FoodieGoodie 等級4 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2020-10-29
行行吓…大家開始餓…就附近新港中心落去…睇吓food court有乜東選擇吧…簡單解決個lunch…巡左個圈…覺得可以一試Toast Box 既laksa吧?!...自己喜歡食laksa…雖然food court環境冇乜…都帶點期待啊… 餐到了…賣相真可謂麻麻地…可能直覺只要加一點綠都已經可豐富了眼球…嘻嘻…好吧!! 或者不要事事”貪靚”…最緊要還是味道吧?! 超後悔啊~~~~ 一啖咬下隻蛋…凍o既…吾係室温凍…係雪住o既凍添…蝦又係咁…冷冰冰o既……感覺真太差勁了啊…完全係預先做定執配料上碗麵度…連翻滾熱都冇…莫非星加坡天氣熱…向來如是???!…豆卜吾特別有豆香…魚片冇乜好講都… … …麵係類似瀨粉…白色爽口果隻, 自己喜歡蛋麵配D……本來湯頭味道還可以…的……..真係為左吾可以浪費…好勉強食左碗麵佢咋…可以好決絶講句…吾會再幫襯…了!!
評分: 味道 1 環境 1 服務 2 衛生 2 抵食 1
2020-10-29
晨咁早出到尼尖沙咀…尼到K11 Musea…可以靜靜地嘆番杯咖啡…但GC賣咖啡個水吧…得一個員工…收銀沖咖渄一腳踢…出現左條小龍等待…已跟朋友暗揣…睇佢急到咁o既樣…吾知有冇影嚮咖啡o既品質呢???!.............. 言中添……. 杯Cappuccino $40…拉花已變朦糊一片…白泡沫係啡色…賣相先打個折扣…umm…咖啡味帶小苦澀…冇乜香滑純厚…好普通…可稱為失望…還好係同時幫襯bakery items…買咖啡享9折… 否則更覺不值耶!! 至於抹茶牛角包$26…外型靚, 層次分明…亦夠酥脆...而且相比起一般香港好多時食倒o既…實在比較清新吾油…OK o既…但冇心心眼愛上…囉…
評分: 味道 2 環境 2 服務 2 衛生 3 抵食 2
2020-07-07
跟好友生日相差只幾日…偶發性約埋一齊賀賀佢…哈哈!!...慶生也不一定要晚餐蛋糕+禮物…相見就是好氣氛…關心就已顯愛心!!... 正好7.1假日大家有空檔……來個朝氣o既豐富早餐…好醒神呢~ 訂左尼Brick Lane Gallery…位處綿登徑…靜處一角…有喜愛o既英倫格調…帶點時尚帶點放浪…加點藝術氣息…室內設計以最自然o既木 + 磚為主…別出心裁o既小擺設…書架…大皮梳化…單是環境就令人感放鬆…啊! 牆上掛著架白色單車…乃餐廳o既標記…亦正好象徵住我跟好友一段難忘單車之旅o既共同回憶…...份外感親切呢! All Day Breakfast Menu好簡單… FULL English對於女仔尼講都多了點…所以選左細一級o既Everything $128…份量都十足架!!..........有吾少得o既煎雙蛋、烘多士 + 炸薯餅 (兩樣都好香脆)、煙肉 (少少乾)、白肉腸同煙三文魚都美味…菇啦……沙律菜好新鮮、車厘茄尤其清甜呢!!...隨碟附上3小杯芝士碎、tomato sauce 、baked beans...適隨尊便!! 另一份Classic Egg Benedict $98…都係齊齊share…賣相實在討喜唷!!.........烘底English muffin帶脆 ..放上烚波菜、火腿、一切流心o既水波蛋…加上艷黃o既荷蘭醬…一口試齊多層滋味… 再配兩杯Cappuccino (L) $46…美麗又個性十足o既單車圖案啊~~…咖啡亦有水準…開心又滿意o既一餐… 用餐時間 90mins….全單$318 + 10% service…是酒店級價錢…但樂意支付…良朋相聚、拍拖甚至係獨自享受個悠閒時光o既地方…不知不覺…餐廳都滿座.....了! 題外話/補充資料: 網上訂了9:30am…原來餐廳開10am…在預備中o既服務員話改左一排…但吾知點解系統仍未更新…所以要注意注意…否則要等開門…啊推介美食: Classic Egg Benedict, Everything
評分: 味道 5 環境 4 服務 3 衛生 3 抵食 3
2020-07-03
雖然喜歡外出發掘吓美食…但跟上館子相比…其實宅在家中開餐…係零舍舒服自在…睇住電視hea住嘆…最熟悉o既環境, 至安全衛生o既地方…既可暢所欲言…亦可拋開禮儀…哈哈!!..但大熱天…吾想開爐…反正收到Pizza Hut宣傳單張…芝士輪盤扭扭批?!...就試吓外賣速遞哩…開個2人派對哇!! 2人套餐…$253…有個普通批…小食選左酥脆雞棒脆薯格(需+$10)…用宣傳單上o既優惠卷…只係+1蚊…添多份派對小食…原味雞翼&意大利迷李腸!!..套餐本身包兩份湯/汔水/salad…家陣仲 額外贈送2罐Pepsi 添喎…都算抵吧?!! 電話落單…分店職員好有禮貌…亦耐心解釋優惠詳情…大約30-45mins內…就準時送到…啊! 扭扭批個賣相幾趣緻又色彩奪目…!!…D”扭扭”當中隱藏兩粒黑松露磨菇醬芝bite喎…黑松露真豆豉咁大粒架咋!!...吾係好奇留心著…真係一啖落左肚都吾知…中左寶!! 至於批面o既材料都算豐富…魷魚鬚、小蝦、蟹柳、磨菇、火箭菜、車厘茄、red onion…樣樣有D…最多係大大粒o既凡立貝…每切件都有….亦特別喜歡用上日本小青瓜唷!! 磨菇忌廉雞湯…比預期中大碗啊…有原片磨菇添…都叫滑滑又吾會太咸…ok的!! 小食呢….酥脆雞棒就較味濃…朋友就覺得雞翼一般…或者雞皮再烤金黄一D就好…自己尤其鍾意D腸仔喎…幾好味呀~……超市可以揾到同味就好~哈哈~
評分: 味道 3 服務 4 衛生 3 抵食 3
2020-07-02
好友約食飯…叫我睇睇有乜東心水…齊齊去嘆番餐…!!...靈機一動! 炎炎夏日…食酸菜魚不就好嗎??...開胃醒神…!!...隨便網上都一堆介紹…<廚十三老壇酸菜魚>名子著實特別…又說”班底”有名…好評眾多…不作多想…就訂座吧~ 星期一晚…...都係要求90分鐘用餐時間…但話若果客吾多…可以坐耐D…尖沙咀哩間分店較近期開…裝潢各樣都新淨企理….用色格調都走時尚年輕路線 (包括一眾服務生都屬年青一輩, 髮”色”新潮)…坐位寛敞舒服…又有景觀…但因疫情關係…將卡座與卡座間o既隔板….”臨時加建”升高左…阻擋了視線呢!!... 餐牌都簡簡單…彩印A3雙面兩大版…不用多心…來個兩人份酸菜魚($338)…配菜有10多款選擇…都係$28份…揀左午餐肉…同夠嗦味o既腐竹… 好快啊!…大大盤酸菜魚送來了……見到面層o既花椒、紅椒足以口水流…除左主角酸菜、魚片…仲加有豆卜 、芽菜、蓮藕片…額外加o既午餐肉同腐竹…都已一起放進…再灑上菊花瓣同芝麻…材料十足…快快起動啊~~ 鱸魚片好滑溜啊~~ 咸、度就是剛好呢~ 麻辣已夠搶! (註:嗜辣o既朋友可以要求加辣的呀!)… 酸菜芽菜o既份量可以多一點更好, 嘻嘻! 一份午餐肉都有6,7片唷…雖然多油, 但湯頭實在味美…豆卜腐竹吸晒精華…吾夠…我地再添碗白飯($18)撈湯…好滋味! 心只想…如有火烘著…一直熱騰騰就更完美了…
評分: 味道 4 環境 3 服務 3 衛生 3 抵食 3
|