成日過江龍黎到香港嘅Pancake都令我失望，今次抱住一試嘅心態又唔洗排隊就黎試試！食左薯條同意粉呢d正常野唔錯！叫左原味Pancake$99 有三舊，大細厚度都好正常，今次係我暫時係香港食過最好味嘅梳乎厘Pancake, 蛋味夠，鬆軟度👌🏻，cream夠滑，夠熱，等得唔算好耐🥰 如果要挑剔，蛋味再重少少就完美喇😆

某星期六中午黎到，唔洗排隊，點了一個有蛋細嘅$86一份冇$83，先黎前菜同湯一般般啦，等左十幾分鐘有得食！舊熱石真係堅，燒左好耐都好熱，而漢堡是全生的，自己按所吃份量將漢堡cut開逐少放上熱石弄熟，不過來回來回都幾累😂 而且要小心油彈倒自己，什至對面果位🙈 我都係寧願佢整埋比我😂 而漢堡質素又唔錯喎，有牛味，滑口，有肉汁！不過蛋就會乾d,因為已經熟哂，燒到咁上下侍應哥哥會主動幫你換舊新嘅熱石，加分👍🏻lunch 份量覺得好足夠呀👌🏻走嘅時候已經要等位喇！

一心諗住食開有水準，呢期少出街食，都想食好d,就諗住燒下靚牛！我都係訂左先知有八折！其實諗住貴都唔緊要，點知好失望，曾經我覺得呢度係最有水準，性價比好高的！以前個牛肉拼盤$35x份量足，質素好好，今次黎份量少都算，d肉質素真係好一般，搞到相都唔想影......肉好un😢 連好難會un嘅牛舌竟然都係un.... 仲叫左個$2xx嘅特級牛，樣都算靚嘅，但食落真係好好好一般🤦🏻‍♀️ 真心失望..... 讚嘅係服務，好有禮貌好細心！

去到等左十幾分鐘有位！四個人食左三百二十蚊飲埋特色飲品，最欣賞蝦多士好香口唔油，黑松露炒飯炒得好好味！仲食左個牛腩保齡球，我比較鐘意個芝士汁黎沾麵包食！芝士豬頸肉一丁都唔錯！但肉夾饃我就覺得咸左d! 鐘意杯飛仔華田好似跟餐都係$14蚊！

之前見倒咁多人排隊冇食！去到豚王又賣哂！今日同老公決定去試下！去到大概有三幾十人排隊！排左個半鐘入到去！位唔多！本身諗住同老公一人試一隻味share下！但原來佢好似部份日本拉麵店咁每個位有塊小木板隔住！所以我地兩個都揀左特別啲既＜太極＞！等左十分鐘！賣相幾好！湯底豬骨果邊好好味但溝埋墨魚汁之後我覺得咸左少少！但係好香濃！下次我會食返原味！麵係粗麵本身我愛達磨同一風堂的幼麵因怕有鹼水味！但這裡原全冇缺點！彈牙掛湯！糖心蛋亦很有水準！荀也很好吃！見到不少人追加！我不怕排隊，最緊要好食！

睇左食評先黎呢度！我地叫左日本和牛set $490 有五款牛！每款各有特色！有牛味重d有肥美d！燒到六七成熟就食得！一定要叫白飯$30 送啲牛！我地兩個一人一碗！成碗飯食哂！仲叫左薄牛舌 $98 正！！爽！唔un! 牛味夠！必叫！有款牛舌！呢隻已經最便宜，唔知再貴啲冇幾好味呢？牛腸$78 唔知係咪我地唔識燒覺得好un......以後唔叫喇！叫左個青瓜$45 一般啦！用黎解下漏姐！下次想試沖繩豚肉！

第一次去亦係最後一次去!!!!!!!! 我地諗住豪d食最貴$308 既上級和牛加$10任汽水!~~~ 記住係上級!!!第一碟好快到...我諗係切定...仲可能擺左好耐.... 冇牛味....唔覺係日本和牛囉!!! 好啦我地諗住第一碟係衰d咁再叫啦~~ 跟住果碟都係咁!!!!!!!!!!我地仲諗係咪我地要求高呢??? 我再忍多次跟住再叫多碟仲衰!!!!!!!!!!!! 冇油花... 真係估唔倒咁差!!!係出面食手切本地牛百幾蚊碟好過佢十倍!!!!!!我地忍唔住投訴話接受唔倒, 話哂都比左三百幾蚊一個人喎~~ 唔係d比咁既野我下話??...果職員都好有禮貌即刻換比我地~~~ 如果唔投訴我真係谷死!!!!!! 因為我地平時真係唔鐘意投訴人!!! 但今次真係忍唔倒!!!!換左碟好過哂之前果d~~但都係冇牛味... 唔係日本和牛既味道!!! 唉.....好失望... 其他配菜都好新鮮... 烏冬好食~~~ 不過主菜唔得呢~~~ 我諗食最平$108 果隻係抵既....冇咩要求可以試下...但最貴果隻就真令我好炆呀!!!!!



唯一讚就係d職員好有禮貌!!!

之前去呢度都係食開小菜一向都覺得唔錯...點知有日發現原來有火鍋架~~4個人就試下喇~~叫左一個大既手切肥牛$178(肥美)，大既海鮮肥牛拚盆$298(送湯底好多比你揀...個拚盆有4隻鮑魚，兩隻蟹，聖子、瀨尿蝦、海蝦、帶子、螺、泥鯭、鮮魷、肥牛.....全部海鮮都係生猛上左枱都係生勾勾架~~勁驚，不過真係好鮮甜，呢個價錢有呢個份量係好抵!!!

琴日同另一半去試一試service好好...六點五十分去到都坐左一半人喇~~我地點左生蠔拚盆仲送白酒2杯(都好新鮮個姐姐仲慢慢介紹比我地邊隻打邊隻，係日本果隻我唔係咁鐘意之外其他都好好)、龍蝦湯$60<少貴>(好正呀又係)、鴨肝磨菇意粉(係食完第一啖就想食哂成碟，唔會好漏~正!!!!)、烤羊架，個哥哥叫我地食五成熟(唔un，唔騷都ok，不過我個人會鐘意熟多少少咁會香口d)，心太軟(都好味)埋單$833唔收加一...價錢熟正常價，好過比幾百蚊係出面食d唔新鮮既生蠔啦~~不過下次去唔會食扒類會食d特式飯or意粉~~~