雞記潮州麵食 (尖沙咀)

經過尖沙咀, 想食過快晚餐, 記起附近有雞記的墨魚丸
睇左餐牌, 發現好似全部野都要散叫的
叫了炸紫菜墨魚丸黑醬油撈麵($36), 問了伙記, 原來可跟熱飲(+$7) [又唔寫明, 唔通想D遊客散叫?! 好奸... 可能我陰謀論啦]有4粒墨魚丸, 好味, 彈牙而且感受到係新鮮炸
面的分量好似少左D(但我一個女子就够), 乾左D, 一舊舊, , 黑醬油無咩突別
$36價錢, 尖沙咀呢個位黎講, 可接受啦

走時見到門口有套餐心諗, 唉, 蠢左啦
睇真D...... 供應時間係上午11:00至正午12:00

魂 (銅鑼灣)

7點去到, 可能落大雨關係, 不用等位

滿心期待~ 終於可以試了!
裝修是日本小拉麵店風格, 店舖很窄, 只有幾張二人枱和吧枱(即對住廚房位)
坐近門的一枱客人會比行入店內的人撞到背脊, 希望大家別介意~
拉麵店應該是這樣的
服務好好啊, 唔洗叫都有人不斷加水, 侍應小姐還幫我將濕淋淋的縮骨遮摺好放好

我叫了太極/中身麵/濃湯因為想試墨魚汁湯底, 但似乎略欠墨魚汁的鮮味
但加上蟹膏和金泊好得意
玉子是超好味!!

朋友叫了青龍/中身麵/濃湯這個湯底是波菜豚骨, 好fresh呀~~ 比墨魚汁好
配料也好豐富啊!!
下次要試呢個~

聽到有食客講: 咁細點解唔開分店, 豚X都幾間啦
如果可以, 我希望小店能keep住水準, 不要連所化

會再來的!!

Roll (尖沙咀)

唔開心, 要食甜品
行開尖沙咀, 記得有間想試好耐的ROLL, 買了兩件回家

竹炭芝麻味卷蛋 ($26):
本身幾鐘意東海堂那款, 所以都幾其待這個的
但食落無咩特別, 蛋糕唔够軟
呢個價錢, 我會選東海堂

藍莓檸檬芝士卷($26):
反而呢個有驚喜!
蛋糕有好香蛋味, 軟熟
cream cheese層好清爽, 又唔太甜
似乎以原味蛋糕做的卷蛋較出色

見到有曲奇和蝴蝶餅, 幾靚
下次再來試其他款和曲奇

Pancake Colours Cafe & Bar (旺角)

第一次寫食評, 因為經歷太難忘

姊妹們相聚, 聽講呢到環境幾好, 又好坐, 可以比我地HEA好耐, 所以黎試下

我地第一次黎, 唔係好明佢menu的套餐點叫法, 所以問個女仔waiter, 佢女仔話遲疑左一下: "我新黎架, 唔係好知, 等我叫同事幫你."
雖然佢好有禮貌, 我都無怪佢, 不過咁簡單既野, 新黎都應該會識下話... 而且晚市套餐肯定個個都叫, 又唔係D咩復雜野, 咁都唔知唔係好得喎...

我地問左要幾杯水, 問左3個不同人waiter 先飲到啖水... 最好笑係, 我朋友(第三次)問: "唔該有無水呀?" 個waiter企定定答:"有"
然係大家dead air對望左3秒, 唔郁... 我friend話: "咁可唔可以比幾杯我呀?"
我地其他人爆笑! 實在太好笑......

講返食物, 唔得囉...

1. 忌廉湯
首先無得揀餐湯已經唔係好開心, 碗忌廉湯仲要杰到成碗白粥咁!! 從來未見過咁杰既忌廉湯, 真係無誇張!! 無論外型味道都似白粥!!

2. 咖哩軟殼蟹炒飯
OK 聞落幾香, 但食落無咩咖哩味, 差DD, 但最重要係 唔 熱 囉

3. 小龍蝦PIZZA
味OK, 因為我個人喜歡千島醬, 但都係 唔 熱 囉...

4. 茄汁煙肉意粉 (唔係好記得個名)
唯一一樣熱度恰當既主菜, 所以係最好的一碟, 味都唔錯

甜品
跟餐的甜品是朱古力奶凍, 味一般, 我仲講笑話個樣似豬紅
另外加了綠茶紅豆綿花冰, 係全晚我覺得最好的一樣

環境都幾好, 係幾好坐

食物份量都OK, 不過呢D普通野, 而且又唔係好味, 我覺得唔值囉
有折的話都可以再去既, 因為真係好坐, 傾計係幾好, 而且大致上其他waiter服務都OK既, tea time黎飲野食下甜品都可以既

H & B cafe (太子)

每人最低消費45，一個60另一個42都唔得。
咖哩雞柳長通粉，咖哩汁好杰好似薯容咁, 長通粉好似條膠咁硬。
環境差，地下痴立立。
Tea time時間, 全店一個人都無, 想坐梳化位(大枱)都話唔比。