OpenRice 主頁      English OpenRice      TableMap      開飯遊踨
   中文 | English
FoodieGoodie
我是住在英國的FoodieGoodie。我是一名Couch Potato,在海外工作。我最常於中環銅鑼灣尖沙咀出沒,最鍾意滬菜 (上海)印度菜日本菜,廣東、潮州、星、馬、泰、越,酒店餐廳中菜館咖啡店,火鍋店, 甜品店同咖喱點心海鮮,數之不盡...。
食評會員 8次成為首位寫食評會員
食評數目 食評數目 306
編輯推介數目 編輯推介數目 2
食評被推次數 會員推介次數 110
人氣指數 人氣指數 8501
討論區留言 留言數目 2
上載相片 上載相片 1384
上載影片 上載影片 0
我的推介食評 我推介的食評 0
我的餐廳 我的餐廳 243
關注 關注 0
粉絲 粉絲 222
FoodieGoodie  等級4
關注 關注  留言 留言給此食家 
排序方法:  日期 笑臉 笑臉 喊臉 喊臉  編輯推介  餐廳總分 
顯示選項: 所有香港 澳門  
 
 
 
 
 
  文章形式 文章形式   |   地圖形式 地圖形式
共 306 篇香港及鄰近地區的食評,正顯示第 1 至 5 篇的食評
2010-12-06
Share on TwitterShare on Facebook
類別 : 意大利菜西餐廳海鮮薄餅

周日一朝早同幾位朋友仔到屯門小欖小步遠足…中段轉折到黃金海岸來個中午飯…簡單醫個肚再上好友家耍樂…

好友話哩間餐廳應易手冇耐…不如去試下新主上場質素如何??...

餐廳對正黃金泳灘, 雖然已踏入12月但天氣仍和暖…加上哩日有活動舉行, 沙灘人潮正多, 好喧鬧呢!!...餐廳入口處地上放著數個黑板手寫餐牌…內部餐椅陳設等裝潢簡單, 勝在樓底有兩層高, 日照充裕, 帶點熱帶風情, 有個大水吧, 聽講晚上有live band表演添; …外面架有小陽台撐著一排大陽傘, 喜歡的可以選擇戶外對著泳灘o既餐桌…

Set lunch餐牌有7-8款…約$68起…都係餐湯+主菜+咖啡/茶…名為意大利餐廳, 但見主菜款式似普通港式西餐/茶餐廳咁...較為令我地聯想到意大利的, 有”菠蘿火腿比薩”…!!...仲留意到隣座數檯D客人食即食麵餐之類…就是生意難做了吧???

又見餐廳英文名尾二字為Casual Restaurant…”casual”一字又真夠貼切了!!...食物同服務確實夠隨便又隨意…點解??

正在爭札於選邊款好之時, 身穿花哩碌夏威夷恤o既服務員大叔催我地一把, 一句”快餐啦!!?”…吾見手上餐牌寫著, 就問大叔快餐又有乜東東??...大叔答chopstick洋蔥豬扒…朋友記得門前黑板寫著快餐只兩款, 多問句仲有個甚麼雞的?!…大叔呆左一秒後話吾記得, 叫我自己出去門口睇(?!!)shocked…果一刻我神服於大叔咁隨心而為o既服務態度tongue…好自然咁乖乖自己走出門口再望下黑板…回來”報告”另一款係chopstick南瓜炆雞…分別係$35$38蚊!!!...

朋友仔異口齊聲點左三客洋蔥豬扒, 分別指明配薯菜意粉…順理成章我就負責試南瓜炆雞吧?!...正當我想開口說配(……)…服務員大叔已一句”飯黎架! 飲咩?”!!!...

...主菜一上, 要配薯菜的冇薯, 只”隨意”配上唐生菜胡蘿蔔…要配意粉的只”隨意”配上白飯bowl…吾知點解…覺得好有喜劇效果…大家都忍吾住笑!!lol

開飯啦!!...好大碟頭!!...每客洋蔥豬扒有兩大塊豬扒…多多醬汁多多白飯加上綠油油唐生菜, 顏色賣想亦算討好的…小試朋友一口豬扒, 肉質肉味都屬okay架播, 最緊要係冇雪味亦冇用鬆肉粉感覺!…再試南瓜炆雞, 雞肉嫩夠滑, 南瓜甜甜又腍, 加有少許豆豉多添香口…米飯亦叫粒粒企身吾糊爛…至於杯熱啡麻麻, 稍稍帶澀o羅…

$30多元一客快餐連飲料, 價錢大眾化, 食味亦較預期中理想, 不比同類型輸蝕…中午作為泳客飯堂不失為過…

洋蔥豬扒...配薯菜冇薯!!

洋蔥豬扒...配薯菜冇薯!!

 
洋蔥豬扒...配意粉變配白飯!!

洋蔥豬扒...配意粉變配白飯!!

 
南瓜炆雞

南瓜炆雞

 
跟餐熱咖啡...配鮮奶

跟餐熱咖啡...配鮮奶

 
堂食等位時間: 0 分鐘
用餐日期: 2010-12-05        
是次消費: 每人約$40 (午餐)

評分: 味道 3   環境 2   服務 2   衛生 3   抵食 4

推介此食評

0
 
 
你覺得這篇食評:
鼓勵
期待
有趣
感動
羨慕
靚相

共有4 人投票
查看結果

2009-10-13
Share on TwitterShare on Facebook
類別 : 西式咪嘥嘢食店自助餐

早幾年都不時有踏足金鐘JW Marriot飲茶同食自助餐…年多兩年冇o黎, 下午茶自助餐時段依然係特長由下午1點供應到6點…以前都o黎過哩度食過4, 5次…講真, 以過往經驗, 食物質素吾係話特別優勝…但哩度係個可以hea得舒服 o既地方…

俗語有云『三個女就一個墟』…今日夾埋兩個墟就選擇左哩處hea足佢5個鐘…咁耐冇o黎, 又體驗下服務同食物有咩改變啦!

環境佈置都咁上下, 沙發就已坐到殘殘地…曾經有live music…今次冇播…服務員可說稱職, 但近乎個個冇笑容…雖然可以話”笑容”吾係服務範疇…但我覺得笑容可掬o既話係會令自己同顧客都開心D架…anyway…

食物o既種類同款式都大致係咁上下…質素有好有壞…

(一) 先嚐冷盤…sashimi只2, 3款…三文魚及貝類, 哩D夠新鮮就可以了!…sushi亦只3數款, 有燒鰻魚、北寄貝, 甜腐皮…這類都係放嚮小小玻璃冷凍箱內, 由師傅服務, 吾係自取…我只試左鰻魚壽司同三文魚剌身…壽司個飯實在雪到又凍又實, 扣晒分!!!…本鍾意鰻魚壽司o既我, 食左兩件都吾想再要第二轉!!...另外有兩款可自取, 塗上不同汁料o既三文魚生又係麻麻, 冇味道o架!!...另有大量smoked salmonparma ham, 都好味!

日式冷麵則有綠茶及蕎麥兩款…一小碗一小碗放好, 自己加湯底, 佐料有白芝麻、紫菜、醃漬物等…雖然哩個好似冇乜煮功技巧…但勝在麵條冷度同軟硬度適中, 新鮮, 吾會話麵條乾涸或黏著一團咁…ok啦!

Salad bar就著實係吾錯…大家一致讚賞…
* fruit salad全部用新鮮生果, 包括木瓜、哈密瓜、密瓜、菠蘿、火龍果等…好好!!
* seafood salad主要係大蝦同元貝…用料好足!...大蝦隻隻彈牙; 元貝粒粒5毫錢咁圓又肉厚(粗略有1.5cm)…用o黎做沙律係上選!!...讚啊!!
* cherry tomatoes & buffalo cheese…小番茄多汁又甜, 香草調味又出色! 亦讚!!!
* 日式蟹柳沙律…亦係用料十足十…好多蟹柳!!...好好味!
* red & green apple salad…蘋果又爽又甜, 可惜係落過多沙律醬(卡夫奇妙醬)…所以稍遜!!
仲有其他如black/green olives, 各類堅果、乾果、芝士、crackers等供配搭…又有兩至三款切件baguette供應, 都係包火腿生菜之類…就冇特別興趣去試!!...反而側邊放著o既兩盆橄欖油炸雜薯同雜菜片仲吸引呢!

小小水吧供應4,5款自家創即製o既fresh fruit & veggie cocktail…我地一人試款, 都冇乜邊款叫好, 除味道接受不了外, 杯杯都係普通室溫!!!!...哩類飲料吾夠冰凍亦好倒胃口的!!!

(二) 再嚐熱食
中式點心試左(1) 蝦籽燒賣 - 好味, 可以多食幾粒! (2) 上海小籠包 - 放著不斷蒸太耐, 包底個皮已經爛, 大打折扣! (3) 煎腸粉 – 哩個煎完大盆放著, 雖然熱住保温, 不過都係會硬晒, 麻麻!!...另外仲有鮮蝦粉果同鮮竹卷可供選擇…

肉片粗炒麵 – 都係醬油炒, 肉片多, 調味ok亦吾算油, 但個麵條本身吾多靚, 一般而已!

滷水雞翼 - 滷汁濃淡得宜…有時滷o既時間太長, 雞肉會霉又或太咸…哩個又做得好播, 雞肉既入味又彈口, 喜出望外啊!...

五香金錢肚 – 朋友食過話味道ok, 不過用白蘿蔔炆好過用薯仔!!!...小食類仲有沙爹串燒…不過, 我見D肉望落又乾又”鞋”咁, 冇試!!!

生滾廣東粥品 – 先自選粥料及份量, 由廚師為你即製…可供配搭有:豬肉丸、新鮮豬肝、肥牛肉、碎牛肉、鮮蝦、帶子及皮蛋…除牛肉外, 我各款都要左D, 特別要讚豬肉丸, 出奇地味美!!…粥底比前進步左, 夠綿夠味…一般佐料如咸脆花生、青蔥花、芫茜、油炸鬼等亦可隨喜好添加!...哩個粥值得讚o下, 個肚有位吾怕多食一碗呢!

(三) 淺嚐甜品
係時候去進攻甜品…嘻!!!...甜品有多款選擇…各式切餅包括Marriot’s signature American cheese cake, chocolate mousse, home-baked cookies, lemon tarts, chocolate brownies, crème brulee, puffs, raisin scones等等…

佢地o既American cheese cake好味但太填肚, 所以今次放棄冇選擇…我選左(1) 香芒西米露 – 愛芒果, 見一小杯賣相好吸引, 可惜一啖原來吾係純鮮芒果汁, 失望! (2) lemon tart – 一小個一小個放在三層架上, 好可愛咁…但超級甜! (3) 綠茶紅豆蛋糕 – 的骰o既小長方件, 綠茶味吾多出, 紅豆亦只係面頭放果幾粒而已, 叫可以! (4) strawberry & custard pastry – 賣相又係好靚, 敗筆係幾片酥餅有似烘濃o既苦澀味, 又被佢外表欺騙左添!!! (5) chocolate brownie – 哩個以前都好鍾意食, 今次水準依然, 用特濃朱古力製, 面頭再灑上可可粉, 食完先滿足番D咋!! (6) crème brulee – 這個法式燉蛋呀剛巧新鮮推出, 脆脆蕉糖面上放左草莓同藍莓做裝飾, 顏色配搭悅目, 見到都心花放!...即時掏一匙, 果然好味道!!! (7) raisin scone – 一向情迷士干, 哩個較鬆散了點, 但還可以的!

其他仲有㕑師為食客即場炮製pancakes, waffles, candy floss…另有四款口味Haggen-Dazs雪糕, 我要左一球草莓加一球曲奇忌廉…toppings有朱古力碎、杏仁片、草莓/香草/朱古力醬等任意配搭…

新鮮切件生果則有西瓜、菠蘿、哈密瓜及火龍果…

(四) 後嚐名茶
享受甜品之際, 同時亦係嘆茶最好時刻, 稍稍平衡一下 – 自助餐包飲, 可於drink list選擇各式茶/咖啡…我點o既名叫“Detox”o既香草茶, 功能助排解體內毒素 – 用左多少款香草及其名堂吾清楚, 只知檸檬味重! 還清新可以…

呵呵呵…食到腰子都要伸直o勒…餐後由金鐘站步行至香港站, 感覺輕鬆多了!

是日朋友張信用咭有8折優惠, HK$230/pp…
鰻魚壽司+三文魚剌身

鰻魚壽司+三文魚剌身

 
各款沙律

各款沙律

 
肉片粗炒麵+滷水雞翼

肉片粗炒麵+滷水雞翼

 
生滾粥

生滾粥

 
Haggen-Dazs雪糕

Haggen-Dazs雪糕

 
"Detox" from Canton Tea

"Detox" from Canton Tea

 
各式甜品

各式甜品

 
creme brulee + raisin scone

creme brulee + raisin scone

 
用餐日期: 2009-10-10        
是次消費: 每人約$230 (下午茶)

評分: 味道 3   環境 4   服務 4   衛生 4   抵食 4

推介此食評

2
 
 
你覺得這篇食評:
鼓勵
期待
有趣
感動
羨慕
靚相

共有8 人投票
查看結果

2020-10-29
Share on TwitterShare on Facebook
類別 : 新加坡菜咖啡店粉麵/米線

行行吓…大家開始餓…就附近新港中心落去…睇吓food court有乜東選擇吧…簡單解決個lunch…巡左個圈…覺得可以一試Toast Box 既laksa吧?!...自己喜歡食laksa…雖然food court環境冇乜…都帶點期待啊…smile

餐到了…賣相真可謂麻麻地…可能直覺只要加一點綠都已經可豐富了眼球…嘻嘻…好吧!! 或者不要事事”貪靚”tongue…最緊要還是味道吧?!

超後悔啊~~~~ sick一啖咬下隻蛋…凍o既frustrated…吾係室温凍…係雪住o既凍添dislike…蝦又係咁…冷冰冰o既ghost……感覺真太差勁了啊…完全係預先做定執配料上碗麵度…連翻滾熱都冇sad…莫非星加坡天氣熱…向來如是???!…豆卜吾特別有豆香…魚片冇乜好講都… …

…麵係類似瀨粉…白色爽口果隻, 自己喜歡蛋麵配D……本來湯頭味道還可以…的……..真係為左吾可以浪費…好勉強食左碗麵佢咋…可以好決絶講句…吾會再幫襯…了!!
Laksa

Laksa

 

 
堂食等位時間: 10 分鐘
用餐日期: 2020-10-04        
是次消費: 每人約$60 (午餐)

評分: 味道 1   環境 1   服務 2   衛生 2   抵食 1

推介此食評

0
 
 
你覺得這篇食評:
鼓勵
期待
有趣
感動
羨慕
靚相


查看結果

2020-10-29
Share on TwitterShare on Facebook
類別 : 法國菜麵包店

晨咁早出到尼尖沙咀…尼到K11 Musea…可以靜靜地嘆番杯咖啡…但GC賣咖啡個水吧…得一個員工…收銀沖咖渄一腳踢really…出現左條小龍等待…已跟朋友暗揣…睇佢急到咁o既樣…吾知有冇影嚮咖啡o既品質呢???!..............

言中添ghost……. chopstickCappuccino $40…拉花已變朦糊一片…白泡沫係啡色…賣相先打個折扣…umm…咖啡味帶小苦澀mad…冇乜香滑純厚…好普通…可稱為失望…還好係同時幫襯bakery items…買咖啡享9折… 否則更覺不值耶!!

至於chopstick抹茶牛角包$26…外型靚, 層次分明…亦夠酥脆...而且相比起一般香港好多時食倒o既…實在比較清新吾油…OK o既…但冇心心眼愛上…囉…

 
自取等候時間: 10 分鐘
用餐日期: 2020-10-04        

評分: 味道 2   環境 2   服務 2   衛生 3   抵食 2

推介此食評

0
 
 
你覺得這篇食評:
鼓勵
期待
有趣
感動
羨慕
靚相


查看結果

2020-07-07
Share on TwitterShare on Facebook
類別 : 英國菜扒房漢堡包All Day Breakfast

 
Everything & Class Egg Benedict

Everything & Class Egg Benedict

 
Class Egg Benedict

Class Egg Benedict

 
Cappuccino (L)

Cappuccino (L)

 

跟好友生日相差只幾日…偶發性約埋一齊賀賀佢…哈哈!!tongue...慶生也不一定要晚餐蛋糕+禮物…相見就是好氣氛…關心就已顯愛心!!...kiss

正好7.1假日大家有空檔……來個朝氣o既豐富早餐…好醒神呢~ lol

訂左尼Brick Lane Gallery…位處綿登徑…靜處一角…有喜愛o既英倫格調…帶點時尚帶點放浪music…加點藝術氣息…室內設計以最自然o既木 + 磚為主…別出心裁o既小擺設…書架…大皮梳化…單是環境就令人感放鬆…啊!smile

牆上掛著架白色單車…乃餐廳o既標記…亦正好象徵住我跟好友一段難忘單車之旅o既共同回憶flower…...份外感親切呢!

All Day Breakfast Menu好簡單…

FULL English對於女仔尼講都多了點…所以選左細一級o既chopstickEverything $128king份量都十足架!!..........有吾少得o既like煎雙蛋、烘多士 + 炸薯餅 (兩樣都好香脆)yummy、煙肉 (少少乾)、白肉腸同煙三文魚都美味…菇啦……沙律菜好新鮮、車厘茄尤其清甜呢!!...隨碟附上chopstick3小杯芝士碎tomato sauce 、baked beans...適隨尊便!!

另一份chopstickClassic Egg Benedict $98…都係齊齊share…賣相實在討喜唷!!love.........烘底English muffin帶脆 ..放上烚波菜、火腿、一切流心o既水波蛋…加上艷黃o既荷蘭醬…一口試齊多層滋味…

再配兩杯chopstickCappuccino (L) $46…美麗又個性十足o既單車圖案啊~~smileheart…咖啡亦有水準…開心又滿意o既一餐…

用餐時間 90mins….全單$318 + 10% service…是酒店級價錢…但樂意支付…良朋相聚、拍拖甚至係獨自享受個悠閒時光o既地方…不知不覺…餐廳都滿座.....了!
題外話/補充資料:
網上訂了9:30am…原來餐廳開10am…在預備中o既服務員話改左一排…但吾知點解系統仍未更新…所以要注意注意…否則要等開門…啊

推介美食: Classic Egg Benedict, Everything
堂食等位時間: 0 分鐘
用餐日期: 2020-07-01         慶祝紀念: 生日
是次消費: 每人約$175 (早餐)

評分: 味道 5   環境 4   服務 3   衛生 3   抵食 3

推介此食評

1
 
 
你覺得這篇食評:
鼓勵
期待
有趣
感動
羨慕
靚相


查看結果