大自然素食 (尖沙咀)

今次一行11人聚會,
在whatsapp有人突然話想食齋~
於是我就建議尖沙咀的大自然素食,
location方便, 又可以book位~係lee間餐館的優點之一~

Book了位但仍需等......有少少怠慢.......
等的時候...望著餐牌都覺得好吸引..
不過今日大家都以熱食為主~壽司刺身方面暫免...

叫了一個6人餐...再散叫多幾個菜式~

以下是我的推介...當然最後都要再encore...因為食物份量實在餵唔飽11人~1. 黑松露芝士焗意大利雲吞(散叫): 愛好芝士的人會覺得佢有好濃郁的芝士香味~皮薄餡靚~驚喜之選~極想再encore的一款菜式~想不到中式菜館會做到高水準的西菜(仲要係素食!!!)

2. 麻醬雞絲粉皮(6人餐): 不錯的前菜, 一上枱好快就俾人KO哂~麻醬味夠濃, 粉皮夠爽!!!

3. 椒鹽脆蠔(6人餐): 由於本人病倒, 與此美食無緣, 但朋友們都話好正!! 好有大排檔風味~感覺都好得意~但唔記得左佢地話食得出用咩整...

4. 招牌鴛鴦骨(6人餐): 又係與我無緣, 但聞到見到都好香好想食...激死我喇=.=

5. 芝麻手撕雞(散叫): 好味, 真係食得出雞味...hahaha^o^...但我食唔出佢用咩整...

6. 香草牛油野菌卷(散叫): 全晚我覺得最好食最回味的一個菜式, 牛油味極香, 加上我係一個極愛菇菌類的人, 所以我係食左兩大舊...因為11人分...冇法...如果可以的話...讓我再來1趟吧!! 餡料真係好豐富~好耐都食過咁好味的野菌卷~正!!!

其實成餐的感覺好得意, 大家都估d食物用咩去整~成為其中一個飯後話題~
當然..我們還有更重要的事要做...

食物水準一流, 可惜侍應可能比較忙碌, 加茶速度有點慢..
有時等到口乾都未有一啖水飲=.=~要加以改善呢~
但我相信可以做得更好~我會再介紹朋友來幫襯的~ussh!!!

牛陣 (旺角)

聽好多朋友講話牛陣好正, 因為有haagan-dazs任食,
今日有機會試..
拎籌到有位要等大約30分鐘, 30分鐘裏面只係叫過2張飛..
好多人o係度等...

今次叫左$138泡菜湯底+普通牛肉set,
牛肉ok, 豬肉麻麻地, 感覺有陣怪味,
湯底比預期差, 我估唔到lee度整的泡菜湯底係超鹹,
配蔬菜, 菇類食都仲ok, 但一配其他肉食就不得了, 超超超鹹,

作戰平足1小時就轉戰haagan-dazs..
好開心, 可以食足5種味道,
有朱古力, 白桃, 焦糖脆餅, 士多啤梨同Tiramisu,
我都唔知食左幾多杯, 應該都回到本

雖然淨係任食haagan-dazs都好吸引, 但我應該唔會再光顧喇~
講牛肉火鍋, 我覺得牛x鍋更勝一籌, 湯底o岩o岩好, 唔會過鹹

Tuttimelon (沙田)

行行下街好熱, 只係突然間好想食froyo,
就o係新城市廣場搵到tuttimelon,
我聽朋友講lee間d froyo好好食, 佢仲買左團購coupon,
可惜我唔係成日都去沙田, 否則我都會買..

今次試左綠茶味同牛乳,
估唔到綠茶味果個比想像中好食, 牛乳ok, 不過冇綠茶咁出色,
其實佢綠茶味好香好濃, 但唔係濃到苦澀果種味道,
質感好soft

個人覺得tuttimelon係froyo shop中最好的一間,
皆因佢全自助式,
多與少都係自己搞掂, 唔駛賴staff落得太多或太少..
同埋都執得好乾淨企理, 冇乜混亂情況出現, 讚!!

大熱天時, 如果經過tuttimelon, 不妨一試, 或者你會好似我咁遇上驚喜^o^

佳記甜品 (元朗)

今年生日,入左黎元朗慶祝,
去BBQ前先在元朗周圍食d野+行下街~
B仔係元朗出名的地方,但我今次係第1次光顧~即管試下+"品評"一下la!!

地方簡陋, lee個我都知, 因為入親元朗都經過lee度,
餐牌有勁多甜品選擇, 單單係個menu都好吸引~
小食方面, 略嫌少左d選擇, 本來想試雞翼尖, 但身邊人病左就費事叫辣野食...
B仔涼粉又超大份,望到隔離枱都知~成$63一份~唔大份就假

最後叫左榴槤pancake($22)同B仔船($40)榴槤pancake($22)︰
黎到個樣已經吸引左我,因為好大件呀!!!比滿記大件好多..但價錢差不多~!!
衛生情況不錯,見佢用膠袋+膠盒盛載住~
不過不太環保,其實我覺得淨係用個膠盒裝都已經ok!!
一食,好creamy,又多榴槤肉~
喜愛榴槤者必定會愛死lee個榴槤pancake,勁香呀~haha^o^~B仔船($40)
原來係普通香蕉船,雪糕食得出係雀巢vanilla雪糕~
有好多水果同椰果,
有番多d lee d intake都好, 當然BBQ前水果, 健康d...
都算新鮮...
$40有咁大隻船都好抵食ga喇~至少平過出面d cafe!!

唔知B仔涼粉點..但睇d食評話得個多字..眼見我都覺..
經此一役後, B仔最好食的唔係B仔涼粉, 而係榴槤pancake, 推介推介, 仲係我的生日推介^o^!!

Mamma Mia Gelato (銅鑼灣)

行行下街見累, 又想食少少野,
在World Trade Centre見到lee間Gelato,
忍唔住入去睇下..
果度D staff好好, 一見我地入黎, 就主動遞不同口味的雪糕俾我地試~讚!!
我地真係試左好多隻味~
不過我男朋友堅持唔要無糖,
所以..最後揀左Lady Kiss榛子朱古力同綠茶雪糕($30)雙球$30, 但球的size比平時出面食的細..
但味道...綠茶濃度我嫌太濃, 有D苦澀味~不過我男朋友話ok~
Lady Kiss...我第1次食lee種style的朱古力雪糕~
好香~又有D類似金莎朱古力的nuts咬下, 質感豐富..
朱古力濃度o岩o岩好, 又唔太甜...

不過要彈的是..坐的地方確實細左D..
但行街行到累的時候, 有個地方坐底食雪糕, 已經唔錯喇!!!