最近無意中發現哩間食肆因疫情6點後禁堂食關係，下午6點後做6折特價優惠，之前已經想試，今次就趁機試一試先 我地倆個叫咗海膽刺身配蔥吞拿魚腩卷，吉列廣島蠔卷，雜錦海鮮丼及特上壽司拼盤。海膽鮮甜味美，齒頰留香，有回甘；吉列廣島蠔卷蠔肉不夠，亦不覺有蠔味；雜錦海鮮大件夾扺食，有牡丹蝦，海膽等，而且件件魚香都生鮮；特上壽司嘅吞拿魚腩肥美，火炙左口魚群邊火焰令魚香更濃，海鰻肥大啖啖肉有微微燒香味，其餘都好生鮮。實在令人回味無窮應該會趁機幫襯多兩次

想去拜訪這間日本人氣壽司店好耐，但每次都就唔到行程，亦怕要排隊等得太耐，故一直只係得個諗字，終於有幸喺香港可一嘗佢嘅滋味，十分期待 叫咗份極上吞拿魚盛盒，特選手握壽司盛盒，海老三貫及蟹肉蟹膏卷。可能期望太大，當真正用膳時感覺好失落……吞拿魚竟然有筋，鮮味度不足，無咩魚香味，壽司飯無飯香，亦無壽司醋味；吞拿魚手卷嘅紫菜一上枱時已見冧咗；穴子壽司無魚味及無醬油味；蟹肉蟹膏卷似蝦醬飯；好彩海老夠鮮味，海膽尚可。 舖面環境光猛，感覺清潔衞生，可惜坐位比較擠迫，而且無乜服務可言，總括嚟講性價比不高，可能龍游過江少一半功力

趁新春時間，入元朗行個大運，行到餓就去搵食，路過見到門面裝潢，餐牌吸引嘅穴 壽司，即就入去試一試。 我地被安排到窗邊位置，中午時間超曬，又熱，坐得好不舒服，但又費事麻煩要求調位，唯有一直忍受 一見到食物上枱，視覺已大滿足。首先係特上刺身御膳，牡丹蝦勁鮮甜拖羅及三文魚充滿魚油香，其餘不過不失，最失敗嘅係海膽竟然苦味十足好彩無叫海膽丼而特上壽司御膳就平平無奇，不過哩碟海膽無苦味。總括來說，以這個價錢食這餐午膳一次尚可。

好耐之前朋友推介話哩間啲芝士蛋糕好多款式，好好味，好出名，不過好多人排隊，為咗食唔理幾多人都專程去一趟排隊，試一試，不過我個人覺得唔太好食，所以無諗過會特登再去食。 適逢今次一連兩日做半價優惠，咪再俾次機會自己試吓其他味道嘅芝士蛋糕，今次我試咗9件（原味，Godiva，朱古力榛子脆脆，30週年紀念朱古力，牛奶焦糖，鹹焦糖，ADAM'S花生醬特濃朱古力，白朱古力焦糖夏威夷果仁，焦糖山合桃），雖然我擇嗰啲都應該偏甜，但佢嘅甜度係超乎想像……“甜到漏”，尤其係ADAM'S花生醬特濃朱古力嗰款甜到渴喉，只有原味係最正常。今次同屋企人一齊分享完，佢地都話唔好再試

終於可以解禁，諗住唔好虧待自己，點知……食咗餐貴夾唔包，仲要味道一般嘅晚飯。$288嘅邪虎丸係打著北海道名號嘅海膽拖羅丼，海膽夠鮮甜，拖羅鮮味較遜色，口感還可，入口溶，都叫做可以，不過感覺好像不太值$288，可能來貨價高啦；至於龍王丸承惠$238，雖然看似好豐富美味，但實則無嚟文味，鮮甜味欠奉幸好飯質還可以。另外叫咗個小食-赤城金粟可樂餅，無咩特別。舖頭較細，人多嘅時候感覺較焗促。可能期望過高，有啲失望

佐敦有好多不同嘅選擇，上網睇哩間好似不錯，所以今次選咗哩間。可能係平日下午茶時段，人流不多，感覺這兒環境寧靜舒適。 哩度舖名叫Bigger Burger梗係要試一試哩度嘅漢堡包啦，叫咗個經典安格斯牛肉漢堡，可惜牛肉全熟好靭好輆而且漢堡包哩碟薯條同炸魚手指配薯條嗰碟好唔同……哩碟軟腍腍，嗰碟炸過頭，太硬身，但香口而炸魚手指無特別，菜沙律伴汁個人略嫌太酸太肚餓，所以叫多咗個餐，再加$10多兩隻雞翼……青豆蓉忌廉汁意大利飯，初嘗青豆蓉飯感覺唔太啱胃口而且意大利飯太腍身，不太討好；雞翼唔點醬汁就完全無味。全餐最好味係個餐湯及熱咖啡

Happy Friday 四圍逛，無意中路過，見這兒嘅2人餐幾吸引，就入去試一試 首先嚟餐飽及湯，合桃餐飽香口鬆軟，甘筍南瓜忌廉湯充滿南瓜味，菜湯較酸味不濃。然後嚟個小食拼盤，有雞翼，洋蔥圈及薯條，雞翼2隻，有隻超迷你，夠入味，但略鹹，洋蔥圈無咩味，薯條炸得剛剛好，不過太熱氣，只食咗少許。嚟到主菜，香煎帶子忌廉意粉，帶子無任何味道，忌廉好濃郁奶香，不過醬汁太多，意粉好彈牙；而巴馬火腿薄餅餅底鬆軟香口，有口感，配上火箭菜及巴馬火腿味道適中，不錯。 雖然食到肚滿滿，但忍唔住加埋個芝麻班㦸配雪糕一試，芝麻醬及芝麻雪糕香口，但塊班戟又乾又實最後餐飲叫咗杯咖啡及橙汁，杯咖啡香濃，可齋飲，無添加

即使成日會去荷里活廣場，但都醒唔起哩個位有嘢食，因為它實在是與世隔絕，連去洗手間都要行老遠入返商場今日突然靈光一閃，醒起哩度，唔駛同人喺商場迫等位，所以嚟試一試，叫咗個2人套餐C 餐湯味道一般，蜜味BBQ燒豬仔骨唔夠入味，肉質輆澀澀芝士焗茄子肉醬螺絲粉味道濃郁可口奶茶無乜茶味原先諗住加錢將甜品雪糕轉為心太軟，可惜售罄2人餐份量不少，食到好飽

記得好耐以前嚟過一次，今次又有機會再光顧應該因為仲係放緊暑假，所以好多小朋友嚟用餐，熱鬧非常 一去到發現竟然有龍蝦鉗可惜太咸及韌刺身及壽司一般，不過壽司飯嘅酸度及黏度適中，感覺不錯；熟食選擇都可以，其中迷你漢堡及斑斕雞球不錯，而甜品質數則比以前差很多，味道亦唔見特出，朱古力及曲奇則太甜，曲奇唔香脆因食得太飽，還有啲食品無試……如雪糕。最後來杯餐後飲料作總結，咖啡香濃醒神 座位坐得舒適，環境企理，侍應生有禮勤快，會主動收碟及加水，速度迅速。以$218加一（匯豐/恒生白金信用卡有85折），有服務有環境，食物質數亦ok，實在屬不錯之選

仲記得英記仲喺舊舖位置時，好愛消遣後，去食返碗滿足吓，雖然細細間，好殘舊但好正，又有風味，又好味道 突然想懷緬一下，去到先發現……原來已搬舖，現時間舖又大又新淨，不過個麵就比以前遜色，油渣唔香口，菇菇無乜味，麵質好粉咁風味及味道不再，有啲失落