18
12
23
Introduction
妹仔記是一間港式糖水鋪，主要提供以各種燕窩制作甜品，如椰皇燉燕窩、杏汁燉燕窩及燕窩湯丸等。
continue reading
Opening Hours
Mon - Sun
12:00 - 02:00
Above information is for reference only. Please check details with the restaurant.
Signature Dishes
去完永安便想找一找個地方食甜品.見食來食去都係佳佳,所以便走過對面試一試妹記.店員十分熱情地示意我們先入去坐才決定食咩啦.甘我一心想食燉奶食品. 所以我好快就搵到姜汁燉奶而友人則叫燉旦.我的燉奶很快便被送上. 我一食...無奶味亦無姜味. 最重要係表面係微暖, 中間是冰凍我馬上問店員為何是凍及為何沒有姜味的, 他說甘同你整熱得啦?! 我再說我要的是熱姜汁燉奶, 而唔係燉奶WOR. 店員只說整返熱就得 我便堅持不收貨.店員說甘你叫其他野啦. 甘我便以為選最安全的杏仁茶便無事啦.點知, 杏仁茶係一碗杰身到同杏仁糕一樣. 而最要命的是, 又係微暖... 感覺十分嘔心.見朋友的燉旦食了一口便沒有再食之後, 我們決定付款就走.走後我完全感受到甚麼是"舌尖上的浪費"廚師是要用心利用珍貴的食物去做出美食給客人.而食物是應該受到合適的處理才上台可惜以上的兩點都沒有做到而我跟友人只好失望地離去事隔數天, 嘔心的感覺仍在....所以不得不把事情呈上
continue reading
今日下午約了我的保險朋友在佐敦見面，傾下我蝕緊50%的強積金可以點做，原本我提議去Starbucks, 但佢話佢公司樓下有間甜品店的下午茶幾好，又坐得舒服，叫妹仔記燕窩。在永安百貨隔里。我當時心想：在他公司下面，如過佢要我立即簽什麼東東咪好近佢！哈哈 去到附近，已經見到雞啦禁大個招牌及落地玻璃的店。日光日白30幾度熱到傻左，同朋友入到去，好彩有卡位。問侍應有什麼好食，有個（應該是老闆）的男人過來，極有禮貌問我們有幾肚餓先，我話食了lunch啦，淨想食小小野，佢好有心機介紹了幾款下午茶套餐，然後我就叫了其中一個特惠套餐。朋友就叫了杯西瓜汁。個餐HKD34, 包4樣野：1）白菜豬肉餃 ／ 瑞士雞翼 ／ 多士 ＋ 一杯飲品 （可算西瓜汁 或 羅漢果茶）首先來了份多士，我要了羅漢果茶，個羅漢果茶夠濃有香味，吾似一般的食店為了慳皮會溝到好稀。仲有小小似我之前去台灣高雄的那間茶店一樣味， 我問那個疑似老闆招呼我們的，是什麼牌子，好想買番屋企飲，佢好友善話是秘方。那我當然沒有再死縴爛打下去啦 之後來了瑞士雞翼，有3大隻，問心，我覺得好得！！ 如果太平館的瑞士雞翼餐要HKD140 （8隻），甘佢呢度應該可以值最小HKD50！！當然我不應該甘樣做比較，因為太平館賣的是隻體回億明星效應，但我真的無諗過在呢間妹仔記會食到俾我呢種感覺！之後的白菜豬肉餃也是不錯的，皮薄得來有彈性，不會煮到過時皮會鬆會過稔果種。好滿足的一個茶餐！我原本想再叫甜品但真的好飽了。下次會再來試它的甜品的。明顯地，這間店的老闆是用心經營的。讚一個！
continue reading
晚上和朋友過海去銅鑼灣食辣蟹. 食完辣蟹後, 口又乾又渴, 突然好想食凍野. 但十一點幾, 銅鑼灣附近唔知邊度有得吃甜品, 所以還是诀定揸番車出佐敦揾甜品食. 在佐敦兜了幾個圈, 看見這間甜品屋裝修得很特别, 裡面的枱椅很有古色古香的味道. 於是便入去試一試. 這碗雜果涼粉似芒果涼粉多d, 雜果只有, 火龍果, 西瓜和一件奇異果. 芒果雖然切得大大件, 但有點酸.這碟榴槤香味撲鼻, 薄薄一層的綠色班戟皮包住榴槤蓉, cream 又不會過多. 所以咬落口淡淡榴槤質感而不會被cream 遮蓋. 食落香口, 不錯.紅豆夠沙, 有小小陳皮味. 但百合和蓮子不多. 而且有點稀. 但味道OK, 不太甜.
continue reading
4月18日同同事食完晚飯話要食糖水,我地就周圍搵下,搵到呢間,入去發現原來係食燕窩為主架喎,不過我地都係叫番普通糖水,西米露,涼粉呢d,有一個同事叫左榴槤pancake,話個皮好綠,入面d榴槤佢話好ok,但我覺得真的好大味,因我唔食榴槤的,所以好臭!!我叫左雜果涼粉,都好大碗的,味道幾好,都夠凍同埋多款生果,有芒果肉及汁,西瓜粒及哈蜜瓜粒,火龍果,奇異果,芒果都甜呀,西瓜及哈蜜硬左少少,但都甜的.其他同事分別叫左芒果西米露,燕窩芒果盅,薑汁撞奶,木瓜海底椰,榴槤pancake. 講下燕窩芒果盅,係半雙芒果切左個核出嚟,跟住放d涼粉及燕窩入去,下面有一些西瓜及哈蜜瓜粒的.同事話味道都幾好,同埋好特別,不過其實燕窩係冇咩味的,但都好欣賞的呀! 其他人的大多都係覺得唔差的
continue reading
晚上11:30, 附近食肆比較靜, 唯獨甜品店勁多人。芒果布甸: 唔甜、有芒果甜味, 但布甸無乜特別, 還覺得有粉唔均勻 。芒菓涼粉: 芒果有甜味, 涼粉得個硬。兩款食品食後無乜難忘回憶。
continue reading