36
10
4
Exit A, Causeway Bay MTR Station
continue reading
Introduction
滬江大飯店歷史悠久，食物用料講究，價錢相宜。 近百年來，上海一直是萬商雲集，備極繁華的國際大都會；各地名廚薈萃，飲食業異采紛呈。廣義的上海菜涵括鄰近地區省份，蘇杭、甬、揚、錫‧‧‧‧‧‧各菜無所不包。屢經改良，乃有青出於藍的成就。滬江飯店繼承上海菜兼收並蓄的傳統，順應今日香港時代潮流的要求，去燕存菁，捨短取長，以新姿態新作風面世，選料必用上乘，製作務 求精美。
continue reading
Good For
Group Dining
Opening Hours
Mon - Sun
11:45 - 16:30
17:45 - 23:00
Above information is for reference only. Please check details with the restaurant.
Signature Dishes
Recommended Dishes
記得這裏好久未來，地方寬敞開揚，2:00pm來到, 全場已無客人，再坐半小時，才有2人客到。 本想單叫，但樣樣都話冇，連銀絲卷都無，因為少人光顧，不會做咁多食品，套餐就有，而且抵食，2人套餐＄308，還有9折，即叫即到，一碟緊扣一碟上枱。 雞絲粉皮，鎮江餚肉，粉皮爽滑過雞胸絲，餚肉無失敗。薺菜肉絲豆腐2碗，肉絲幼，味清淡，豆腐滑，筍絲爽，料足夠。彩椒炒蝦仁（可轉別小菜）轉腰果雞丁，熱炒，腰果多而香脆，味宜雞嫩。糖醋魚塊，粉薄肉厚，青红燈籠椒，好椒香味，各有各新鮮，糖醋酸點醒胃，有交侍。花素蒸餃， 菜腍，皮笠。酒釀丸子，酒糟無味，有柑桔肉，算加點色彩及香氣。 飽餐一頓，小菜有剩拿走，晚飯再食都無變其味！
continue reading
男友話好想食家鄉菜，拿拿林上openrice 搵幾間比佢揀。佢話2021 第一餐要食好啲，於是㨂左位於利舞臺「滬江大飯店」中午来到，入去大廳，大把枱任坐，我哋兩個人座六人枱，呢刻覺得開食店真陰公。一心來吃點心，原來點心種類不多，點左幾款點心都無，幾令人失望。其中兩款冷盤鎮江肴肉$98不像平時的水晶肴肉，這個肴肉花紋也很美，呈現大理石花紋，只可惜沒有水晶部份，口感如吃瘦肉一樣，我吾識欣賞。上海烤麸$80基本上都吾會點差既冷盤，不過用料和份量略少，味道ok 的。小籠包$52熱辣辣好味，肉香湯汁足，皮略厚。成餐最好食嘅點心蔥油餅$50即叫即炸，超熨口，裏面嘅蔥油炒得好香，好惹味，香脆可口。前菜炸花生$30茶錢每位$15全單九折$170如果淨係想食點心唔建議去呢度，銅鑼灣仲有好多吾錯選擇，而且價錢比較貴。
continue reading
把握尾班車既機會食大閘蟹，果然無令人失望😋價格合理，味道直情食過返尋味‼️佢有提供大閘蟹餐，但因為我唔食翅就決定散叫.♦ 大閘蟹(約五兩) ⋆ $280隻大閘蟹望唔算好大隻，蟹膏嘅份量係合理嘅。但係！佢嘅蟹膏真係超好食✨入口既第一啖已經食到好甘香既膏味。而白色嘅蟹膏比例亦相對地高 好正！而呢度係會幫你拆埋蟹～整體服務都唔錯.♦ 蟹粉小籠包 ⋆ $160皮唔算好薄不過食落好滿意。佢嘅蟹粉味唔係好濃，而係甜甜地，味道清新嘅蟹粉味，我都幾鍾意呢個口味.♦ 蟹粉籠仔粢飯 ⋆ $110一籠細細籠，其實係一人份量。不過食咗咁多蟹粉，一人試少少share都夠嘅。呢個粢飯拌埋蟹粉都算係呢餐大閘蟹以所最鍾意嘅一道菜。個人認為係必點嘅！.♦ 蟹粉豆苗 ⋆ $420相對上呢個菜就比較貴，吩咐佢用嘅蟹粉真係好足，豆苗試係滿滿嘅蟹粉🥰邪惡但係好滿足.@fatpet_natalie
continue reading
今年又想吃大閘蟹，上網搵完，覺得衣度個餐，菜同價錢都啱。坐低先食蟹粉翅，算足料味道唔錯，跟住飯同豆苗，份量剛好唔太油，之後上蟹粉小籠包，有少少蟹粉，可接受。跟住主角出場，店員可幫開埋，蟹膏算多，幾滿意。最後薑茶湯圓，唔係太甜。
continue reading
又到了食🦀嘅季節，唔知大家食左大閘蟹未呢🤔今年試了位於利舞臺嘅滬江大飯店的大閘蟹套餐，價錢適宜，味道還不錯😜🌺 食物 4/5👉🏻 清蒸大閘蟹🦀蟹都唔算好細隻，蟹膏超多，蟹肉都好鮮甜😋蒸之前侍應都會先拎蟹過來俾客人過目係咪新鮮，蒸完後侍應仲會幫手拆蟹，令我哋食得好方便👍🏻👉🏻 蟹粉魚翅一上菜就聞到濃郁嘅蟹味，🐟翅嘅份量都算多😊👉🏻 蟹粉籠仔粢呢個係最值得推薦的菜式，也係我嘅最愛😍或者係我第一次食蟹粉糯米飯，蟹肉和蟹黃再加糯米好似配搭得好好，總覺得好香口😂👉🏻 清炒豆苗豆苗好嫩、好爽口😜👉🏻 蟹粉小籠包蟹粉小籠包就感覺足料但沒太大的驚喜😊整體來講呢個大閘蟹套餐都好滿意，最後仲有薑茶湯圓，因蟹性寒，飲薑茶可以祛寒😉
continue reading