96
13
7
1-min walk from Exit N2, Tsim Sha Tsui / East Tsim Sha Tsui MTR Station
continue reading
Telephone
27212302
52902122 (Whatspp)
Good For
Casual Drink
Opening Hours
Today
12:00 - 02:00
Mon - Sun
12:00 - 02:00
Above information is for reference only. Please check details with the restaurant.
About Reward Scheme
Signature Dishes
Recommended Dishes
🔸Biergarten🔸🔆酒吧非常近港鐵出口，而且巧有氣氛，我哋今次book左位，所以有得坐全餐廳得2個的酒桶位，我哋幾中意依個位，私隱度幾高，同朋友可以暢所欲言。而且佢地嘅Happy Hour仲要做到8點😱，放左工都趕得切啤啤佢！🔆Hefe Dunkel HH$66🐭對啤酒認識唔係好深，唔敢扮專家評論。但啤酒好易入口，順滑，覺得幾好飲。而且咁大杯都只係66蚊，酒吧價真係抵！🔆Bitburger Alcohol Free HH$42就算去到酒吧唔飲酒，都可以揸住酒杯盡興！都一樣有好濃小麥味，味道同普通啤酒無太大分別。🔆Mixed Sausage Platter(雜錦腸仔拼盤) $188依個Platter一共有4款腸同1條酸瓜，都係啲常見嘅德國香腸，唯獨係...咦？雞尾腸？點解你會係到😂 雖然唔知係唔係見識小，有啲驚訝雞尾腸嘅存在，但普遍啲腸都唔會太咸，但又幾送到酒。切成一粒粒，好適合一路吹水一路食。🔆Brezel (紐結麵包) $28麵包上到枱熱辣辣，食落口煙煙韌韌，好有咬口，有小小焦香味，配埋牛油。🐭覺得好好食，有想買幾個翻屋企嘅衝動。🔆Cordan Bleu (藍帶雞排) $210Cordan Bleu係用雞胸肉捲住火腿同起士，再拎去炸。一切開雞排，入面芝士就流哂出黎。食落雞胸肉略鞋同乾，而且調味唔係好夠，芝士亦唔夠咸香。而且依個價錢份量有啲細。🔆Pork knuckle w/ potato dumplings and bavarian cabbage (德國豬手配薯仔球&酸菜) $238食德國菜嘅重頭戲就梗係食豬手啦！豬手外皮唔係太脆，反而係煙韌口感。成隻豬手都好大隻同幾多肉，味道鹹鹹香香。不過佢有啲位都幾硬同幾韌，扯唔開！😂旁邊嘅薯仔球就唔係好食得慣，好勁麵粉味，唔係太中意。🔆Pizza Biergarten Style (招牌Pizza) $128個Pizza 上到枱係好靚嘅金黃色，一睇就知落左好多芝士。餅底係薄身個種，亦比較軟身。配料主要就係火腿同巨量芝士，食落偏鹹，即刻要飲多2啖啤酒。🔆總結係氣氛好，食物份量普遍都大，價錢幾抵，味道就尚可啦，係志在有間酒吧傾下計，飲下酒。🍺🍺🔆Pleasure指數（滿分5粒🤩）🐭小姐：🤩🤩🤩+0.5📌地址：尖沙咀河內道5號普基商業中心地舖
continue reading
尖沙咀超有氣氛德國啤酒屋，啱曬Happy Friday🍺🔻德國鹹豬手 💰218 +10% ➡️7/10豬手烤得好脆，不過選料唔算太好🤔豬手嘅肉有d位硬到咬唔到，豬皮都有d位硬到食唔落，本身切得太大舊，自己要慢慢切返，Overall有啲失望😕不過啲薯蓉好香濃，有小小奶香，都幾上癮😆🔻炸豬扒 💰188 +10% ➡️7.5/10炸豬扒都係歐洲嘅做法，將豬扒錘扁，超大塊嘅豬扒同薄薄嘅面衣，自己擠檸檬汁搭配食用，都幾酥脆紮實😋不過淨係俾左檸檬，冇俾到其他醬料，最後食到好單調😗配菜焗薯仔送酒好正😍🔻Draft beer💰88 ➡️8/10 德國酒吧嘅啤酒肯定唔會差啦，各款肉菜，配上大大啖啤酒，啱曬Happy Friday🍺👅味道：7/10💡抵食：7/10📌環境：7.5/10
continue reading
喺香港都想感受到喺德國豪飲啤酒🍻,大咬豬手香腸嘅氣氛🍖?尖沙咀呢間Biergarten實在係我心水推介~喺Google Map到搵到佢時已經覺得勁正,忍唔住要去試下~我係超級鍾意食呢隻包🥨!連佢嘅同名餅乾都好鍾意~呢度嘅包真係外皮韌韌地又硬硬地,但入面勁鬆軟~仲要暖笠笠上檯♨️,搽啲牛油就好好食🧈~我哋食到7788想encore時,已經賣晒了...清清地叫返個Chicken Breast Salad🥗~佢嘅沙律份量都幾大,而且啲菜好新鮮~烤雞肉好香,又唔會過老🐔~呢個Cold Cuts and Cheese Platter亦都好大份~有多種不同腸仔選擇,亦有好香油脂味嘅salami,啲芝士粒都好香濃🧀~嚟呢度其實應該飲大杯啤酒,但佢竟然有自家製Mulled Wine🍷!秒轉軚😂😂飲住杯熱辣辣嘅Mulled Wine~令我好有返咗去德國嘅Christmas Market嘅感覺🎄🎅~佢玉桂味同橙味都好香,煮過嘅酒唔會太嗆喉,如果仲有真係必試!呢間店真係好正,我而家仲好掛住佢個Pretzel,期待再嚟幫襯😍
continue reading
Happy Hour in German Style呢句野用嚟形容今日嘅Happy Hour就真係perfect ，因為今日去幫襯左呢一間位於尖沙咀嘅老牌德國酒吧餐廳， happy hour梗係要飲番呢度嘅德國啤酒啦，我哋兩個人一個飲德國好出名嘅Bitburger，不過因為要揸車，所以揀咗0酒精嘅Bitburger Drive，呢隻0酒精啤酒嘅味都真係好似啤酒，今次真係可以千杯不醉。我個friend就揀咗另一隻larger，都係德國啤酒，Konig蜜糖啤，飲落去真係有少少蜜糖味。認真講，啤酒真係要飲德國嘅。
continue reading
女友同我慶生, 想飲啤酒又想試新地方, 就揀左呢度. 餐廳分兩邊, 一邊係高枱高櫈似酒吧, 一邊係大梳化大枱似餐廳, 我地坐餐聽嗰邊. 一共只有6張枱, 但每個位都好闊落, 坐得非常舒服, 係度睇波應該好正. 我地係黎歎啤酒既, 呢度裝修真係有幾分似德國啲Biergarten, 樓底高, 兩排長長既天花吊燈增加左空間感, 裝飾唔係華麗, 似屋企客廳多啲, 感覺好舒服, 梳化很大, 我地兩人可以並排坐. 對面有兩個酒桶形既卡位, 好有特色, 但入面睇黎有啲焗促, 都係留番俾鍾意打卡既人啦. 啤酒先點一杯Konig試下($66, 0.4L), 因為侍應話Bitburger再苦一啲, 飲落味道好豐富, 其實都唔苦喎, 仲甜甜地, 可能因為用高腳杯上, 或者餐廳夠凍, 我地食左個半鐘, 杯啤酒都仲係冰凍既, 呢一點非常好. 前菜我地點左Beef Gloulash薯仔牛肉湯 ($68, S), 炸金文畢芝士 ($98). 呢兩樣係今餐最滿意既. 如果你都係牛魔王, 牛肉湯一定會滿足到你, 真係啖啖都係濃縮, 澎湃既牛肉味, 仲有好多牛內, 薯仔粒, 香料味就係咁易有啲, 唔會搶左啲牛味. 炸芝士係一小餅芝士包左面包康去炸. 女友係芝士控, 今次真係命中要害, 好味到不得了. 佢炸到外脆內軟, 唔好睇佢一大舊, 入面啲芝士係有少少creamy質地, 味道都係有奶味既creamy cheese, 一啲都唔溜, 唔油膩. 點埋個紅莓醬就更清新了. 主菜點左脆豬手($228)同維也納腸配沙律($105), 維也納腸一碟三大條, 真係好長好壯觀既, 味道就冇乜特別, 就係煙分味既, 質地比較滑既豬肉腸, 唔係特別濃味, 唔知道另外兩款腸會唔會特別啲. 之前睇menu話有幕尼黑白腸(小牛肉), 唔知點解依家冇左. 炸豬手好多人推介, 製作時間只係15分鐘, 可能今晚客人少. 個皮就係好香脆, 好有水準, 肉都好多, 我地用左好耐先食得晒. 配菜有德國酸菜, 真係好酸, 我覺得冇某連鎖德國餐廳咁好食, 另一款配菜加錢轉左german pasta, 係好清淡既意粉, 只有小麥既淡淡香味, 可以解豬手既油膩, 意粉仲要切到好短一截截, 用湯匙食都得. 因為食物點得太多, 冇胃口飲第二杯啤酒了, 有啲可惜. 最後讚下侍應既服務都係唔錯既.
continue reading