般都唔會講...收埋d 野就走ka la...

肯德基家鄉雞 (KFC) (大埔)

午飯時間...行經KFC...就入左去買外賣回去同老公食...
行入去見到個易拉架Sale 個個加大set...好似好正...
就買左2個回家...
回到家食個下先知唔多妙...

叫個茄雞...變左白汁雞...
都算la...食個下先死...d 飯好淋...
個汁入面...
同無雞肉無分別...有都係得手指頭咁細粒...
仲要得2粒咁大把...
d 紅蘿蔔同d 薯仔都係未熟...
唉...就因為餓...所以食左少少...
吞左三分一已經無食...

老公叫個個係姑姑飯...
d 飯呢...竟然係硬既...真係好怪...
但d 汁都ok 既...

結果2盒都係食左唔太多...
食隻雞雞都ok 既...有手掌咁大...都ok la...

波記粉麵專家 (中環)

今日同d 同事lunch 時...誤打誤撞咁去到鴨巴甸街...
因為時間關係...無咩可以揀...
見有間粉麵...就入左去...
開頭個時...覺得間野好似好殘...
但入到去...完全係60 年代feel...
我地3 個分別叫左...
雲吞米...
我食呢個...完全ok 呀..好味...因為唔多油...
雲吞雖然唔多...得4~5粒...但都好好味...d 蝦唔腥...

墨丸米...<呢個就唔知...因為同事食...>

腸肚麵...<呢個...個同事就話好正...好夠味...d 腸又夠肥美...>

叫完個粉...個婆婆仲問我地洗唔洗叫埋飲品...
我就無叫...但同事就有叫...個婆婆都好快手沖好來...

飲完食完走...
埋單行去收銀度...
又係個婆婆...佢好醒目呀記得我地個個食咩...幾錢...又好禮貌
真係值得一食呀...因為算係平...又少油...好好味...

沙嗲王 (銅鑼灣)

個日同d 姐妹團去左沙爹王dinner...
7點左右上到去...唔算太多人...可惜無哂卡位...
咁想可以坐得舒服d 只好等卡位la...
等到7點3~4到先有...
行到去坐...d 餐具都未放好...
d waiter 好求其咁放低左d 餐具就走左去la...
結果我地自己分餐具...

到叫野食...個waiter行到埋黎態度已經好差...
我地叫個set...個waiter 先講星期六無得叫set lor...
咁無得叫set...咁就話個個set 既送...由佢...唔要住...
叫左其他先...

order 好...好快就有飲品到...不錯不錯都幾快...
但來第一個送...竟然係我地無叫個個set...
咁咪同番個waiter 講...我地係cancel 左呢個...無叫到...
之後個waiter 就話...咁我問番先...
之後又另一個waiter就拎住碟野過來問...我地係cancel 左既..
正當問緊個時...幫我地落單個個waiter 就走過黎la...
落單個個waiter 態度好串...好差咁話: 你話cancel 咩...我無聽到wor...
我地咪話...我地的確無話要呢個...因為你話無set..我地咪話唔要lor...
之後個waiter 仲用好差既態度走左去...
個只係負責拎個碟野問個個waiter 就話...咁我同你cancel 番佢la...

之後無耐...d 野食都到齊la...
豉椒炒蟶子...
早排來個陣話無左呢個送...而家唔知點解又有番...好期待咁有得食la...
一來d 分量都ok 多...食落口點知...唉...d 蟶子應該係唔新鮮...有D 腥味...

雞肉串燒...
好香肉質好好味...無點醬都咁好味...

沙爹牛肉粉絲...
粉絲好少...但牛肉分量都每人有2 塊la...

奇脆雞石鍋飯...
隻生蛋一來到已經係全熟...無得撈落d 飯度...
但都好香...好似日本照燒雞d 味...

酸辣無骨鳳爪...
呢個越食越辣...勁過癮...

奶油津白...
津白唔多...但都好香...好淋...

食完埋單個時又好快woo...
拎張單比我地個個waiter 態度就係一般la...
但都會講句多謝既...