情人節正日，為免同人迫，我都會選擇食中菜～ 公司附近，坐得比較舒適嘅中菜館，十八溪應正三甲！當日，原本打算食中菜，但係見到其他食客都在打邊爐，食物睇落幾新鮮又多選擇，所以轉軚～

這裡是一人一爐的，有點像快餐店～ 不過各人可選擇自己喜歡的湯底！先送上燉湯一盅，鮮甜！之後仲送上一個細細的海鮮盤，當中有帶子、蝦、桂花蚌同八爪魚。食物送上，我地剔最細份量，不過樣樣都好大碟 食物真係好新鮮，菜又乾淨，只係雞肉醃得唔夠味，同埋湯底唔夠濃味，其他都不錯。

地點好, 裝修好, 服務好, 但係 ................... 食物卻令我們很失望

鹹味, 香味, 酸味都唔夠............ dry 辣

可能這個價錢, 大部分投資在裝修同舖租方面 ............下次都係食翻"傷心"吧啦~

之前經過幾次， 都發覺好多人等位， 今日無人， 就即管試下.

全場有22個位， 女服務員就只得1人 (星期六黃金時間喎)， 她一手包辦門口接待 -> 斟茶 -> 寫單 -> 傳菜 -> 加茶 -> 收錢， 仲會不停同客人講"唔好意思"

講返D耶食先， 我地叫左:

1.) 鹽燒雞翼 x 2串 ($28) - 太淡啦， 好似無落鹽咁

2.) 牛油燒粟米 ($10) - 好香! 賣飛佛~

3.) 鹽燒多春魚 ($30/ 3條) - 好香! 又脆口!

4.) 日式炒雜菜 ($32) - 無油膩嘅感覺， 都幾好~

5.) 龍蝦沙律 ($22) - 是日特價， 龍蝦蓉配青瓜絲， 龍蝦蓉太鹹， 而且一 pat pat， 唔吸引.

6.) 牛肉稻庭烏冬 ($56) - 烏冬韌左D， 但味道還可以~

另外送前菜一客......

D耶食普普通通嗟， 點解平日咁多人排隊?? 唔通係個老闆請得一個伙計

一抵步, 看見沒有座位， 便準備離開， 伙計指示我們從一條小巷上樓梯， 才發現原來樓上仲又五張檯.

樓上有點骯髒， 但我們最重視都係食物質數. 我們叫左:

1.) 山東燒雞 （半隻） $80 - 隻雞好滑， 皮好香， 汁有點像豉油雞的汁， 再加上很多蒜粒， 惹味!!!

2.) 牛仔骨 $50 - 有點肥， 但味道真的不錯， 有鑊氣!

3.) 搖柱魚湯浸娃娃菜 $45 - 湯清， 菜都新鮮~

4.) 白粥 x 2 $16 - OK

5.) 甜品送南瓜露/豆腐花/綠豆沙 $0 - 我們選了豆腐花， 不太滑， 算吧， 反正是送的~

既沒有殷勤服務， 亦沒有雅致裝修， 但仍要加一服務費， 真的有點意外

不過， 好味就得啦!

一年前， 經朋友介紹， 就來這裡試下。 即使當日要排三百張飛（近二個鐘）， 我地都排， 最後的確無令我失望！

但今年.... 由落order 到上菜， 只需八分鐘， 效率比快餐店仲快， 大家可以想像一下質數如何！

我地四人叫左:

1.) 半份豬肋骨: 唔熱， 極多肥膏！

2.) 雜錦拼盤(芝士薯塊 + 蝦 + 雞翼): 唔熱， 薯塊淋bat bat， 蝦和雞翼很普通~

3.) 煙三文魚pizza: 唔熱， 很薄， 少少脆口~

4.) 肉醬意粉: 唔熱， 味道尚可~

問題在那？ 唔熱!!! 八分鐘上菜， 好明顯係一早煮定

排長龍換來一餐美食， 我會再幫趁， 但有效率換來凍冰冰一餐， 叫我下次點回頭呀?

透過迪士尼網頁, 得知香港居民可以優惠價預訂二人享用之「酒店住宿及晚餐套票」。

見二,三月無長假期， 一於入去輕鬆下。

我選了迪士尼樂園酒店 + 翠樂庭餐廳晚餐餐劵2張。因為見翠樂庭食評比較好， 才選這個 package。

先講環境 - 餐廳充滿歡樂感覺， 四個卡通人物周圍同你影相， 當中高飛狗最有趣， 經常做 D 趣怪動作引人發笑。 唯獨他們不會讓米奇和米妮站在一起與你拍照

服務方面 - 每位員工都好樂意幫你影相， 他們亦會用自己相機替你拍照， 然後晒成 8R 相 + 鑰匙扣 給你選擇， 他們只會放在檯面， 不會迫你買的。 (而我就買了兩張 )

講到食物 - 我覺得真係一般， 沒有一樣食物我可以用好味來形容， 但又不至於難食。

其實， 香港要搵個有度假 feel 的地方確實唔容易， 迪士尼兩日一晚都算是個選擇

個人好喜歡食 buffet， 貪佢款式多， 份量又可自己調較， 但熱盤好少令我滿意.

這裡的 semi-buffet 剛好滿足我嘅要求.

刺身，壽司， 長腳蟹， parma ham， 大蝦， 沙律等， 都十分新鮮. (仲食左兩轉 tim )

之後點了忌亷湯和洋蔥湯， 一般啦...

4個 main course 選一款， 我們選左牛扒， 烹調得好好， 肉汁仍鎖在肉內. (絕非一早煮定的熱盤， 這點是我喜歡這裡的原因)

一層層的甜品， 色彩繽紛， 仲有雪糕和新鮮生果.

梳乎里加上蠟燭和生日牌， 想慶祝生日， 又不用兩個人食一個蛋糕. (這是我喜歡這裡的另一個原因)

cookies 和餐茶作尾聲， 很英式呀~

這裡, 最適合慶祝生日丫

今年的情人節晚餐, 男朋與我都希望能夠符合以下三點：
1.) 好食
2.) 唔好逼夾夾, 椅碰椅, 冇晒氣氛
3.) 冇時段限制

要搵到都唔易! 最後, 黃天不負有心人!! 在鹿悅食左一餐豐富的自助餐~

食物包括:
1.) 刺身和壽司 (吞拿魚, 油金魚, 大池魚, 帶子, [魚方][魚弗], 甜蝦, 池魚, 魷魚, 三文魚) - 新鮮!! 你要幾片, 就有幾多片, 至於有人話佢地只俾tuna, 無拖羅, 其實佢地講明無分, 我們第兩round就係拖羅, 但有D人係第一round, 有D人係第三round.

2.) 卷和手卷 (軟殼蟹卷, 加州卷, 黃蘿蔔卷) - 只屬一般, 軟殼蟹卷算係好D.

3.) 天婦羅 (蝦, [魚喜]魚, 魷魚, 南瓜, 蕃薯, 大葉) - 好好!! 粉少, 外脆內軟, 大葉之前未食過, 幾得意.

4.) 燒長腳蟹和蠔 - OK啦.

5.) Sukiyaki 和 Sabusabu (相和牛或豬肉) - Sukiyaki 比較甜, Sabusabu 比較清, 肉好滑好薄, 好味!

6.) 烏冬和喬麥麵 - 一般

7.) 還有一些熱盤, 但見唔太特別, 無徙quota去試

8.) 甜品 - 十幾款俾你揀, 雪糕和日式甜品, 當然唔少得

服務好參差， 有些好快手又有笑容, 有些拿了你的碟子, 就忘記幫你拿過隻新嘅~~

較早前, 雜誌介紹過這間小店, 見評語幾好, 就嚟試下！

一行六人， 叫左以下幾款菜式:

1. 特濃花雕蒸蟹 - 勁有酒香味, 入味到不得了, 隻蟹仲好新鮮, 好多膏!!!

2. 辣酒煮花螺 - 話明辣酒, 當然有翻咁上下辣, 食得辣的人, 個個食到停唔到口!!!

3. 豉椒炒聖子 - 入味, 但有少少沙.

4. 青蒸海上鮮 - 蒸到剛剛熟, 好滑好鮮!

5. 藕片炆花腩 - 藕片爽, 花腩"臨", 友人說, 如果花腩再炆"臨"D仲正!

6. 蒜香安格斯牛柳粒 - 比較起海鮮, 這菜式只可以用幾好形容, 因為海鮮事實在太出色啦

7. 黃金蝦 - 好香口, 沒有油膩感覺.

8. 清炒豆苗 - 清清地.

9. 湯烏冬 - 其實已經食到好飽, 但真係唔想浪費D花雕蟹汁, 烏冬+花雕蟹汁都已經可以做一個"食送"啦

P.S. 老闆娘安排得好好, 慢慢上菜, 免得D海鮮凍左唔好食! 佢 remind 我地, 如果想食海鮮, 記得早D預訂, 確保新鮮

到 Pizza Express 3次， 但今次先係第一次食到。 第一次 full 左， 第二次有人搞 Annual Dinner， 終於今日食到啦...

我地叫左:
1.) Margherita Pizza 傳統意大利薄餅 $99
2.) Peking Duck Salad 北京烤鴨沙律 $105
3.) Ice Lemon Tea (無限添飲) $35

嘩！ Pizza 好香好脆口呀！可能沒有太多配料， 反而突出 Pizza 的香口~~

北京烤鴨沙律哩, 真係估唔到D烤鴨汁配沙律咁好味, 麵包球有點印度薄餅的香味...正!
下次可以試埋北京填鴨 Pizza!

凍檸茶的茶好清， 不像茶餐廳咁濃...

環境幽雅，非常舒適, Waitress 仲好有禮貌添