之前見網上推薦沙爹湯底，之前食麻辣覺得一般，肉碎好肥。 外賣等足20分鐘，但前面只係得一個外賣等緊，沙爹湯變左撈米線，無哂啲湯，所以一定要分湯。米線淋到無牙都食到，夾下夾就斷哂，好明顯放太耐。但買麻辣米無分湯又好地地，唔知係佢地煮完遲遲唔拎出黎定點，話哂啲送都係煮好哂。 味道係一般想像中既沙爹味，可以不試。蘿白有胡椒味🤡，怪怪地

叫左酸菜鯛魚米線同香烤豬柳，原本想叫土匪雞翼，但見豬柳$16平啲，就試下。點知叫左入致癌食物比自己，豬柳薄到似肉片都算，唔知係咪廚房既太得閒，燒到啲芝麻同舊肉燶哂。成舊野食落口係苦既，想死快啲真係可以買黎食。寧願比多8蚊買雞翼。 果鯛魚正正常常，果湯底同平時既酸辣湯差唔多，少左層油，加多兩滴酸，唔好以為係出面酸辣魚咁既湯底，諗多左啦，🤡一啲都唔似。 有啲酸菜但滾到都無咩味可以再出，陣味只係吸返湯底味。

新年流流買個常餐，豬扒豬骨湯麵，拎到上樓發現無湯，之前係太子分店，湯底係無味剩滾水，依間中過分，滾水唔落😑⋯⋯果麵無味，點食？ 都唔敢拎返去，容咩易加料 真係無間分店係正常

首先要係收銀櫃排隊拎外賣號碼qr code紙,用手機落單，又再係收銀櫃前又排多次隊，等職員收錢。 我完全唔明果客要排兩次，啲職員又要係收銀機禁飛，之後又再收錢，邊一忽快左🤡 職員無快到，果客又無快到，快快脆聽完落單收錢咪得，紙又要出多張，又浪費。 🤡你印單紙成本中高左，本身啲人手腳已經慢，外賣啲客已經等得耐，中要排兩次。 😃除左豬皮粒un喊，湯粉正常。

叫左即炸豬扒豬骨湯即食麵， 塊豬扒食唔出係即炸，熱度唔係特別熱，不過份量搭夠，無估到塊豬扒咁大。 湯麵正常，同出前一丁黑蒜豬骨湯既湯底差不多，唯一缺點係啲豬扒用左美極醃，上年食蔥油豬扒飯又係用美極醃，搶哂啲味，蔥油既咸香明明先係重點，隔太耐唔記得間野豬扒用美極，如果唔係應該會叫第2個餐。 😓改善吓唔好用美極啦，淡淡肉都好似食緊美極落口咁。

午餐價錢有九折都貴過以前，喇沙又唔比揀粉麵，湯河正常好快整完姐，大熱天時一路等，見到幾個買外賣都出返門口等。 愈等愈耐 ，見到店中間有張檯，望住果職員執完外賣就放係度，又無拎出黎叫號碼，因為等一個餐，果度有兩大袋，咁佢唔拎出黎應該係foodpanda la。又見另一個職員執緊一個大外賣，又拎去張檯度，順手望下啲單，又唔拎出嚟。 收銀既一連收4個外賣單，望到三批人都行返出去等。 咁疫情下，唔好意思入去店中間，你咁都唔拎出嚟，好自然覺得係foodpanda la，直到我等到唔耐煩，叉住腰想入去追單，果收銀先慢吞吞行去果張放左三四袋既外賣，拎被遮住既一人餐比我。 讀心咩，你地懶，就放去對住門口既檯啦，起碼人地都會意識到你地唔會拎出，又唔會叫號碼，望下有冇自己份。啲客唔係你哋條蟲呀，望完啲單又唔拎出黎，咁望咩嘢？收銀果個又唔係忙，得閒出黎問外賣定堂食之外，就行返入收銀位😐，十分鐘得一檯堂食埋單。

之前都食過一次外賣，覺得好食，所以再去，唔知係多左人食飯定真係多左人買，今次要排隊排到出面。 兩次都揀左芝士漢堡，但今次一打開就好有m記歪斜餡😪既特色，咁m記平同職員人工低是但擺都明點解。最慘在歪左出黎既係肉餅，唔想用手推返入去，然後一拎起舊包，果麵包底果塊全濕😐，水蒸氣？？濕到我好想影低同fd講要收返上次答佢果句好食。 上次外賣都無問題，但今次麵包濕就🙃幾難食。麵包雖然有烤，但無咩烤左麵包既吸引力，唔覺特別香，同無烤差唔多。上次覺同之前我係其他漢堡店食烤咗漢堡包唔一樣，無左烤既香-》特出包既甜味，包既問題？ 其實今次我係特登出尖沙咀食，買完就走，食完果下係...無下次？？

之前食過小米跟牛丸湯，因為怕腸粉唔可以走香茜蔥，之後發現佢地會問下人食唔食，落單時禁埋。 所以今次試下腸粉，一早講走茜蔥，單都落岩，但返到去發現無走到。唔知係廚房無走定執餐時執錯比我啦，結果好努力咁了返出黎。 睇得出腸粉已經放左一段時間，發脹同吸哂鼓油。叉燒少到無朋友，得半粒半粒咁，比起酒樓差好遠。最後放係底果兩條，中要一條得一粒叉燒，（如圖）食到最底2條見到一粒叉燒，o左咀，係咁了都係得一粒，最搞笑係兩條茜蔥都無埋，見到少少茜蔥果半其實原先係放係面。極度懷疑係專登整少料被，所以放係底，結果有食齋腸既感覺🤡 套餐價同出面散叫腸粉加小米差唔多，多杯野飲咁囉。

食外賣食到要忍唔住再煮都係第一次，d米線硬到似食橡筋。 食過間分店4次，得一次係正常硬度。果次係未轉分湯既外賣盒，之前係分店堂食又係好鬼硬同唔入味，咁硬就緊係唔入味。 今次硬到要開爐再煮下d米線，唔係唔熟唔過骨，但只係岩岩夠熟。 客唔算多，下午茶兩三點，廚房趕咩呢？堂食果次中要半吉添，諗唔明點解d米線煮咁短時間。 🙂其他分店食過都正正常常。 同埋比飲管同吉檸檬既匙羹，但又唔比餐具，係咩玩法？好在我唔係係公司食姐。

買了double 芝士滑蛋豬柳多士，麵包烘得很好，很香，有脆感，即使我搭2個個站返屋企都無變濕哂。 果蛋都好滑，雖然無係韓國食同款既蛋咁有蛋香同滑，但已算不俗，價錢亦同韓國相差不遠，都係三十幾蚊。 唯一不足芝士味不重，雖然果名叫double芝士。