想去一間有情調既餐廳食晚餐... 就RANDOMLY咁O係1881 O個度選擇左呢間THE PARLOUR

我地坐出面, 因為"浪漫"啲 因為O個晚凍既關係, 所以侍應會SERVE暖水. 服務算係咁, 但係衰左落錯單, 叫左羊, 但係黎左個魚, 本來叫佢換, 但係侍應勸我地唔好浪費食物, 所以我地照食, 佢地送返一ROUND酒俾我地.

我點左個COD FISH, 勁細舊.... 一D SIDE DISH都無.... 味道OK既, 不過過左一分鐘舊魚已經凍左LU...

魚味道較淡. 之前叫左個SALAD, 有5-6粒蝦, 夠3個人分.

另外, 叫左杯bloody mary, 其實之前冇飲過, 今次第一次飲覺得比較辣~ 同埋冇咩酒精味

食完之後, 大家都要再去另一度食宵夜.. HAHA

一個星期六, 終於"滴"起心肝去豚王朝聖. 去到發現原來條人龍係O係一條小巷裏面, 排左大概一個鐘到, 2PM入到去.

我選擇左黑王, 因為好似比較特別. 朋友都係叫左黑王. 可能廚房方面有啲誤會既關係, 朋友O個碗面黎錯左, 我朋友話唔緊要, 照食, 但係廚房堅持要換返O岩既俾佢. 所以我都唔食我O個碗住, 諗住等埋朋友新O個碗面黎左先一齊開始食. 點知廚房見我O係度等, 又話要換過另一碗俾我, 佢地話因為要熱先會好食, 我話唔好咁"哂"左佢, 我宜家即刻開始食, 但係佢地堅持換俾我... 我呢一刻好欣賞佢地! 覺得佢地對煮拉麵有十萬個認真同熱心!!!! 個麵實在太好食喇. 佢有得揀麵既硬度, 我揀左硬. 我覺得太軟無咁好食. D湯好濃味, 同埋好似會癡住D麵咁, 好正!!! 我未試過食一樣野可以有咁欣賞個食物既感覺. 我本來好想飲哂D湯架, 但係真係太飽喇, 食唔哂.

我覺得俾$90同埋排一個鐘隊去食呢碗麵, 係絶對值得!!

聖誔前夕黎度呢度食LUNCH, 無叫聖誕SET, 因為個SET好似太多野.

聽聞呢度有印度既廚師, 所以印度食物比較地道, 所以我都叫左個印度飯WITH魚. 個名太難記, 寫唔返出黎 個飯既份量令人呆左, 可以俾三個女仔食... 有魚肉同雞肉收埋左O係飯入面. 都幾辣下, 食到有D香料既重味道, 好惹味.

環境一流. 服務都唔錯, O係等食物既時間耐左少少唧.

一個WEEKDAY既晚上, 去到要先按電腦攞飛, 等叫NUMBER, 等左大概十分鐘度有位.

叫左一個赤丸新味, 加個叉燒角包.

個麵比我想像中少, 賣相唔靚, 覺得個廚無心機煮咁. 叉燒肥左d, 我自己唔係咁鍾意食肥叉燒. 個麵無豚王O個D麵咁"癡"住D湯. 叉燒角包都好食, 但係賣$28就貴左啲.

總括黎講, 我寧願俾多少少, 排耐少少食豚王.

服務: 落漏單, 可能咁樣會影響左我對呢間餐廳既感覺.

行完寵物度想揾個地方食飯, 見到呢度出面有廚師煮緊煲仔飯幾吸引, 就入左去.

我地兩個人叫左生炒糯米飯, 煲仔飯, 半隻雞, 一個燉湯個雞就少啲肉, 但係其他野樣樣都好食. 糯米飯真係生炒, 唔係煲既. 煲仔飯有飯焦!!!　個燉湯無影相, 但係好多料, 不過當然唔係平啦, 成$48一個, 不過真係好多雞, 紅棗等等...

係一個可以再黎既地方! 餐牌上仲有好多野可以叫~

去食午餐, 冇咩人... 店主見我地唔係好明d食物名, 佢過黎介紹我地食d咩~~

叫左samosa! 好好食~ 好似咖哩角咁~ 另外我地叫左個唔知咩咖哩... 個餐牌上面食左係辣架, 我地都有叫, 因為自以為食得辣... 但係真係好辣!! 食到流哂汗 haha. 仲有印度飯, 好特別~有一陣特別既香味~

希望佢地做得住!!!遲d會再去, 但係唔會再叫o個個好辣既咖哩

清明節行完山過左黎赤柱找野食~ 去到海濱, 見呢間有位就坐低左~點知真係一個錯～

我地叫左三杯野飲~ 其中一杯係士多啤梨乳酪沙冰~ 十萬個難飲!!!冇士多啤梨味, 個味仲好似係放一舊芝士打溶左然後放落隻杯入面... =.=

另外叫左個炒麵($49), 個menu圖入面個炒麵有勁多大舊叉燒, 點知個炒麵黎到, 麵既量少, 叉燒更加少, 得幾小條....
仲有個混醬薯條($35), 真係混帳, 份量仲少過我去mcdonald食一個中舊條~ 混醬係即係有9個醬, 但係每樣都係得好少, 冇咩特別~
餃子, 得5舊($35), 好貴!! 去到廚房見到根本係frozen food~ 仲要同客講係'即製', 即製即係即刻從雪櫃攞出黎煎, 超多油
春卷都好d, 不過都應該係frozen food~ ....

3個人食左手$253~ 原全係同掟左d錢落海冇分別~ 以後都唔會再黎~

好肚餓~ 突然想食腸粉所以入左呢間粥舖~
叫左一個腸粉, 加多個炸兩~ 都幾平, 每樣$8
兩樣野都係凍凍地 ==.... 炸兩入面既油條係腍架~ 腸粉好重唔知咩味, 應該係粉漿味...
好肚餓既話都可以入黎食~ 如果唔係既話, 就唔好搞la~~

第一次食~之前以為得荃灣有.. 原來尖吵咀都有分店!
下午2點幾, 店入面冇其他客~~
今次試左榛子千層pancake同埋粟子味千層pancake~
粟子既好有粟子味~ 榛子o個個味好強勁~

下次會再試其他味~

一心諗住去o個度試車仔麵~ 但係入到去見到週圍既客人都係食緊滑蛋蝦仁或者滑蛋叉燒飯~ 於是我都忍唔住叫住個滑蛋叉燒飯~

個飯好大碟, 叉燒半肥瘦啦~~ 同個蛋'融合為一' 仲有個甜豉油另上架~ 蛋好有蛋味啊~ 好好食~
見到隔離枱既滑蛋蝦仁飯超級多蝦, 下次一定要試!

有一位伙計姐姐好有禮貌, 我入到去話張櫈濕左佢即刻話攞tissue俾我~ 之後我想打包走, 佢又好好咁俾個盒我同埋幫我包好~~ 幫我執枱時又叫我唔駛咁急走~~
伙計有禮貌, 餐廳唔係好大, 但係乾淨企理~ 下次一定會再去!