今晚老細極力推薦呢間，佢食過好幾次都唔錯，就請我哋嚟食和牛，一共5人order C餐$688和牛餐。估唔到我哋個餐有優惠超過4人食仲有75折真係好抵又好食，上菜速度唔算慢，聽網上啲人話員工態度差，但我真係要同佢哋大評反，佢哋服務都好好，仲話半小時前截order,但想食都可以繼續同佢哋講幫我哋落order，佢哋都好細心，坐位都好寬敞，大家距離都好遠。我哋個個掛住食，都忘記影下和牛啲相，我哋叫錯咗澳洲m9，真係同和牛比較有分別,和牛真係無得輸，仲有紫菜飯都好食，好食過牛×，再加上兩食仲有打邊撈又得，煎又得，一次過滿足個胃，食到大家都好飽好滿足，我覺得頭盤個刺生好新鮮。帶子好大粒好鮮甜。可惜只有一次食和牛真係好正夠哂淋好有牛味。我哋湯底點咗番茄湯同黑蒜豬骨，2隻都好夠味。飲品方便我哋無加錢，只飲雪櫃果啲，選擇唔多，有烏龍茶，忌廉可樂，道地荔枝，另有菊花茶....好似唔係咁夠冰凍，如果下次有無糖既汽水就錦上添花。最好笑原來有雪糕，我哋埋完單再出門口再研究下次食邊款，我多口同門口姐姐講如果有埋甜品選擇就更加好，門口姐姐聽到就話佢哋有甜品架，係每人一個雪糕球，佢好好走返入去拎返啲包裝雪糕球比我哋攞走。牌子叫coco b。 所以有時睇食評真係唔好太信，如果唔係老細推薦我哋都未必敢嚟試我都算係有要求的 刺生新鮮 所有和牛部位都 湯底入味 紫菜飯 有免費泊車添。

這間已經食過很多次lunch buffet，但今天竟然全場滿座。可能有新人結婚，因為看見2位新人和攝影師跟賓客續枱影相。又真係幾有趣。但我就不太喜歡。因為人數太多還有點嘈呢。好多時食物都要等或排隊。另一樣係甜品款式竟然沒有以往的多。今天也沒有mood影相了。 點心一如以往:蝦餃，燒賣，麻溶飽。珍珠雞。 燒味:叉燒 油雞 燒鴨 鹵水蛋 豆腐 Haggen dazs雪糕 印度飯 烤雞 咖哩牛腩 小龍包 牛扒 火雞 泰式沙律 天婦羅 麵食 海鮮 蝦 長腳蟹 麵包蟹 螺 熱食: 沒有吃水有豬手 三文魚 避風塘炒排骨 爆醬牛柳 燉湯 今次整體係差咗 沒有以往的好。但總好過九龍分店吧

呢間嘢成日都話full.就要睇吓有咩咁巴閉，其實今年係第二次食呢間dinner buffet。對上第一次係5月，因為難得老公又話想食海鮮自助餐就倍佢啦。今次去到比第一次有好大的進步。員工執碟速度快。同埋食物refill都好快，貴價原隻龍蝦/生蠔/蟹腳同鵝肝都有員工分配只要人人排隊都有份。因為太多嘢食選擇都無咩時間影相。 -粥雖然無味但幾好食 -片皮鴨就真係唔掂。片到舊肉細細粒手指頭咁。可能尾位我都唔知係咩位。總知覺得好難食好so只得啲皮，我都忍唔住要包雲吞意思係吐返出嚟用紙巾包住再都無再拎，好心唔好咁肉酸啦。如果有得揀我食乳鴿好過，可惜無唔知乳鴿唔知係咪lunch buffet先有。 -乳豬好食啲皮脆又唔太肥 -麵包蟹原隻龍蝦都好爆膏 -串燒好多款。但我只食試咗腎同牛肉都 -斧頭牛扒大約4至5成熟，我接受到，好嫩好淋不過有啲人真係會覺得太生唔熟咁 - Parma Ham仲有日式小食八爪魚裙邊 大阪燒 冷麵 - 天婦羅 軟榖蟹 紫薯餅 -炸蝦手卷和軟榖蟹卷都 可能11月做蟹主題有蟹小龍包， 蟹炒飯 意粉 熱嘢等等我都無食，因為要留肚食甜品 上次無留意佢哋有自家制雪糕錯過咗今次補返原來要19:00後先有。 因為我好鐘意食椰子/榴槤，但佢個椰子牛油果雪糕完全比牛油果搶哂，但都好特別好好味。我再自己加配咗佢哋個焦糖燉蛋真係無得輸提外話我覺得M字品牌雪糕唔好食。哈根大師比佢好食得多。可惜無。我眼睇佢個所謂榴槤雪糕同埋榴槤櫃真係流流哋。有無人試過好食話我知？佢啲所謂榴槤甜品真係同the market相差100條街。如果做到人哋咁正就真係無敵無後輸。可惜甜品唔多討好，連我榴槤痴都睇唔上眼就明。我對食都好執著。睇到想食就試一口，睇唔上就連試都唔會。 不過我都有試食幾款糕點例如有有芝士餅 提拉米素 芒果椰子布甸 粟子雲尼拿蛋糕我都覺得真心唔錯。 飲品方便都要提升吓只得汽水仲要得2款 只有原味可樂同芬達橙汁。我其實唔太鐘意飲汽水但凍飲無選擇。連之前荔枝凍茶都無埋。得荔枝紅棗熱茶還有亞姐果啲熱咖啡 報告完畢。值得去試。

朋友約食飯訂咗枱，問人先搵到，呢間睇落普普通通無環境無裝修既食店，一連3間舖都係佢。應該無介紹錯掛，訂咗18:30一入到去得啲伙記無人，我哋未齊已經係咁叫落單，我就無睇到餐牌，諗住小菜價錢間間都係咁上下。平民區都唔會收得貴掛，個伙記係咁介紹呢個好食，岩我哋咁多小朋友，普通到我連相都冇影就知。 藕片牛肉粒 (幾咸) 咕嚕肉 一般 椒鹽鮮魷，一般 上湯豆苗，一般 幾粒花甲蒸水旦，有沙 豉汁蒸半條鱔。 一般 豉油蝦一斤，超咸 差 口水雞 一般 不知名雞 。 一般 白焯牛肉，一般 大部份都係好一般出邊都食到既家常小菜，食完都仲未知要咁貴。因為不是我埋單。 事後朋友才發給我看。我話:[嘩。。唔係呀。咁既價錢去西貢食海鮮或上酒樓食好過啦。]坐得又唔舒服。圓櫈咋，所以值唔值真係好睇個人。但我就一定無下次， 大家睇埋張單就明白。 最慘係有比較，我和家人剛上星期日去某酒樓食一圍連海鮮都係咁既價錢。但我起碼食到2隻5斤幾六斤既皇帝蟹囉。鮮甜好味。相比今次真係似太不值。

去到官也街第一個就行去呢間食, 本來見咁多人排隊應應都唔會難食得去邊掛.!但我今日去叫咗2支凍奶茶,一個厚蛋豬扒包和花生奶油方塊.凍奶茶不是回甘直頭係苦澀.
厚蛋豬扒包塊豬扒實到不得了. 啲人仲話有肉汁, 但我一啲都唔覺得, 豬扒又硬又鞋.
花生奶油方塊,只不過係多士+練奶+花生醬. 搞咁多嘢咪即係奶醬多士.
呢間嘢真係好多人吹噓. 我一啲都唔覺得可以講得上"好食"呢2個字

雖然食物選擇唔算太多款式。但都已經夠食飽你。暫時嚟講。係我去咁多間酒店食lunch buffet中最多榴槤甜品一間，如果有埋生蠔，楊之金露，乳豬就真係無敵。我食咗唔算太多嘢。我食咗蟹腳新鮮唔太咸 parma ham 煙三文魚 沙樂腸 片皮鴨值得讚係會預先片走啲fat 喇沙 甜蝦 海南雞飯 燉湯 榴槤雪糕 榴槤斑蘭蛋卷 榴槤撻 以上樣樣都好好味。 榴槤迷點都要嚟試一次 另外扒類有2款有羊同牛。我本身唔食羊因為對佢陣so味好怕.但我好鐘意食牛，但去過咁多間食過牛扒最差呢間。我唔知係啲扒唔靚定係佢同羊共用一個爐。竟然食到果陣so味即時stop吐返出嚟。好比多次機會再拎過一件嚟試，頂又係so的。所以無再添了。都係第一次竟然唔食牛。 最差 熱食一樣都無試因為已經飽到食唔落了。

基本上我食咗好少款已經好飽，但真係食得好開心，我講咗有咩好食先，有鮑魚夠淋，避風塘炒龍蝦和蟹，上湯龍蝦，乳豬，手切豬肉，羊架，甜品推介紫薯酥，主打楊之金露，椰子布甸都好好食，唔好食既有花甲唔係因為味道而係有沙，牛橫隔柳太un和濃，西冷都唔掂。葡撻唔好食，飲品我鐘意西瓜汁和鮮橙汁。我哋差唔多8點先去到，煮食都好快。其實眼見有意粉，三文治，甜品，菜，粉麵檔，但我都通通無食到，但因為我要留住個肚食海鮮，有機會想再去一次。真係回味無窮，

話說我哋第一次學人食翅，見到門外多人排隊，諗住一定有原因，環境有幾張木枱，木整，舒適度係零，坐抵就叫咗2碗45蚊果款試一試先，唉…失望到呢，我食咗幾啖就停止。唔知係咪價錢平，質量差，還是咩原因，個芡打得太杰，原全無料到，不過45蚊都本來都無咩其望，但都唔好咁差吧，搞到仲要排隊就真係過份咗，可能旅遊書介紹，所以名多於實。讚好食的食家係咪選擇其他款呢？有不同?我就試一次就夠，無謂浪費時間，全部係打芡咁。不明如何入選。無下次。

即食要即日打食評你都誇張.

未試過咁誇張, 燒嘢食時已經連飲 3 罐汽水+1 支雀檸檬荼都止到口渴, 回家仲不停飲水...

請問你哋落咗咩去醃???

雖然價錢唔貴.大人$130包飲品一罐/燒烤叉, 開爐費另加$50 包2包炭, 一蜜糖和半包方飽,

係方便但真係超級口渴.

一行三人,去到唔洗等位,可能係平日,假日見到都好多人等,諗住應該好好味.每人一窉.
我哋大人ORDER咗辛口赤味噌湯底, 小朋友就昆布清湯淡如水. 牛肉佢哋個待應介紹話最平果隻會較多脂肪.
所以建議我哋ORDER咗$16X, 咁都無問題, 因為我實在太喜愛食牛了.
一開始就出去拎蔬菜和丸..我拿了兩款丸芋頭和黑魚丸,因為不太愛吃芝士沒拿, 和拿了東菇,大蒜,金菇.
回去坐時已經拿來了兩盒牛肉和一盒豚肉,我們看見牛肉,薄如紙真的透明喥很高吧. 我放了配菜和牛肉在一起.
當我放入口時,發覺牛肉竟然有SO味, 因為個人對SO味很反感,我就問職員,我點了不是最便宜的, 但為何還有SO味.
佢解釋話唔清楚,
拿回去幫我換過.第一次,有SO味也有脂肪白邊,食不落.
她走去換來的就OK無SO味但都係但無肉香味.
第三次又比返第一次果啲,有SO味我, 我就話有SO味既我真係食唔到. 唔係有心難為佢哋囉.
職員已不太滿意,佢再換來就同第二次一樣.無SO無肉味. 我食得真係好唔開心.感覺好似要我求佢比我食咁.
我都無再叫.為有下次不會再來好了.

我只有食菜和乳酪.乳酪竟然係全場最OK. 但老實講不過我都唔會再幫襯.

埋單: $515.9共2大小.(大人163 / 小童143 有加一)