大年初三約少婦A 到上址作新年第一次聚餐，酒樓面積及空間感夠細，亦可能是新年關係盡可能多做點生意的緣故。而這酒家可能亦係熟客多嘅關係，大枱一早已經無晒，即使用開飯網預約訂枱都只係臨時加多出嚟嘅枱。農曆新年嘛明白嘅。 所有點心都有板有眼賣相傳統，雖然價位偏高但物有所值以現在酒樓點心水準普遍向下的實況來說。點心價位大致係$48特，$52頂，$44大，$40中，$36小，乳鴿$68, 值得注意的係小點並沒有刻意的只有一款嗰種，起碼當日就柯打咗三款小點：咸水角/义燒飽/馬豆糕。還有一頁粥粉麵飯都幾抵食架，一律$128/碟/窩。呢個只係普通酒樓價錢。

由它試業開始的第一天，我們來試了之後。感覺係不錯的， 無論是味道服務至價錢都是中價位。茶位收$15/位，最近一次幫襯點心質量好似跌咗少少但都可以接受嘅。其中有一個特嘅點心（竽茸天鵝酥$35.80）師傅想做天鵝外型天鵝球外型係做到呀，但那條頸及頭都是麵粉做的沒有味道插在炸物上的確似天鵝頭，但考慮到味道同口感實在無必要做這個天鵝頸。同時碟點心被拿出來時三件天鵝東歪西倒。浪費了本來的造型。其他點心都是中規中舉的質素。這次也試了燒鵝例配湯米粉$148，燒鵝質素唔差米粉份量也足夠。頂嘅香脆明蝦紅米腸$40.80比最初來食的時候失色了內餡炸乾了。只有硬脆的油條加蝦肉。其餘同價的還有燒賣皇，菜苗餃。义燒包都做得唔錯有三個一籠$26.80同牛肉球一樣價位。珍珠雞就$30.80, 生煎飽$35.80, 小食的脆皮燒腩仔$78 服務員有點唔夠人不過呢d 都係新常態吧！習慣下啦！

很久沒有來這裡了， 這次來見燈光比之前亮了，服務依然係這裡亮點。 當晚的酒係buy 1 get 1 free 所以通常少飲酒的客人都會因為呢個原因，叫一杯來搞搞氣氛。 食物方面，煙燻生牛肉松子沙律除了賣相得之外，份量都相當慷慨，豉油做嘅啫喱唔太咸同時又感覺到豉油嘅鮮味。配合剛烤起的松子仁 另一前菜係香煎帶子配似乎係慢煮咗嘅豬腩肉。配以甘荀茸。雖然帶子被煎至全熟。可能廚師想焦色表現得漂亮一點。 龍蝦湯的確無話可說的好，無論湯的顏色，杰度，鮮味都平衡得宜。 肉眼扒生熟度做到要求的，只係肉有少少筋。 主菜另一個的波士頓龍蝦闊條麵都好味， 甜品選兩個: Yoghurt Panna Cotta Ivoire namelaka, lemon curd, raspberry gel, orange streusel  Mandarin Chocolate cake Almond Biscuit, Chocolate Cremeux, Light Chocolate Ganache Mandarin Compote 無可否認，這店的甜品從來都不會令人失望，雖然款式不會太多。

打風過後的一整天下着雨, 直到黃昏時分雨開始停, 店名Kagawa 同四國的香川縣有關的嗎? 因為有House Olives from Kagawa $38 有黑/綠色橄欖, 份量不少呢,口感味道正常屬於溫和 Baked Cheese & Beef Tripe in Tomato Sauce $98 味道十分家常, Chicken Karaage $88 這個比較偏向洋式炸雞, 沒有太重日式唐揚炸雞那種被大量味淋,料酒浸醃過的氣味 Wagyu Ox Tougue $148 稍稍貴但物有所值 Garden Fresh Vegetable $118 沾醬較濃味但跟蔬菜很配合, 蔬菜有比較少見的日本蕪菁薄片, 青花綠色的星形花椰菜 Spaghetti Uni Carbonara $258 同想像中的差不多, 口感Creamy Sukiyaki Sirlion Roll $258 西冷薄片的油脂比想像中的豐厚, 每人一卷都已經足夠 Smoked Iberico Pork Collar $278 豬肉味濃得來有點沉甸甸的,  Matcha Creme Brulee $68 只是一般, 不過從來在酒館叫甜品沒太大期望, 這個燉蛋質感似乎未set好那種, 而且綠茶味道不重 Coffee $42 Tea $42  Blue Girl Beer $58 服務方面整體OK, 

我們吃的是4 course dinner DINING CITY 只是一個SET轉了龍蝦加了$88, 基本上都滿意, 餐湯正如大廚介紹沒有任何雞湯或者忌廉, 當然口感跟平時的不一樣但又是另一種自然的順滑, 主菜的沙猛魚柳正如大廚形容肉質偏精瘦, 不能用香港人食蒸魚那角度去評論, 反而可以用食燒魚的質感比對, 沒燒魚的乾保持到魚肉內一定的濕潤, 牛西冷也是少脂肪的肉質不過火喉是剛剛RARE的, 跟扒來的洋式炒麵非常有趣, 非常簡單的手工麵大概只用了麵粉同水搓成麵條, 只用了些塩去油炒, 所以食麵條只會食到塩味, 另外加了一個此餐廳名物PORK BELLY $298 物有所值嘅, 豬腩肉口感剛好, 咸味也是平衡的, 跟白腸同啡腸各一, 腸肉調味又是各有特色, 配以微酸的德式酸菜平衡肉的肥膩口感, 甜品巧克力蛋糕係放在一個印有樹頭橫切面的碟上, 咖啡茶另外叫$68/各一, 不得不夫提這店的鎮店之寶原來是酸種包, 打探之下據說是大廚的友人所做, 包一端上來時當你拿開一角時請留意那是會掘冒煙的耶, 包面係稍脆但不會𠝹損口那種脆, 而是一壓下去會碎那種, 由於自己也是會做麵包自己食的人, 所以厚住面皮問店員可否來多一客, 答案是可以的, 吃了兩份包 - 大滿足的一餐! 

大概三年前幫襯過西九龍分店, 那時這店剛剛在九龍開店一切還未上軋道。食物真的是強差人意, 由意粉至肉類都是。所以之後再沒有去幫襯過。儘管這幾年間見佢不斷擴展版圖。直至最近聽電台節目有名廚主持人大讚這店的勝價比高! 才會有興趣再試一次。結果的確係士別三日, 以這些價位即使係大集團嘅快餐店都好難做得到。 三文魚沙律舖面嘅三文魚粒粒份量充足。卡邦尼意粉亦是醬汁唔漏之餘豬肉粒粒亦有溫泉蛋也似模似樣。價錢更是超值。 還有一個意式芝士薯蓉做到同餐牌照片一樣。非常之美味當然熱量也不少。唔夠飽可以叫多兩片蒜茸包。完全唔使理價錢任叫任食的感覺真好。座位也十分舒適。待應生服務ok啦～

疫情期間有來幫襯過午餐, 現在已經過了一年有多, 星期六週末晚果然其門如市。 要排少少隊才可以入內。除了本地客人亦有外籍人士。 傳統小籠包如常的好味, 雲吞雞$125算是比較划算的菜式, 眼見旁邊那枱外籍人士叫的九王鱔糊份量是二人份嗎？其他菜式嘅碟頭看上去都是細碼!  雲吞雞的雞湯算是比較淡口的了但雞就沒有半只份量了只有幾件雞胸肉吧！還好的是雲吞個數沒有被扣減。 由於會展有展覽, 當晚客人是挺多的。 店員甚至要趕外籍人士那枱交枱。因為有9位客人在等。無話對與錯嘅，香港食肆做生意就係咁。所以有時覺得麥當奴對客人都算寛容架啦！ 無法子現在這種中價嘅上海館子實在少。物以罕為貴。

這店在這區有多久? 我唔清楚但只要稍為細心望下周圍環境大概40年都無走雞! 我試咗叫一碟兩餸飯$30(堂食), 兩餸係豬肉餅同雲耳雞脾肉。味道方面雞脾肉較咸, 除咗咸之外搵唔到其他味道了。例如雞粉😄, 豬肉餅就同其他人講嘅一樣 -  磚頭肉餅。其實豬肉餅就咁望都幾多肥豬肉粒, 但出奇地肉餅嘅質地好硬淨。係咪師傅撈咗好多粉就唔清楚? 但咬落又唔似一舊粉頭。同樣地豬肉嘅肉味都無太突出。所以磚頭肉餅也好枕頭肉餅也好, 食得飽只是草根階層嘅基本要求。這裡似乎做到了! 事實上這裡嘅價錢比兩餸飯嘅外賣飯盒還要平, 難以理解老板是怎麼能做得到?佩服佩服!  店內嘅顧客8成都是上了年紀嘅客人, 又或者係體力勞動者為主。對面枱嘅大叔就跟同枱講以前在桂林街蛇鋪食生蛇胆酒嘅往事。往事如煙深水埗可能仍舊是全港最多低收入家庭嘅地區之一。 盡管時間数十年光境靜悄悄從身邊溜走但人情不變。

"阿明"紥根深水埗都有一段比較長嘅時間, 見佢由欽洲街換鋪至中心一點嘅長沙灣道。星期日就試來一次吧！ 點咗兩樣食物: 魚旦粉$6x 都幾貴下。主角嘅魚旦係一粒粉頭, 只有白胡椒味。或者佢地認為咁就係魚旦吧。好細粒雖然多粒数。配菜真係好少, 連芽菜都好少。荳卜一開二就係見到嘅咁多。兩粒半件嘅荳卜。個湯頭係比較清淡咗少少。就當係健康至上吧! 另一個食物係海鮮豬肉炒麵, 海鮮係兩只蝦加幾條魷魚絲。豬肉係切粗粒/條炒至鞋鞋地。唯一知道蛋麵係自己做的。質感係似即食麵咁囉！調味係知道有d 醬油咁囉。以炒麵嚟講係家庭主婦都做得出嘅出品。但收$7x 又係比較貴。如果以呢兩樣食物而言結論係強差人意。 呢度8成客人係印尼人, 證明佢地係有價有市。而佢唔係自己杯茶, 可能係外面嘅世界五花八門, 選擇可多的是!

上個星期週末晚來, 好多年青人排隊。自己其實都係睇某某 U tuber 嘅片所以來襯下墟，但實在太多人去咗另一家食。 今日係週日反而可以直入就坐。 食物方面大概以79蚊為起點, 好似今日嘅豬肉碎生菜包就係呢個價。 份量好足, 要少辣來的都是少辣。豬肉碎內係有肥豬肉粒的, 如果介意肥的話可能要揀其他了。因為無可能揀返出來。 燒全雞翼$6x /4 只燒得好好, 皮下脂肪已經無乜, 翼尖少少脆。起碼3個"讚" 鮮蝦炒金邊粉, sorry 真的比較細份量。一個人都可以KO 佢。同埋甜咗少少咁囉! 整體OK 不過午市好早就攞單埋嚟, 先結帳 please! 呢樣對香港人嚟講可能會被客人唔like. 明白嘅! 收錢枱要埋午市数。注意午市都要加一。