同朋友排隊去食飯, 等左差唔多半小時先入坐。 坐定睇好食咩後, 咪埋去casher落單囉。 埋到去, 叫左2分幾鐘"唔該落單"都無人理。 好啦, 都體諒佢地唔夠人手嘅, 咪企響度等一陣囉。 轉頭等到個疑似女店長的人響廚房走廊走一走左出黎睇場, 咪示意想落單囉, 點知佢啤一啤我(一定睇到我), 之後就縮返入走廊位照舊繼續同同事傾計, 完全無打算幫客人落單/叫其他人幫手！當客人透明唔嬲就有假! 如果唔係同朋友同行兼等左咁耐, 我會即時走人揀過第2間! 最後好彩無耐有個職員行過, 我先落到單叫野食。 食物質素無可否認係好食, 但疑似女店長的人就完全影響整間店鋪的總評分囉 食到我一肚氣!

呢間Cafe開左一排未有時間去試. 早前跟朋友有聚會, 就提議一齊去試下新食物啦.
可能我們比較早來到(未夠7點), 所以唔洗等位就有得坐.
每樣野都是即叫即整, 平均都要15-20分鐘先開始有菜上. 如果太肚餓就唔建議去食呢間啦.
我地樣樣都有叫D黎試, 係未有點甜品. 最好食都是香辣海鮮意粉, 個個食過都話好開胃好好味. 其他就一般囉~
服務都算唔錯,有D小食/餐都會提點一下你會是帶辣的,對於唔食得辣的朋友是一個好大的提點.
如果想悠悠閒閒坐響度慢慢吹下水,呢間係唔錯的選擇.

上openrice睇過呢間野食評唔錯，甘岩又撞正團購優惠，就心思思去幫襯下啦，點知中哂伏。 人地話食市一做團購活動，質素都唔會好得去邊，所以我地一行4人都帶住無要求的心情去。 已經早一星期book定位，book 7點半，7點4去到要我地等叫飛，正常呀。等到7點10，連之後黎的4位都入坐啦，嬲嬲地走去問個職員幾時到我地，果時佢先話可以上樓入坐囉！(我地4個一直企響個職員格離，無可能聽唔到叫我地飛囉)唔追真係唔知等到幾時！ 呢樣都算。我地坐低後點野食，d野黎得超慢，次次都要等4個字先有野食。已經是限時2小時放題了，等位無左4個字，叫野食又無左4個字，咁我地實際可以叫幾多轉野食？！可想而知。 有d點嘅左又無黎，搞到我地每轉都食唔夠一陣就無哂野食。 食物質素 ＜三文魚＞-叫了三次，除了頭一次是ok之外，第二三次黎的，都是超"un" ＜蝦刺身＞-都算是ok了 ＜燒波羅＞-ok ＜粥＞-完全唔得 ＜牛柳粒＞-ok 仲有，我地食完成枱都係碟，叫d職員幫手收野，叫極都可以直行直過唔應人，或者掛住吹水，都唔知好嬲定好笑。 比錢走左人之後先醒起，團購話會送的帶子，佢地又無送到……唉…… 總括而言，呢間野無下次！

身為街坊的我, 差不多日日都會經過此店, 但一直都未有機會去幫襯下(間鋪淨係開晚市, 6點開始). 終於有日有時間啦, 當然去試下!
呢間泰國菜鋪仔細細, 去食唔洗唸住室內, 基本上一定是坐鋪外(大排檔甘款.) 如果撞岩天氣熱呀, 落雨呀, 基本上只可以揀外賣返屋企食.
我同男朋友兩個人7點九去到, 估唔到已經有4枱人開緊餐啦! 因為街邊空間有限, 我地等呀等, 等左大半個鐘先有位(唔係有人食飽走果隻, 而係老闆唔知響邊搵到張枱出黎開枱做生意). 由於等左甘耐的關係, 我地響等位果時已經揀好哂一陣會叫咩野食呀甘. 當一有位坐低的時候, 唔洗再唸三唸四就可以九秒九叫野食悭返d時間.

我地點左4款野食, 以下按順次序上菜...
1.生菜包
2.炒椰菜笛
3.炒金邊粉
4. 冬陰公湯食評:
1.生菜包
生菜夠新鮮, 豬肉碎帶有少少辣味, 惹味非常, 我同男朋友食唔停口, 必食之選!
2.炒椰菜苗
菜苗都算不錯,可惜碟底太多汁
3.炒金邊粉
金邊粉酸酸甜甜,帶有少少辣味,十分開胃. 一碟夠3個人份量,超抵食
4. 冬陰公湯
超足料! 入面有蝦有蜆,湯有少少椰汁味, 都是少少辣, 岩哂唔係好食得辣的人士去點.

本身唸住唔叫d咩咩燒豬頸肉呀 魚呀同炒蜆, 可以快d上到菜啦, 但點知都要等多半個鐘左右先開始有野食囉@@! 可能係家庭式作業的關係瓜...
等左一輪, 岩岩好九點先開餐... 本身由唔肚餓, 都等到開始餓了... 好彩我同男朋友各自各都有食左下午茶打底, 如果唔係甘搞法一定等到發脾氣.
佢地上菜呢, 真係不敢恭維, 食完一道先再整一道? 每道菜食完都要再等5-10分鐘先再上第二道? 明明唔係手工精細同要煮好耐的菜式, 點解可以搞甘耐?
最後, 我地食到十點半先走... 真係估唔到食3餸1湯可以食甘耐...

野食全部都好好食, 又好足料, 平均分比80-90分(淨係食物質素計). 特別係生菜包係超好味! 但我地唔建議肚餓/唔等得的朋友仔去試, 如果唔係一定等到燥.

朋友家住石硤尾, 次次過去探佢, 都會揀品香樓開飯~ 貪佢夠足料&好味呀-嘛!
2個女仔可以食d咩 3餸+2碗白飯就夠哂飽了 仲要有剩可以打包呢!
我地叫左....
1. 沙拉骨 -- 推介! 超好味! 必食!
2. 賽螃蟹 -- 推介! 價錢雖然比其他菜色貴少少, 但勝在分量夠多&足料, 送飯食一流!
3. 尤魚鬚 -- 老實講, 我覺得唔係甘好食... 甘的價錢可以揀另一個菜式... IMG:3]

location: 如果唔係地頭蟲or街坊去食, 都唔係甘易搵到間野響邊...
坐位: 坐位與坐位之間排得都幾密(可以話係迫囉, 可以係密到冇咩位可以行, 要叫人讓開一下比你行過去果隻), 如果要坐得舒服, 佢唔係一個好的選擇... (ps: 但就算入面坐位有幾密, 出面門口有幾多人排隊等開飯好, staff 都唔會安排陌生人同你搭枱. 呢個係值得一讚! 唔係度度地方都肯甘做架!)

見到個$118 2人set都幾吸引甘, 咪入去幫襯下囉, 點知會大趺眼鏡...

我地叫左...
1. 蒜蓉包+薯角
2. 意式烤雞紅米燴飯+鮮茄腸仔意粉((唔係好記得叫咩菜名啦)
3. 芒果軟朱古力蛋糕+士多啤梨軟朱古力蛋糕
4. 藍莓浪漫(熱)+芒菓特飲(沙冰)

落左單行埋位, 坐左一陣, 就開始有侍應上菜啦~ 都算ok快手.... 不過.....佢地一黎就先比主菜我地食囉, 唔係甘搞呀? 我地個前菜蒜蓉包+薯角仲未上, 就比正餐我地食? 我未見過一間餐廳/cafe甘上菜法架喎...
我地吹促左一下侍應, 佢先走左櫃台上返前菜比我地. 都唔知係佢唔記得左上呀, 定係d前菜未炸起.... 不過咩理由都好, 都唔應該先上主菜比客人先呀? 呢d係唔應該犯的錯黎的!

食物評語:
1. 蒜蓉包+薯角 <---算係甘多樣野食中, 最正常水準了
2. 意式烤雞紅米燴飯 <--- 太淡, 分量好少
3. 鮮茄腸仔意粉 <--- 太淡, d茄汁水汪汪甘, 仲衰過去大x樂/大x活果d set
4. 芒果軟朱古力蛋糕+士多啤梨軟朱古力蛋糕 <---莎利蛋糕+雪糕球, 普通不過了
5. 藍莓浪漫(熱) <--- 都係好淡口
6. 芒菓特飲(沙冰) <--- 無咩味

服務:
serve我地果個侍應就不過不失啦.... 不過我見到另外有個侍應黑口黑面甘對住d客, 仲要唔係甘好語氣對住人添, 我睇到都唔係甘高興....唔知果比佢serve 的客點唸啦~ 總之佢唔係serve我地就唔理甘多lu~

一年幾前幫襯過一次, 印象之中的食物&服務水準都無甘差的, 家下點解會差左甘多架?!
今次已後都真係唔會再去了 Too bad

呢間野聽同事朋友講都話好好食, 上星期就一於落去試下啦~
點知....
唔知係咪希望越大, 失望越大...

叉燒湯意粉&通粉: 普普通通, 個湯咸左少少, 不過食得出無落味精~
炒蛋: 好唔好彩食正果個係臭蛋, 所以分數大打折扣
西多: 不過不失
侍應效率: 超快, 要比10個讚
飽肚: 比較大食少少的, 一定要再食甜品先夠飽

總括黎講: 幫襯一次就夠了~

公司今年揀左呢間酒店食蒲飛團年, 點知失望而回.

以下是我&同事比呢間酒店蒲飛o既食評:

彈
三文魚: 唔夠新鮮, 唔夠爽
北寄貝: 夠爽, 但冇咩味
冷面: 唔爽, 基本上是林o既
綠茶蛋糕慕士: 有d苦, 可能是加得太多綠茶粉
加菲蟹: 出得唔夠多, 食一轉就冇啦
壽司: D飯散收收. 未夾就散

讚
蠔: 雖然細細隻, 但好好味. 唔似得其他酒店o既蠔, 有潺同一咬就有D海水爆出黎
煙三文魚: OK
蒸石斑: 好好食
燒肉: 夠脆, 但輕微咸左少少
龍蝦: 好味
豬腱湯: 藥材味膿, 足料

仲有野要讚o既係: 職員補食物補得好快, 個兜唔會冇哂野食

總括黎講
款式唔多, 食物味道又唔係好突出, 如果唔係有信用卡優惠, 就唔建議揀呢間黎食蒲飛啦~

首先要說明, 我光顧了深水埔的明將差不多有10年。

現在的明將壽司不比從前, 食物&服務水準越來越差...

今次去吃, 特別有厭惡的感受...

第一, 壽司飯是暖暖的! 壽司不該是冷冷的嗎? 為何會是這樣的差?!

第二, 壽司飯沒有米醋味。根本跟普通的飯沒有分別。

第三, 那''壽司飯''上的餡料, 少得很都罷了(因為看在這是任吃的關係), 但也不應該未調味就拿出來賣嗎? 打個比如來說, 中華沙律壽司的海草, 它本身是沒有味道的, 對吧? 但是, 明將竟然連調味的功夫的省了! 它把那些沒有味道的海草就這樣原原本本的搬出來給我們吃! 可試想想看, 一點都沒有味道的海草跟''壽司飯'', 叫我們如果吃得入口哩?!

第四, 每件''壽司''的餡料份量, 十分參差不齊。大部分的''壽司'', 都只是有一點兒的餡料, 只有一少部份的是勉強合格。

第五, 那些蓋在''壽司''上的透明膠蓋, 衛生程度令人生疑。食物為了衛生, 才會安排蓋上膠蓋的, 對吧? 但若果膠蓋本身都滿是污垢, 我想... 不加上那些膠蓋, 還比較衛生吧?

第六, 員工當客是透明。客人示意要招呼, 10個有9個員工都扮看不到, 不來招待。有時故意的在他們身邊大大聲的叫喚, 免得他們裝傻... 哈!!! 誰不知, 他們竟然還可以裝龔的, 毫無表情&表示便走過... 真厲害! 簡直當客是異度空間的''人''。

第七, 切三文魚的刀法有問題。一直看別家的師傅切三文魚, 切好後魚身的紋理都是''V''字般的。可是今天, 我終於看到''1''字紋的切法了。也許是我見識淺薄, 未見過''1''字紋的切法吧。還有, 可以順帶一提, 明將師傅可以把三文魚切成薄如紙般, 有些甚至是通透(沒有誇大的), 是否厲害?

還有很多很多地方有不滿... 在這裡真是數之不盡...

例如''壽司飯''很易就散開呀, wasibi好像有''出水''的現像般等等。

總而言之, 經是此一行之後, 我想我不會再去那兒吃東西了... 那裡什麼都是一團糟... 唉...

那裡的waiter or waitress經常''時運高''。說真的... 只要看到他們的處事方法, 你就會滿受一肚氣!

唉... 雖然付出那少少錢去吃東西, 是不該期望那麼高... 但我想, 基本的服務水平也要維持吧? 好像現在的明將, 我再看不到半點的水準哩...

我相信, 要是明將不改掉以上的問題, 它將會是壽司界的一大壞塝樣。

食物味道一般, 普普通通的。
最多款式的是甜品部! 肚子要留空不少位置去試試!

要稱讚的地方:
所有的職員, 不論是服務生還是廚師&剌身師傅, 都好好招呼, 值得一讚!
特別是剌身師傅, 他好好人的啦!
要改善的地方:
背景音樂是的士高的音樂, 與餐廳的氣氛完全不夾。應改為其他悠和一點的音樂才對...
燈光暗了一點, 可以較光一點的吧?
食物的盤邊, 沒有食物的名稱牌。客人選東西吃時要時時要問師傅, 可能會感到有點兒煩厭。要不然的話, 就只好自行估一下是什麼東西吧...