 | B1/F, Causeway Bay Plaza 2, 463-483 Lockhart Road, Causeway Bay 銅鑼灣駱克道463-483號銅鑼灣廣場二期地庫1樓  |
|---|---|
 | Japanese | Sushi/Sashimi |
| 18  vs9 vs3 |
| B1/F, Causeway Bay Plaza 2, 463-483 Lockhart Road, Causeway Bay 銅鑼灣駱克道463-483號銅鑼灣廣場二期地庫1樓 |
|---|---|
| Japanese | Sushi/Sashimi |
| 18 vs9vs3 |
 | Taste  | Environment | Service | Hygiene | Value for Money |  |
|
|
|
眾多壽司店中，小妹最愛怪獸壽司，喜歡它用料新鮮，魚生抵食，店來環境舒適。晚市餐版款式較多，而午市定食則相當經濟，不用一百元就能享用一道豐富午膳，包括前菜、沙拉、主食、茶碗蒸、Miso、甜品和飲料，在尖沙咀店吃過多次，但用手機拍下的照片總未能令小妹滿意，所以遲遲沒有分享。是天Regina和其姊妹Vivien前臨香港逛街，心想作為澳門英國留學生大概很少機會嘗到日本菜，自己又對此店食品的水準有信心，就介紹她來這裡享用午餐，順道拍拍照，與大家分享吞食怪獸的滋味。  第一次光臨銅鑼灣店，卡位依然寬闊如尖咀店，中央有張大回轉檯，裝修如其他分店一樣，燈光較暗但有格調。 三個胃口小的女生點了兩套午市定食、一客鰻魚壽司和一客黑松露野菌鵝肝玉子分吃。 
茶碗蒸雞蛋滑溜溜，濃重的雞味和香菇，味道不太甜，似中式水蛋，內裏有雞肉粒、雜菌和蟹柳，非常豐富。 
味豉湯不過不失，水準平平。 
 
 ？是不是忘了放海膽？？不過沒關係啦，幸好其他配料夠份量，鵝肝粒煎得剛好，入口溶化，甘香味美，吞拿魚茸伴壽司飯同吃亦十分滋味，而刺身片仍然新鮮。這樣幾個女孩子分吃可以嘗到多款不同的配料，實在令超級貪吃胃納又小的在下大大大滿足！！！！
難得好朋友前來香港，沒有什麼特別熱情的款待真不好意思了XDXD （不過我想妳不會介意吧，不竟重點是來見我，對不對？ ）幸好怪獸出品的日菜一點也不失禮，小妹也吃得津津有味。兩份定食、壽司和一客玉子，「無飯」家庭出身的我也認為「KO無難道」，因為真的很好吃。是天也很高興認識了Regina的好姊妹Vivien，久聞大名哈哈！細說下發現原來在澳門人心目中，來香港指定要品嚐的菜式居然是燒鵝瀨！「鏞記或裕記的？」 「不！我呀媽話求其縱入一間都好好味，黎親都要食！！」 又嘩言香港出品凍檸茶比澳門的味道好多了。身為本地人，除吃膩了學校提供的那些禿飯時會久不久吞碗燒味瀨，還有每年為肚子進貢三兩杯凍檸茶外，真的甚少用心欣賞過這類本土特產。每天都尋求新味道、新嘗試，原來最簡單、飽肚又味美的經已在左近，卻時常被忽略，小妹果真身在福中不知福。 Other Ratings: Taste 5 | Environment 5 | Service 4 | Hygiene 3 | Value for Money 5
Recommend |
 自從食過旺角間Monster Sushi後,我簡宜覺得呢間野好味到人生盡頭 .
好好食,雖然有少少油哩!!不過可以接受. 
好好飲,凍凍地有種睡士糖既味道,而且好香.我好中意!!Recommended Dish(es):
歌斯拉卷、strawberry乳酪 Table Wait Time: 5 minute(s)
Date of Visit: Jan 11, 2013 Spending per head: Approximately HKD200(Night Snack) Other Ratings: Taste 5 | Environment 4 | Service 4 | Hygiene 3 | Value for Money 3
Recommend 0 |
今天冬至, 打算跟幾個同事吃頓好些的午餐, 最終選擇了灣仔Monster Sushi... 之前吃過幾次, 經歷都不是很好, 但我們總給他們機會, 希望下次會有進步, 可惜一次比一次差  我們一行五人, 點hot dish的同事等左無耐就有得吃, 我跟另一點了魚生的同事等了25分鐘都沒有, 後來我們跟催促店員很多次, 但換來的唔係禮貌回應, 而是冷淡敷衍:係呀, 今天很多客!!!  再過15分鐘, 突然有個人匆匆走來, 很沒禮貌的丟下一句: 俾住個魚生飯你先, (但我呢個係set lunch), 算! 好過沒有, 但都要給我食具0掛? 最終我以極速征服碗飯, 個胃超級頂住!!! 之後到餐茶, 個阿姐託住五杯餐茶, 在我們面前對了有對, 我們說她沒錯, 著她快點給我們, 還是要確認又確認, 餐茶到我們把口已經不是熱的, 是涼的!! 這樣差的服務已經不是第一次, 前一次還試過上菜得太遲, 個同事吃不到, 反而要回公司叫外賣, 如果沒有能力做午市, 就別做好了!!! 今天雖然是冬至, 但都應該有足夠人手吧? 怎麼整個場都只有三個人服務 全場二十多抬客人?? 連賣單都找不到人!!! 一間食肆, 先不說食物好唔好食, 但D服務差成咁, 要人無人, 有人又幫唔到手....誰來幫襯!!!! 機會已經俾得太多, 下次絕不會再幫襯!!!! Date of Visit: Dec 21, 2012
Recommend 0 |
以往去monster sushi都係去朗豪坊分店，印象麻麻， 壽司賣相係好靚，但味道同食材都未見有咩特別出色 價錢偏貴，就算去食都係約埋朋友用$100優惠劵食夜場 今次買呢個團購，全因為被黑松露三個字吸引住， $199 六樣菜連飲品，另外要比返正價加一$50 
有一陣接近腥嘅蟹膏味，反而旁邊嘅蟹棒絲味道仲自然 生菜絲同青瓜絲清新爽脆 , 沙律醬份量味道適宜 , 不錯 2.黑松露雞肉蒸蛋 
松露油香味當然不及松露醬 , 而且雞肉變左做瘦肉 蒸油不過不失 , 唔夠滑但不致於鞋 , 最可惜係唔夠熱 3.黑松露牛油炒野菌 
黑松露醬所起o既作用唔大 , 拌勻後都唔係太食得出味道 4.和風鐵板黑松露牛肩扒 
有薯角 , 西蘭花 , 椰菜 , 紅蘿蔔 , 配上燒牛肉汁 , 很惹味 牛肩扒反而較失色 , 睇落係六,七成熟 , 但韌o既程度逹九成 味道其實有燒汁己經好好味 , 加上松露醬 , 有點 " 夾硬黎 " 5.鮨盛 
~帆立貝：肥美鮮甜，幾厚肉 ~玉子：甜味唔平均，又鞋口，屬平價貨 ~黑松露和牛卷：每人兩件，食唔到松露味， 皆因份量比柚子漬，薑茸還要少，味道被搶去 6.油揚小本菇味噌汁 
7.荔枝茶 
放到食完先飲就凍晒喇，唔明點解餐飲唔係最尾先上， 味道就係一般嘅果茶，加左少少罐頭荔枝肉，帶來少甜 ## 呢個團購餐如果係 $ 199 , 會因為抵食而得到笑臉一個 加 $ 50 , 係因為正價本是 $ 499 , 咁就真係完全唔值喇 , 團購寫明餐後會送一張 $ 100 現金劵 , 店員卻忘了給 ..... Date of Visit: Nov 07, 2012 Spending per head: Approximately HKD130(Dinner) Other Ratings: Taste 3 | Environment 3 | Service 3 | Hygiene 3 | Value for Money 3
Recommend |
小妹雖然唔食生野( 例如刺身), 但卻有一鋪壽司癮, 平日食開同區的一壽司, 但要等到十點後半價, 今次有coupon, 計落又好似差唔多, 就試試: 起初行錯路, 去左搭lift, 原來搭扶手電梯便可 早左到, 餐廳外有梳化可以等, 不像平時那間要在馬路旁等 初次來到唔識拿等位票, 見到其他人有先去拿 入得了, 枱與枱之間都是迫迫的, 食品都比其他多款式選擇, 亦見創意 壽司大小比我曾經食過的正常, 沒有被纖體 味道質素可以, 沒什麼特別, 侍應會自覺加水 
Table Wait Time: 10 minute(s)
Date of Visit: Oct 06, 2012 Spending per head: Approximately HKD100 Other Ratings: Taste 3 | Environment 3 | Service 3 | Hygiene 3 | Value for Money 2
Recommend 0 |
是日預早訂位, 早五分鐘到達即時帶位, 一輪混戰後大致如下: 三文魚壽司: ok夠大, 味道一般, 魚肉爽身 腐皮壽司: 偏細件, 醋味輕, 腐皮較一般厚身, 有兩點罌粟籽跟足照片一樣, 有趣但無味 芝麻汁鯛魚壽司: size ok, 鯛魚肉味清淡 鰻魚壽司: 有一件缺咗一角, 鰻魚肉夠肥厚 蛋壽司(3pcs): size適中, 甜味偏淡, 蛋香並不突出 海膽軍艦壽司: 夠豐富, 海膽海水鮮味夠濃 火炙油甘魚壽司: size ok, 比起魚生, 這種半生不熟的魚肉雖然多一點咬口, 但那smoked taste則不是自己杯茶 意式火炙三文魚壽司: 偏細, 但配合tomato碎粒就非常好 牛油果吞拿魚魚生: size ok, 吞拿魚被火炙得太熟, 配牛油果做成的醬汁味道不太突出 加洲卷: size偏細, mayo亦只有碟底那幾條線, 內餡只有蟹柳, 牛油果只得一小薄片 蟹柳壽司: size & 味道都ok 大蝦天婦羅壽司(4pcs): size ok, 新鮮炸起夠香口, 加埋壽司外圍的炸衣碎, 效果幾好 甜蝦刺身(4pcs): size ok, 鮮甜味不足 味噌湯: 味噌味道一般, 蜆仔肉有些少鮮味 和風醬油煮牛肉烏冬: 牛肉粒ok, 淋身有牛味, 烏冬滑且有些少彈牙, 湯亦ok 蒜香厚燒牛舌配麻醬沙律: 牛舌醃得幾入味, 但奇怪沒有半點牛嘅騷味, 似乎這裡廚房頓愛用麻醬 
海胆壽司
一般嘅蜆仔味噌湯
左邊係意式火炙三文魚壽司, 右邊係牛油果醬吞拿魚魚生-唔係自己杯茶
老實講內餡的確好明顯反映到通漲嚴重!
蟹柳壽司同甜蝦刺身(4pcs)
大蝦天婦羅壽司
火炙油甘魚壽司
蒜香厚燒牛舌配麻醬沙律
和風醬油煮牛肉烏冬Supplementary Information: 薑要問才有提供, 但拿來的薑片份量充足, 理應可以食到尾!Recommended Dish(es):
大蝦天婦羅壽司,蒜香厚燒牛舌配麻醬沙律 Table Wait Time: 0 minute(s)
Date of Visit: Sep 29, 2012 Spending per head: Approximately HKD150(Dinner) Other Ratings: Taste 3 | Environment 3 | Service 3 | Hygiene 3 | Value for Money 3
Recommend 0 |
首先衛生方面，差!竟然有烏蠅飛上迴轉壽司面，不只一隻，而係幾隻!仲飛埋入我杯水，D員工好似見開烏蠅，並沒有撥開佢地！! 食物方面，我地點左鰻魚壽司，片鰻魚又短又薄，蟹子壽司上D蟹子跌曬落碟，真係求其馬虎! 仲有，三文魚生起曬根，好難食, 又吾新鮮....俾甘高價錢，但食D甘嘅質素，真是一定不會再去! 另外點左個西京魚焼，30分鐘都未到，等到冇曬心機。 Spending per head: Approximately HKD150 Other Ratings: Taste 1 | Environment 1 | Service 1 | Hygiene 1 | Value for Money 1
Recommend 0 |
星期六, 怕多人等位, 約七時就來用餐, 不用等位之餘, 亦只是入了數枱, 記得旺角分店是常滿的..相反銅鑼灣這麼清... 黑松露吞拿魚腩鵝肝卷:芒果很甜, 而鵝肝鬆化, 有點像肉鬆, 海膽軍艦: 不新鮮, 有點苦, 失分之作 帆立貝壽司: 夠鮮甜 哥斯拉卷: 外層是炸的, 很脆, 有口感, 不錯 七款刺身組成的盛盒: 抵食之選, $138, 刺身亦很新鮮 希靈魚刺身: 很喜歡這口感, 夠爽口 麻醬烏冬: 很開胃, 好味! 牛舌: 很"林", 味道尚可 蒸蛋: 普通.. 
Date of Visit: Sep 15, 2012 Spending per head: Approximately HKD230 Other Ratings: Taste 4 | Environment 4 | Service 3 | Hygiene 3 | Value for Money 3
Recommend 0 |
香港人，總是愛食日本料理！ 特別係壽司！ 係香港，壽司舖，總是開到成行成巿！ 說到創意料理，可以試試這一間！ 不知是不是吳彥祖有股份！ 但這裡，就是有吳生的推介食品！ 黎呢度，我是叫壽司為主！ 價位，不是平。 以普通三文魚壽司為例，是HK$14一碟。 
一般壽司舖，象拔蚌壽司比較少。 或者只是季節性。 但呢度卻有得寫單，而且很脆！ 赤貝，我的至愛！ 不像板長般弄得核核突突！ 色澤及口感很新鮮！ 再黎，帶子、甜蝦蝦膏及螺肉壽司。 
也足夠滿足口慾了！ 蝦跟蝦膏的壽司，可算是這裡的創意壽司之一。 一次食盡了蝦的不同美味之處！用心之作！ 螺肉壽司驚喜不大，但也不錯了！ 呢度0既創意壽司，很值得一試！ 還叫了海膽吞拿魚溶軍艦。 其實除了這款，還有海膽mix其他的軍艦哦~~ 
想不到跟吞拿魚溶配全也不錯哦！~~ 一個價錢食盡兩款，抵了！ 
這是又一創意壽司！ 還記得有鵝肝的可以選擇。 穩陣一點才點了這款！ 有好味的三文魚、加上有咬口的魚子！不錯不錯！ 
口感及味道也夠豐富了！ 如果玉子再滑一點再熱一點就完美了！ 順帶一題，呢度有夜宵時段！好似9:00後吧！ 但朋友食過說不新鮮！~ 大家自己衡量吧？！ 我呢餐食了三百多。 但有一百現金卷送我下次用，其實也不是太貴吧？！ Table Wait Time: 5 minute(s)
Other Ratings: Taste 4 | Environment 3 | Service 3 | Hygiene 3 | Value for Money 3
Recommend 0 |
知道銅鑼灣都開左MONSTER SUSHI好開心, 因為幾過幾次都是在尖沙咀的...比起尖沙咀, 銅鑼灣的位置一般及裝修不及TST的高檔次, 但去到了都試下啦.
好新鮮的海膽, 價錢也很平$30
三文魚, OK
吞拿魚腩,新鮮
黑豚肉, OK
炸雞軟骨, 好正結論係, 如果未食過MONSTER SUSHI的朋友都可以試下架! Other Ratings: Taste 5 | Environment 3 | Service 4 | Hygiene 3 | Value for Money 3
Recommend 0 |
今晚友人本來想食豚王拉麵, 點知去到先知星期日休息 諗住轉去baby café, 落到去見到monster就係隔離, 友人話想食呢間多 d, , 7點左右黎到唔使等位, 入面燈光昏暗, 唔係好多客, 都有好多位剩, 我地選左order枱, 一邊係長長sofa 位幾好坐, 點食物的剔紙仔都有好幾張, 都幾多款喎 我地叫左呢幾樣, 佢嘅飯偏酸少少, 但又無上次食峰壽司的咁酸, 我都係鐘意元氣壽司飯嘅味道, 較合我口味  鰻魚壽司 $26 – 睇圖見有大塊鰻魚即叫, 入口肥美軟熟, 壽司飯上面的鰻魚本身已沾左鰻魚汁, 我覺得如果食呢個鰻魚壽司唔夠汁係會好失色, 呢個ok帆立貝壽司 $35 – 帶子鮮甜, 其實好多收咁上下價錢的店都食度呢個質數, 所以唔算太特別 (呢度另多有款珍寶帶子壽司, 貴d我地無叫)濃汁火炙三文魚壽司 $18– 一般, 食唔出咩濃汁, 就係普通一件燒左面的三文魚 幸好都係腩位都夠肥美.黑松露吞拿魚腩鵝肝卷 $42 –上面的粉紅色係吞拿魚蓉都幾新鮮, 吞拿魚一般都係無咩特別味, 再上面黑色果 d 就係黑松露醬, 都係唔多覺有咩香味食得出, 成件最出係芒果味, 令到整件卷都有淡淡芒果香味, 好 fresh , 如果中間的鵝肝醬改用煎香的鵝肝粒效果一定更好, 而家鵝肝味唔係幾出.蒜香厚燒牛舌 $35 – 每件牛舌都占左薄薄粉醬炸過, 睇見個樣好似炸到乾爭爭咁, 同一般的燒牛舌唔同, 心想可能叫錯左呢個了, 一咬落去, 錯了, 原來裡面好淋, 有肉汁的, 加埋個面脆脆地, 好好味喎, 伴碟仲有少少蟹柳同生菜, 正呀 !  黃金烤蠔 $28 – 叫左一隻試下, 係面個汁真係金黃色, 先試個汁酸味同咸味剛好, 唔錯, 食埋隻蠔, oh….太老了, 有點鞋, 唔合格整體呢講, d飯酸左d有少少搶左食材的味道, 唔做咁酸會較好, 但唔可以再比呢次酸, 再酸就會變成難食 ; 而且無元氣的飯咁軟熟, 飯還是微涼的; 食味整體唔算太出色, 價位略貴元氣少少. 但款式係頗多, 都可一試. 
 汁好味但蠔肉鞋Recommended Dish(es):
蒜香厚燒牛舌 Table Wait Time: 0 minute(s)
Date of Visit: Aug 05, 2012 Spending per head: Approximately HKD101(Dinner) Other Ratings: Taste 3 | Environment 4 | Service 4 | Hygiene 4 | Value for Money 3
Recommend 0 |
我order 了幾碟壽司，D 餸都幾好味～～但係 D 壽司飯太酸，令我覺得整體唔好食～希望管理層可以留意下係咪有呢個問題出現。。。 by the way, 我覺得個環境幾好，幾靚，唔逼～～ Table Wait Time: 0 minute(s)
Date of Visit: Jul 20, 2012 Spending per head: Approximately HKD100(Lunch) Other Ratings: Taste 2 | Environment 5 | Service 4 | Hygiene 4 | Value for Money 3
Recommend 0 |
上星期先食完MONSTER SUSHI, 今個星期已經忍不住再要去多次. 同樣都係BOOK定位穩陣點...7點半準時到達, 今次唔同上次門口已經一大班人真係幸好有得BOOK位. 上次食過既鰻魚壽司今次再ORDER同樣肥美可口, 另外佢地一款特別推介既螢光魷魚+甜蝦壽司估唔到味道都唔錯, D魷魚味道都幾鮮甜. 
Table Wait Time: 0 minute(s)
Date of Visit: Jul 12, 2012 Spending per head: Approximately HKD150(Dinner) Other Ratings: Taste 4 | Environment 4 | Service 4 | Hygiene 3 | Value for Money 3
Recommend 0 |
約咗舊同事飯聚，想食壽司又想坐得舒服，因為大家都開 OT 所以就去咗 Monster Sushi 食 9:30 消夜時段。我同舊同事都鍾意食鰻魚，所以先點咗鰻魚壽司，這裡的鰻魚特別大件，肉質肥美，醬汁燒得好食，所以叫了4碟，滿足一下胃口。 三文魚壽司同芒果三文魚腐皮壽司都係水準之作，這裡的三文魚砌得夠厚身，好有啖啖肉的感覺，而芒果三文魚腐皮壽司有芒果、三文魚、蟹子加腐皮，各樣材料加埋食落好夾好味，無剩食腐皮壽司咁齋。 蝦膏甜蝦壽司都係每次嚟到必食，甜蝦同蝦膏夠鮮味，加埋蝦子脆卜卜嘅感覺，混合一齊就好食。 軍艦三味係我另一至愛，蟹膏味道濃郁，一食就知係靚嘅蟹膏，好多地方食到的蟹膏都會腥，這裡有鮮味，加埋毛蟹肉一起食，正! 另外兩件係酸辣三文魚配八爪魚及吞拿魚腩配海膽，一碟壽司有6種味道，抵食！ 海膽壽司都好新鮮，唔會有腥味，而軟殼蟹壽司炸得香脆，但賣相及味道就一般。今餐食得好滿足，之後重傾左成個鐘先走，藉得一提就係店員隔一陣就黎加茶，呢個位都加左唔少分 
蝦膏甜蝦,三文魚
軟殼蟹, 鰻魚
鰻魚壽司,海膽
蟹籽沙津Recommended Dish(es):
蝦膏甜蝦壽司 Table Wait Time: 30 minute(s)
Date of Visit: Jul 06, 2012 Spending per head: Approximately HKD160(Night Snack) Other Ratings: Taste 5 | Environment 5 | Service 5 | Hygiene 4 | Value for Money 5
Recommend 0 |
每天到午飯前就是最最最苦腦的時候，除了帶了飯的同事外，大家應該都好有同感，公司附近雖然都算是多選擇，但在分秒必爭的1個小時內要行到那間店、吃完、及回程返到公司實在趕到有點暈 @_@ 好彩今天無須我操心就有同事提議吃透心涼的日本嘢！Let’s go! 哦，原來係 Monster Sushi，都好呀，今日咁熱食啲寿司呀、魚生呀都好，我一看餐牌的第一頁就即時決定叫魚生飯定食，爽呀！同事則叫左個火炙吞拿魚腩丼+烏冬定食，我重笑佢好似餓到冇食早餐咁喎…哈哈哈！ 我個魚生飯先到，重跟左沙津、小食、蒸疍、甜品同麵豉湯，都唔少嘢喎！魚生飯睇落啲餸好似多過飯，重唔係比啲平價嘢喎，有凡立貝、吞拿魚、三文魚、赤貝定馬刀貝之類、甜蝦、希靈魚、海膽同我愛吃的玉子，總括兩個字『新鮮』、『好味』、『足料』，當我食完個沙律同、小食後同事個餐送到，不其然地叫了一聲『嘩』這個是二人前嗎？個火炙吞拿魚腩丼同一鍋烏冬係正常 size 的份量黎，絶對唔係少少碟頭的，我的目光被那個火炙吞拿魚腩飯吸引著，嘻嘻，當然就試了一大啖，很香的日式麻麻醬、蔥粒同紫菜加埋個好有咬口的日本飯真係好好味，我見佢個烏冬成鍋上出哂煙好似煲住咁，料方面有蟹柳、半熟疍、大蔥、甜豆、野菌同埋一隻蝦天婦羅，但同事話個烏冬湯底帶少少甜味就比女仔食啱啲……佢重話女同事真係可以兩個人一齊share食呢個餐呀！最意想不到係重要平過我個魚生飯定食10蚊喎！？呢餐真係有啲覺得我哋响度食緊晚餐定食呀！ 呢個午餐真係令我哋身心都好滿足呀，由於吃得很飽的緣故，今天是以晨運的步速行返公司添 
Recommended Dish(es):
午餐定食 Table Wait Time: 0 minute(s)
Date of Visit: Jun 26, 2012 Spending per head: Approximately HKD98(Lunch) Other Ratings: Taste 5 | Environment 4 | Service 4 | Hygiene 4 | Value for Money 4
Recommend 0 |
First to Review: 
%2C%20%E4%BD%86%E5%8D%BB%E6%9C%89%E4%B8%80%E9%8B%AA%E5%A3%BD%E5%8F%B8%E7%99%AE%2C%0D%0A%E5%B9%B3%E6%97%A5%E9%A3%9F%E9%96%8B%E5%90%8C%E5%8D%80%E7%9A%84%E4%B8%80%E5%A3%BD%E5%8F%B8%2C%20%E4%BD%86%E8%A6%81%E7%AD%89%E5%88%B0%E5%8D%81%E9%BB%9E%E5%BE%8C%E5%8D%8A%E5%83%B9%2C%20%0D%0A%E4%BB%8A%E6%AC%A1%E6%9C%89coupon%2C%20%E8%A8%88%E8%90%BD%E5%8F%88%E5%A5%BD%E4%BC%BC%E5%B7%AE%E5%94%94%E5%A4%9A%2C%20%E5%B0%B1%E8%A9%A6%E8%A9%A6%3A%0D%0A%0D%0A%E8%B5%B7%E5%88%9D%E8%A1%8C%E9%8C%AF%E8%B7%AF%2C%20%E5%8E%BB%E5%B7%A6%E6%90%ADlift%2C%20%E5%8E%9F%E4%BE%86%E6%90%AD%E6%89%B6%E6%89%8B%E9%9B%BB%E6%A2%AF%E4%BE%BF%E5%8F%AF%0D%0A%E6%97%A9%E5%B7%A6%E5%88%B0...&screenshot=http%3A%2F%2Fstatic3.orstatic.com%2FUserPhoto%2Fphoto%2F3%2F2PY%2F00JCO44305CD4FA66ADD9As.jpg "Share with Messenger")
