又到一年一度和男友慶祝生日，今次選了日式燒烤放題，感覺這家評價都很高，又適逢聖誕節，所以預先1個月訂位了。要上一樓，門口有個小小電梯可上去他們預先準備好2人份的燒烤給我們，不夠可以再任你點飲品當然亦是任飲我們單點了一份和牛，是要另外比錢的，結果是硬過香口膠，我出名好牙力，一搬硬的脆骨我也咬碎，但呢份牛扒我實在「無辨法」，結果我找了一位西裝，似經理的人來跟他說要換一份，他的態度非常正確，首先，他自己把碟上的牛肉用他們所說的手法燒一次（全都以為客人唔識燒）然後將其牛肉剪～～～剪～～～幣...剪唔開
所以二話不說就托出（他說只有VIP才能吃的和牛換給我們）這次男友也說不錯，幸好這位經理，不然我的男友生日飯局可能會很掃慶。最特別就是有梅酒放題，不是每一家店都有，他們有很多款任飲，這一點也是我會去的理由甜品也是任食。
新興的日式燒烤來說，他們也做得不錯，但比我之前去觀塘區的某間日式燒烤放題略為爭一點點，食品款式及質素可有進步空間，
但整體都有85分，要我再來吃我都會再來。

我們一行人8大2小，因為餐牌價錢太嚇人，不知道朋友們介不介意，只叫了一個一千多元4人餐，再另外散點了一些小食。 首先食物質素來說，千幾元一個4人餐，這個叫正常水準，若果千幾元都有不新鮮情況，真係不需要再來～
海鮮拼盤來的時侯加入乾冰托出，夠曬氣勢。 每人也只能品嚐到一點點海鮮
甜品最為有心思，正宗食鏍絲。 總括海鮮質素及味道屬正常，但一大班朋友聚餐實在不忍心叫太多，所以一大班朋友的，都要預4-5千元左右才會夠飽， 當然我回家都要再食公仔麵

昨天去荷里活廣場睇戲，本來去foot court 嗰間日式鐵板燒（我的飯堂）求其食算，點知foot court 原來執左，仲話唔續約添，我的鐵板飯堂沒有了結果去呢間食，今次去嘅又有驚喜。 呢味蟶子好似季節性的，比起很多海鮮餐廳好食👍🏻尤其之前在鯉魚門食過一次的蟶子，多沙之餘仲咬唔爛 仲有呢個海參湯，比起外面嘅湯羹煮得清淡，飲起來唔會有飲漿糊的感覺，超正。

還有一味藥善蝦湯都好得，呢間 真。值得試。

今日食晏，都會近近地搵食市，本來是想食車仔麵，但經過這間，所以入去試一下，地方超細，當然，香港租金貴，唔會嫌棄他們地方，只要好食就得喇～我坐係一張極細枱，兩邊夾著人，感覺香港真係超難搵食。我點了一份下午茶餐，有酸辣湯及鍋貼。沒有影相，而且賣相沒什麼特別。
一飲就知平野無好，和街邊碗仔翅無分別 哎，唯有食鍋貼安慰下。鍋貼都算幾好食，所以我點多2隻，但因為套餐，唔知跟餐鍋貼味道是哪款，所以問侍應是什麼口味，哪個唔喊淡的侍應又問番我咩味，我一頭冒水，我再講一次，是之前跟餐的口味，她的惡劣態度就出來了，有3隻味，你食咩味。
我已經覺得同佢溝通唔到，就叫佢比2隻我，之後2隻鍋貼，佢又拋的放係我面前，我都忍了，再問佢呢款咩味。佢就好不耐煩咁話，哎頭先咪問你咩味囉，（我覺得我與外星人對話中），之後用外星人凌厲眼神同我講呢款係「腎之肉」。。。
其實我好想介紹，咁樣，我都介紹唔到比大家，這款還不錯的鍋貼，是咩味。唯有大家估下啦。
總括黎講，食物再好，服務差到咁，以後不會再黎。

5分

因為男朋友仔生日，所以一早訂左這間食評已經不錯的日式鐵板燒，可能係太多人，所以我訂了枱都要坐一二邊，都沒有所謂，因為都睇到師傅燒烤，都不錯。好奇怪的我明明去食鐵板燒，但每次都都喜歡叫刺身先食 而這間的刺身都不錯。叫了一個二人餐，他們的前菜都很精緻，很有心。正餐有我最喜愛的燒銀雪魚，牛柳及野菜。較為特別的有這份海贍醬汁燒的龍蝦，師傅還介紹這是他們研發的。甜品也很特別，總括來說，這間味道都很不錯，但我個人亦比較喜歡我之前寫過的另一間和三味。太多好味的食評，本人也不寫太多，各位親自去試試吧～

朋友之前帶我去佐敦道的重慶燒，之後我就愛上了，他們的品種很多，而且味道都很不錯，可能我都偏重口味這次來到土瓜灣的分店試試之前朋友都好喜歡叫燒海鮮，比如燒生蠔，帶子，蝦等等，今日我都試試其他的
特別喜歡這個燒娃娃菜，因為燒完仲有很多菜汁，口感很特別。其他叫了串燒的雞軟骨，墨魚丸等等，和佐敦店都差不多，水準keep到燒菠蘿亦係另一款推介燒烤！
因為食品太多，映唔切相下次有機會再去，繼續分享～

唔知係咪天氣熱，又咩胃口，食左幾日壽司，今日真係唔係好想食，諗來諗去，終於去食下泡菜飯，係APM就腳就試下呢間，其實APM的food court裝修後，已經好少來，因為款式變少了，之前試過都麻麻地，比舊的品質更差，今日都係貪近，本來對呢度都不會太大要求，今日仲要。。。。

一入去已經見到想吃的泡菜飯。個模型做得好靚，賣相不錯，亦有我喜歡的泡菜和海鮮，所以點了這個。
等了不久已經有得拎，結果拿回來的樣子。。。。。！因為當時坐的位置有其他燈，所以變色，但你睇到個湯，係舖過晒D餸，咁都唔緊要，我真係無諗到有咁差！我打撈左好耐，除左一束金菇之外，他們說的海鮮呢？咦！搵到喇！搵到喇！有蝦出現！果隻蝦，相信比蝦米大隻小小，我諗係用蝦米滲水滲好耐，所以發大左嘅成品！（極無耐 ）
唔知呢間野知唔知有商品說明條例，其實佢己觸犯左！
我知道生意難做，但係，身為一間食市，應該真係要有番D水準，而且要好食，如果唔係真係無下次，記得鰂魚涌的韓膳，價錢和他們差不多，但人地都用真材實料，豬肉飯，真係有好多豬肉！需然係60幾蚊，大家可能覺得我笴刻左，但係，60幾蚊真係唔算係平。。。當然我以後唔會再食。亦希望大家唔好中招。

25分。。。

新年太忙了,超多約會,遲遲未打這份食評,但係忍唔住一定要曰打出黎等大家唔好再中伏.
話說新年去買家俬,行到攰攰地,又係食飯時間,所以就在megabox食,行左幾圈,見到呢個日和號,未食過,餐廳外的餐牌亦有我想食的海膽(注意:餐牌D相係超靚的),咁我就㩒飛仔等位,不到一陣就有位.

入去第一時間就點一板海膽,點知佢話賣晒,無海膽,好失望咁㨂其他野,我地就㨂左另一盤刺身,但盤刺身有海膽係度,咁我就問佢,有咩代替海膽呢?
她就說:啊,呢個款有.
我:咁即係點?
她說:呢個海膽有
我:......
咁即係刺身拼盤有海膽,我單點一板無?(唔係咁好賣丫話...)
她:啊,等等,我問一問先
之後有個女經理過來:小姐,現在我地的海膽轉了,好食好多,大隻好多,所以唔同左
我:咁即係無一板點?
我已經不耐煩...佢地完全好似不在狀態中,唔緊要啦,我再點其他刺身,燒物,壽司.

一黎就黎件三份一支筆咁大嘅馬刀貝壽司,朋友已說有伏味...
我係馬刀貝funs,所以無留意他說的伏味在哪裡.再黎二件平價壽司,(全餐好味在此了 )詳細唔需要講,以下二款壽司,好難難食囉!!!!!!!燒蝦....黑晒....重點黎了,我地定左3分鐘唔係相機食先,係點都要影到有幾咁唔新鮮,大家如有留意,我之前食評的話,我影出來的刺身拼盤,遠比呢盤靚十萬賠!喂,唔平架,呢盤野二百幾蚊架,對於我黎講,二百幾蚊刺身,比D咁嘅野我?有無攪錯左?點知朋友食左隻甜蝦,即時吐出,我問佢咩事,佢話苦嘅....咁大單,咁我就叫番經理黎講,佢話甜蝦唔係新鮮嘅,係咁凍嘅.我再換個比你啦~
我好很無耐地:咁唔該你比D新鮮我....

題外話一陣:唔知大家有無食過爭鮮呢,我係台灣就食過,台灣爭鮮比香港爭鮮好食好多,之前係香港爭鮮徊轉食過一次,以後唔敢去.

好喇,我係想講,佢嘅質素同爭鮮不分上下,但,貴幾倍,大家若試下"香口膠刺身",不仿可試下,每樣試少少,之後都無食,其實都浪費晒蟹肉旦炒飯,太油,無蟹味,無蛋味........埋單400幾蚊總括:太難食喇喂!!!!!!!咁都可以做落?-150分

本來已經搵好一間係尖沙咀金巴利道的韓式燒烤，經過呢間店，門面好新淨，我地一直行道金巴利道盡頭，其實都比呢間餐牌吸引了，而且我同朋友對於川菜都OK，所以決定回頭去試下呢間，真係好無㨂錯。入去已有很香的火鍋味，大部份食客都在火鍋，因為除了火鍋，還可以點菜。我地只有兩個人，梗係點菜，唔知係咪人多得濟，侍應又唔係咁熟手，佢地落單時都好混亂，經過一輪考慮，都決定食辣蟹，小菜，皮蛋。黎左碟皮蛋，好似同張相唔同，我再攞menu睇睇，問佢點解爭咁遠，原來真係黎錯左，我要有下圖果款，有蝦肉包住皮蛋，好特別，又好好味，成餐最有記憶的菜式。要記得試下，下次我會試下他們的火鍋

今日係我生日，朋友特別安排左我黎呢間餐廳，約了係東角中心等，點知去到唔見佢，佢話喺舊東角，我真係唔知SOGO隔離叫舊東角，哈入到去裝修都很華麗，好有特色，來來回回仲有好多美女，隔離枱係韓國人，menu裡都係鐵板燒，但其實佢地仲有另一邊可以叫刺生壽司，所以都拎左本壽司menu睇，兩本全部都係文字，唔會似街外的有圖選擇。呢樣係我其中一樣愛的日本食品，納豆，朋友話呢間嘅納豆佢接受到，唔似平時超市買嘅大味道，呢個個味道適中，而且它的黏力比平常食開嘅大好多，他們叫納豆刺身＄80當然有刺身拼盤，亦係松，竹，梅選擇，我叫左個梅，松及竹的吞拿魚會係拖羅，只有梅不是，但單係吞拿魚都好好食，而且三文魚比起食開的都鮮味很多，元貝及蝦都毫不遜色。前菜係用左蟹肉釀嘅豆腐，加埋個醬汁，好特別，好有特色！只係叫左一人前嘅鐵板燒，另外單點左個南瓜，鐵板燒選左和牛，很特別用左個麵包黎吸走和牛的油，而麵上燒左佢地餐廳名，好有誠意，但係我又覺得好浪費。有無其他方法呢？一人前仲包括個飽魚，因為超好食，所以唔記得影相，還有銀雪魚，煮法很精緻，當然有野菜同炒飯，湯等等。食得差不多時侯，侍應走來同我地講換枱，帶我地去另一邊嘅咖啡座，還境就似外面coffee shop，食完個美味鐵板燒來這邊嘆杯咖啡，真係非常舒服。
甜品我選擇了綠茶雪糕，他們的綠茶雪糕亦非一般好食，很滑，綠茶味剛好，很想問佢邊度可以買到～～由入黎到食完，成個過程都很美好，本人覺得有95分