仔仔啱啱病好，今朝早學完野之後，因為天氣溫暖，所以慢慢散步到龍門居搵食。 期間揀選咗呢間小店，店舖唔算大，大約只有兩三張枱。因為我哋二人食量唔大，最後我哋點了芝士煙肉帶子忌廉意粉 （$58 ） 上枱後，發現有驚喜！ 意粉份量唔細，而且賣相十分好，最緊要係熱辣辣上枱，新鮮即煮。 味道creamy, 帶子爽口。 放心，一定有下次！ 下次要試炸雞區！

呢間店其實知道左好耐,  但每次經過都係見到一大條人龍. 現時咁既天氣真係怕怕. 咁排隊法真係驚中暑。 星期日經過終於見到人流唔算好多. 所以即管排下. 不過我地一行五人, 都係要等一陣. 因為店內唔算大. 最後我地還是要分枱而坐, 不過職員好好, 盡量為我地安排最好的位置. 感謝!  我地點了:
一份煎韭菜豬肉餃子, 一份洋蒽豬肉餃子 (店員推介), 一份湯韭菜豬肉餃子 ,  另加一個日本飯糰給孩子。 哈哈, 因為我地太喜歡食韭菜. 不得不欣賞店是用上新鮮老火湯作湯底。新鮮煲冇味精，飲完唔口渴架！ 餃子足料薄皮。韮菜好香。 煎餃的皮很薄，所以好脆口，而且能鎖住肉汁。 另外又想唔到個飯團同樣出色。 好足料，好日式口味！ 店內自家製的辣菜莆一定要試。佢會令到餃子味道更好食。 最後我哋點咗佢哋招牌嘅甜品，一個原味芝士口味，一個開心果口味嘅芝士蛋糕。開心果口味超級香濃，兩款都入口軟滑可口，有特濃芝士香味。阿仔食到唔停口！

下午同兒子過了屯門市廣場，肚餓了，就過嚟呢邊食嘢。我自己就未試過幫襯，因為平時見到實在太多人排隊。不過今次見人少少，可以排下。 由於大家食量不大，所以叫咗一個小滷肉飯，一份海苔肉鬆蛋餅，加一杯蜂蜜綠茶。 價錢並唔貴喎！ 雖說滷肉飯係細碗，但其實入面既飯量都好夠食，上面舖滿半肥瘦肉碎，下面飯亦充滿滷肉汁，所以成碗飯都好有味道，而且唔覺咸！ 主食加$10 可有一杯飲品，蜂蜜綠茶味道剛好，不過甜又有蜂蜜味。 蛋餅呢！味道也不錯！ 入面包著紫菜肉鬆芝士，又有特製醬汁。食落好軟熟。

暑假開始了, 經常會帶孩子到附近的圖書館打書釘。
當然亦唔少得要黎呢度食個豐富午餐.
孩子最愛就係呢度的六重芝士肉餅.
我地睇餐牌, 有個叫 "升級版六重芝士煎肉餅飯$68平時我地都食開六重芝士呢款肉餅, 因為孩子真係好愛食芝士。今次佢自己看餐牌時, 發現到有個升級版, 所以話要試。職員話, "升級版" 原來係再多加入了紫菜混入肉餅, 令肉餅更加香。果然又係小朋友最愛的口味, 大人試過都鐘意。芝士因為濃味, 所以混入紫菜, 變得無咁漏。不錯!

另外我地又叫左蒙古辣枚然牛肉煎肉餅飯 $52
呢個都係平時會叫開既肉餅, 味道帶有輕微的辣粉香, 食落好有蒙古風味, 相信係枚然粉的效果。 最後想食多個火腿西多士, 味道屬穩陣之選, 上面塊牛油好厚!! 好正!

平安夜，帶埋仔仔去赤柱行聖誕巿集，行完之後就出返大街搵食，不過時間都夜了。部份食肆都關門。
見到附近仲有堂食既都要排隊，所以最後黎左呢間。當然都係要排隊啦。 因為在巿集入面食左少少野，所以今餐唔洗食太多。
我地叫左：
黑毛豬煙肉卡邦尼意粉 $162叫黎招呼小朋友，不過呢個好好味，醬汁超多，每條粉都掛住醬汁，啱晒我！
入面既煙肉，食極都仲有，好多。
美國西冷牛扒 10安士 $285
乳酪凍餅 $62
呢個甜品好好食，TOPS有好多，有干果，有水果乾，有杏片等
凍餅酸酸甜甜，好醒神 又唔漏。

難得齊齊放假，所以同埋仔仔出去行下，今日去左南豐紗廠行下，黎到呢度食LUNCH。
地方好闊落，裝修好modern, 主色是水泥灰。
我地點左：

炸魚柳牛角飽配墨西哥粟米片$118
不過職員話冇粟米片，所以轉左薯條俾我地。
賣相好靚，好新鮮，食落都係很新鮮，因為炸魚好脆口、加埋牛⻆酥又係好鬆脆。連埋入面既沙律醬，口感味道都一流。
青醬煙雞肉牛油果意粉＄128
望落平平，但食落有驚喜，因為唔係齋青草味道，入面仲有少少蒜香，雞肉又好嫰滑唔鞋口。 最後自己叫左一杯MOCHA

今日約左朋友過海短聚，去左IFC。

第一次黎呢間GLASS HOUSE，因為㼈境好多落地玻璃，所以感覺好舒服，但係枱就比較迫喇。
入過咁多間食肆都唔洗check針咭，呢間真係第一間。

我地唔算好肚餓，五個人，叫左唔多野。

和牛漢堡配黑松露蛋黃醬$158

海南雞燴意大利飯$ 168
呢個配搭幾有趣，其實都幾夾既，不過飯既份量太少。
雞件都滑，但冇乜雞味
炸雞粒併單骨雞翼$88
熱氣小食
黑胡椒醬烤雞炒意粉 $158 烤餅

暫停了返教會的日子，早上就到附近黃金海岸的法國飯店，食個豐富早餐。客人唔算多，坐位又安排可以望到避風塘，感覺好悠閒。
我地點了兩份早餐，嗯，比起較之前我去過的CAFE，再加埋個價錢，我就覺得呢度略為遜色。不竟呢間都係走高檔路線。
望落份早餐好似有點求其。
第二份叫好一點點吧。
其實all day breakfast, 好難整得唔好食，因為本身的材料都係好原味。沙律菜、三文魚等～
但叫做勝在位置優勝，仍會有人到來想relax 下。

或者可能晚餐會好一點吧。

同事早前有介紹過呢間雖然店頭細細，但能製作到出息的漢堡，而且仲有好多款選擇。今日返工前同老公過黎試下。叫左一個屯門牛加雞條，同一個薯仔沙律。

賣相都好唔錯，即叫即製。漢堡肉真係好juciy.
薯仔沙律就唔算特別。

返工前同老公, 仔仔過黎午餐.  難得時間尚早, 所以未需要排隊, 直入便可.  我們點了兩個午餐, 另加一個甜品. 枱與枱之間都算闊落。
我地點左手撕赌漢堡 同溫泉蛋肉醬長通粉

醬汁甜甜地，真係豬肉絲咁，不過食既時候有少少論盡，因為好散，上面又有蛋汁。但好食既。
另外再叫多一個名叫 "Just Mango"，甜品外型好可愛，其實係一個芒果MOUSSE 蛋糕