31
4
4
Exit B, Kowloon Bay MTR Station
continue reading
Opening Hours
Mon - Sun
11:00 - 23:30
Above information is for reference only. Please check details with the restaurant.
Recommended Dishes
今日有突然飯局~開心過後覺得總要有一個小甜品作一個美好的完結~喺呢頭真係唔知掟~所以上網搵下有乜好介紹,最後搵到呢間開夜少少~入到去坐左個門邊位,之前食得飽飽地,但望下望下個餐牌~又發覺有點胃口~!哈~!發現女孩子真係可以開通好多個品嚐唔同食物的胃~!!呢到D甜品唔算特別多款~左搭右右搭左咁~~我最期待佢地D心太軟~我地去櫃枱買單再等佢送過黎~等得好辛苦先等到所有食品到齊合照~!心太軟 - 我個人覺得蛋糕外層厚左少少~切開後朱古力漿唔夠流心~幸好兩者都唔係太甜~我中意比較黑朱古力~!!忌廉窩芙火焰雪山 – 外層的忌廉打得唔夠企身,燒過之後好快就塌了下來~窩芙出品唔算太出色~唔似係自己做(大會話係自家製)~整體加埋不過不失~蕉糖牛奶布丁 - 蕉糖味唔夠蕉糖,入口就似一般的蜜糖,牛奶布丁真係好重牛奶味,撈埋一齊入口感覺太過甜蜜了~!海洋味乳酪 – 寶貝點的海洋味乳酪,青青藍藍的几特別,入口就覺得似酸酸咸咸的~就似係咸柑桔的味道~噢…好怪呢~寶貝最後要加些糖漿先可以完成呢~!原味乳酪 – 嗯~可能佢的原意都係要加一D其他配料一齊食,所以淨食的話感覺帶了咯甜的味道~我還是比較中意較重酸味的~甜品的話我覺得重點除了係美味之外,亦要食得開心~!用心可愛的擺設同裝飾實在會加上好多開心分呢~!!我最欣賞這似係自己做的大好象杯子~!店舖本身冇洗手間設備~要解手的話要去商場的洗手間..要行到鬼咩遠.辛苦了總括黎講...算係個坐得舒服唔錯的KILL TIME 好地方~!!
continue reading
老公生日，今年無點預備，慶幸屋企樓下有小飛象，同老公渡過甜蜜幸福的生日。感謝店員的幫助及用心，朱古力心太軟十分好味，絕對值得推介! 可惜如此用心小店快將結業，大家快來試試吧~
continue reading
👍美食推介ｰ小象酪工房👍今日去試食呢間甜品下午茶，先講下佢嘅裝修係以得意嘅小象為主題，而且店內比人感覺係好寫意好休閒嘅cafe,一入到去覺得好舒服好relax😊跟住講下佢嘅食物，我叫左個心太軟加乳酪雪糕，極度推介佢嘅乳酪雪糕，因為佢嘅乳酪雪糕同我地係街買十幾蚊100g個啲好唔同，佢好香奶味，口感好滑，而且仲係低脂添！而佢個心太軟口感好鬆軟，最重要係絕對流心同埋暖嘅，完全唔會又凍又硬骨骨又唔流心！ 值得一提嘅係佢地嘅杯係小象造型，真係好cute😍值得一試👍👍
continue reading
以前去喝茶經過呢間店，門口隻大笨象公仔次次都吸引我目光，搞到我好想知賣咩。上幾個禮拜終於特登會一會。叫左士多啤梨泡芙班戟海洋味乳酪、朱古力多士盒原味乳酪同埋窩夫。講班戟先，質感比較硬，味道係香所以如果班戟再軟d就perfect。兩粒泡芙好好食，d忌廉好滑。海洋味乳酪，叫果陣唸味道應該係咸咸地。黎到有d嚇親因為d顔色比我想像中更藍。食落無也味，食完個口先有d咸味。陣味唔似海水，好怪，覺得麻麻地。之後多士盒，好脆，好好食，仲有煙。點埋朱古力醬有陣酒香味。原味乳酪唔夠乳酪味，無乜味，唔like。最後窩夫，比較脆同薄d，加埋糖醬好香總結，班戟同窩夫都好食過乳酪。乳酪無味。
continue reading
全家福($56，三款乳酪配三款配料)，每日有三種唔同口味，今日係原味、焦糖哈蜜瓜、海洋の味！原味，呢度既乳酪唔係好酸😳，好岩1號中意食乳酪又怕太酸。焦糖哈蜜瓜，味道都唔錯架，甜甜地又有哈蜜瓜既香，不過就唔係好濃。海洋味究竟係咩味⁉️就係少少鹹既味😗，食落真係有少少海水味😂，仲要為左配合海洋而係藍色🔵，幾得意！配料推薦爆谷同糯米滋🙋，前者夠焦糖夠甜，後者夠煙韌😋。SIZE仲可以揀小象($27，一種味配一種配料)、大象($42，兩種味配兩種配料)，而家買大象杯以上既杯仲有個得意襟章送😍，好可愛。仲有好多陶瓷小笨象杯！窮遊指數：7/10好味指數：8/10
continue reading