唔知執筆之時，呢間野收檔未呢？

飲品來的時候，問侍應是甚麼，居然答唔知喎，
佢行去問過整飲野那個，
不過，在座各位一飲就知係咩，
因為所有所謂"特飲"都係特別難飲的東西．

而公司三文治，究竟佢地知唔知咩叫做公司三文治架？？

豉油雞比，用刀界開，有血的，不是剛剛未夠熟，
是只有表面層皮係熟的！
同侍應講，仲好似唔多信咁，
跟住侍應拎返去"叮"熟再俾我，
但已經唔想再食．．．．　


點解評分無零分呢個選擇???

之前我有班朋友都話呢間野係勁差,叫我千祈唔好去. 講野其實唔係好大聲, 但係d waiter 都會'shu', 叫你細聲d, ! (癲ga...)
但有一次, 我唔知係咪撞左邪, 竟然醒唔起, 向第二班friends 提議去呢度食啦, 咁大家都冇所謂, 咪去左囉.
話, 一睇餐牌, 己經覺得間野唔係路,
好冇禮貌, 大大隻字寫明話淨坐要收五十蚊.
睇到己經覺得好想作嘔, 間野好low-class, cheap到震.
再睇d野食啦, d野食名都ok吸引既.
我地叫左個餐, 轉左d特飲, 但要補d差額.
我地都OK既.
話, 但所謂特飲真係超難飲! 杯杯都係糖水加人做色素. 飲左一啖既我, 就諗住, 是但啦, 捱左佢啦.
等左超耐, D野食終於黎啦!
我果個係咩磨菇汁咩咩煙肉咩扒咩飯咁啦
個名好靚, 但個飯就真係------XXXARREARERL:LK:l:re:l:!!!!
d汁係金寶湯黎ga囉!
飯又少, 塊扒係你平時去茶廳食扒飯既其中一塊扒既四分三! 煙肉先勁, 得兩塊, 每塊約2cm x 4cm! 連我個friend係個食量不大既女仔, 都話食完要出去再掃街... 但個飯係要四十幾五十蚊ga囉.
以呢d價錢食d 咁既貨色, 真係背脊骨落.
食到咁唔滿意都未係高潮!
當我飲我杯特飲(名為特飲可能係因為杯野係"特"別難'飲'囉)第二啖時, 終於定唔順.
咁我就有禮貌地叫個waitress, 唔該比杯水我. (我諗住倒落杯野度, 自己沖淡佢啦.)
但佢竟然用一個好突然, 好不滿, 面部扭曲咁話: 吓! 跟住就轉身, 拖慢步伐, 上身pair下pair下咁, 帶有不滿地行去拿杯水比我!
我真是從未見過這樣差的waitress喔! 間直眼界大開!
我衷心希望呢間野快d摺埋. 想折磨自己既, 我勸你地一定要去試呀!
(我下面既分數真係比多佢ga啦)

有次試過同成班同事去食晏,點知佢全部都係細檯(只可容納3人一檯),唯有分檯坐啦!
由於係午飯時間,所以個個都係叫set lunch貪佢夠快。點知間餐廳無論廚房定樓面都唔夠人手!死催爛催至到齊6個set lunch, 但係時間已經所剩無幾, 唯有快D將D食物族落肚。不過由於食物本身都唔係咁出色, 所以都唔使o徙時間慢慢嘆..... 至於環境, 只係酒吧格局加做午飯, 無特別。
唉, 食完呢?覺得好o徙錢....