早嚟到冇咩人嘅西餐廳，中價單嘅酒店內西餐廳，午餐餐牌選擇好有彈性，每款收費，唔洗局限自己要食晒頭盆主菜甜品。今日選咗個頭盆番茄湯同紅菜頭沙律，唔太明點解將兩樣都酸嘅味道放一齊，可能想你開胃啲。主菜豬柳好有彈性又多汁，配菜小左啲。另外選咗個長通粉，個青醬伴左芝士粉好香濃，軟硬適中。

難得ME TIME 又有閨蜜請食下午茶，一於去遠啲食好啲。今次擇左食日本野，朋友介紹去咗四季菊，對住個海景食嘢，特別好食。成日食西式下午茶，難得有日式下午茶，一定要去試下，仲要$588兩位，唔貴呀！好多地方食拿起上嚟要成六七百。睇個餐牌有成五款咸點，平時一定要食啲咸點打底嘅我，啱晒！呢排冇得去旅行，唯有食嘢一解相思（日本）之苦。

朋友提意搵度食早餐傾下計，上酒店望下，見到大堂有得食，$68包杯咖啡加一件酥餅，唔貴！同隔著星巴克差不多。 酥餅有四款，朱古力、蘋果、玉桂提子及玉桂卷。我們叫左兩個口味一齊分享。 一食就知出事，冇得加熱，仲要個包隔夜，杯咖啡奶啡分離😩，冇諗過六星級酒店出品係咁。之前食過咖啡室既自助餐都冇咁差。 下次令願去星巴克！

環境和服務都不錯, 先行一個圈, 有好多檔, 妹多野食.
先去沙律counter, 美中不足係唔俾自己攞, d沙律好食, 巴馬火腿好有咸香, 蜜瓜唔夠甜. 另辣的泰式沙律超正宗.
生蠔明顯太瘦, 凍蟹好鮮味
咖喱就好好味, 有幾款不同口味, 仲有油酥餅
沙嗲都係一般豬牛羊肉, 雞d肉就梅梅地, 不過d汁就好味, 仲有款菠蘿汁, 好清新
燒烤檔好吸引, 羊肉好嫩, 香腸有歐洲風味
日式shabu檔, 每位可有一個木桶, 內有牛肉, 魚皮餃, 金菰, 麥麵 - 好有特色的器皿但唔好食, 個件魚皮餃有怪味
意粉檔已經食唔落
甜品都好多款, 心太軟好食, 可惜無熱dessert及waffle, 仲有得牛奶公司雪糕

睇完飲食男女之後, 同事建議去一試, 一行五人決定一試, 去到我地四個食滑蛋豬扒, 一個食招牌炸豬扒, 等左成廿幾分鐘, 午餐時間要改善一下.
個滑蛋豬扒飯, 好多汁, 咸左d, d 汁太多, 令飯太濕, 件豬扒太實, 太差, 成百元個飯在尖沙咀匿, 唔值
朋友的招牌炸豬扒, 件豬扒都比我地的鬆, 油左d, d椰菜配三款汁就好好味.

成家人中午已於美心食午餐慶祝, 但晚上大家都無約, 阿媽提意去食下d家鄉菜, 於是我打電話去問, 知道得十多個位, 所以一早6點去食, 一行5大2小, 叫左好多野食:
五香卷 - 我地叫左三條, 個皮好脆, 入面菜肉均衡, 仲有好香的蒜頭及五香粉, 再配上自家製少辣汁, 好正!
虫虫凍糕 - 我唔夠膽食, 但爸爸話好味及內有wasabi.
蠔餅 - d蠔仔好肥美,仲好乾淨, d醬汁甜甜的
扁食 - d皮好滑, d餡好有咬口
土筍凍 - 我爸及老公食左, 好有wasibi味, 不過好快溶
香芋盒 - 外脆又唔油, 內餡好香仲有好多蔥
炒油麵 - 好爽口, 有鍋氣, d汁甜甜地
另無試 糉因為正是端午節期間, 食得太多, 下次再試.

今日收到個餐廳經理call話佢地今晚開始做個抵食set, 於是叫阿honey同我去2人世界一下, 想早d食完飯返去睇電視, 所以好早去食, 天氣唔太好但晚上餐廳氣氛幾正. 個餐$198一位, 我地一人一份, 個主菜同粉都有得揀, 咁可以食多d唔同野.
一開始就有d蝦片及熱毛巾 (好窩心), d蝦片有黑椒味嫁!
頭盆: 春卷(夠脆又薄), 粉卷(有d肉粒紅蘿蔔木耳都幾健康, 不過皮可以再薄d, 唔夠滑) 同札肉沙律 (什錦札肉及芽菜, 入面好似有d爽爽地既豬耳, 幾清新開胃)
主菜: 燒大頭蝦 (好香又大隻, 平時食成百幾蚊隻), 另外有咖喱牛腩跟牛油法包多士(個menu話係脆皮, 原來係將d牛腩炸過, 將特別呀, d咖喱汁點d包, 好正呀, 唔夠飽, 叫個白飯撈仲得, 不過個餐仲有碗粉)
粉: 牛肉河或番茄米線 (我本人鍾意番茄多d, 又有爽蝦及蝦肉打成既蝦條, 仲有d蛋花, 因為可以無咁漏) 另honey既牛河成碗車頭河咁(有牛丸, 百葉, 牛筋, 牛肉, d牛肉好林, 不過牛筋唔夠火喉, 但啖湯好濃味及清)
甜品: 椰汁涼粉芒果
最後honey話要再去, 因為有個超大螢幕同大plasma睇世界盃, 我叫佢同friend去唔好預我.

見到op內人氣急升的一間, 所以去一試, 仲見蔡瀾推介.
去到便叫了 腰果露, 荔枝凍伴黑芝麻糕, 芒果布甸外賣.
回家後即入雪櫃, 到晚飯完才吃, 我用隻碟將個外賣杯反轉, 但倒唔出, 最後仲分開兩份.
先講個 腰果露: 腰果味係有, 但不夠香, 唔知係唔係炒唔夠? 綠揚村果個好食d.
荔枝凍伴黑芝麻糕: 新產品, 可能係外賣啦, 分開左已經唔係咁好, 白色果分荔枝味ok, 如有d粒粒更好, 黑芝麻果份唔夠香及兩者唔太夾!
最後芒果布甸: 芒果汁及芒果肉不夠多, 仲有些人工化的味道.
下次會試下其他啦, 希望好d!!

星期六老公去買些小食回家加餸, 買左泡菜, 炒粉絲及煎蛋餅.
d泡菜好夠味及夠辣, 用來食飯及麵一流.
炒粉絲唔油有多菜, 好爽口.
煎蛋餅吃時已凍左, 但仲好香, 內有香蔥好香, 不過蔥太長, 好難咬.
另個紙外賣盒好別緻, 食唔晒仲可以放入雪櫃.

自去年11月裝修後吃過後, 很久沒有幫親, 聽朋友講話加左d星馬食品, 即刻提意d朋友去食, 我地選擇了一些回本價的食物, 海鮮拼盆, 鮮味幾好, 不過有d海鮮凍左d. 魚生就係我地既favour, 師父切得大大件, 好有咬口
每人入位仲派左張卡去攞一位燒美國1855牛肉同大蝦, 個肉味同蝦味好夠, 不過d side sauce就唔係好夾佢地, 最普通的gravy都無, 有d失望.
d熱盆幾有鑊氣, 仲refill得好快, 另印度nann bread同咖喱好正, 仲有個印度師父整, 果然正宗.
之前食烚海鮮有兩款清湯, 今日轉左冬蔭公湯及laksa湯, 好濃味呀!
之後仲食左5款haagen dazs 雪糕, 估唔到最新的香橙朱古力都有. 當然仲食左最好味既幾款cake.
要一提近鐵板枱d枱有d煙!