58
31
14
Opening Hours
Today
15:00 - 01:00
Mon - Sun
15:00 - 01:00
Above information is for reference only. Please check details with the restaurant.
Signature Dishes
Recommended Dishes
咁啱食完之後諗住打返個食評，發現未有更新。依家已經轉咗做甜得喜。首先去到因為未抹枱，叫左3次先抹得到全張枱，成枱糖水倒瀉都係就咁抹一下，仲直接放咗個Menu 上去其中一次仲不明所以放低左隔離枱舊紙巾比我地之後走左🙄衛生有待改善😅椰汁黑糯米芋薯雙圓芋圓我覺得比較硬身，未係好理想；湯圓正常；甜度唔算好甜ok👌🏻; 芋頭太硬唔ok😅糯米同埋椰汁係OK嘅👍🏻整體嚟講，真係有待改善😅特別員工態度😅
continue reading
紅磡老字號街坊糖水店 定期返嚟試試佢哋水準 繼續都係咁多人排隊.⭐️牛奶台式刨冰$40 上次22年 賣緊$34🥲每次都會叫呢個尖塔咁高嘅沙冰賣相幾吸引 食嘅時候會驚佢冧樓旁邊有仙草 芋圓 豆腐花 紅豆刨冰主要甜味來源都係煉奶👌🏻仙草 幾滑 👌🏻紅豆👌🏻芋圓 好咬 👌🏻豆腐花豆味重 唔太甜適合夏天食佢 勁消暑.⭐️豆腐雪花冰$45呢一個甜品對比上面 份量唔多但係有驚喜 豆味好重 雪花冰幾綿 入口即溶豆腐味甜品真係冇得輸🤣小丸子 都好咬 軟熟 旁邊有西瓜菠蘿.#hkfunfoodrecord窮遊香港#hkfunfoodrecord_紅磡.#潤一潤甜品屋 (紅磡)地址：紅磡湖光街1-7號聯成大廈地下10F號舖.⭐️評分：味道：3.5/5環境：2/5 都幾迫服務：2.5/5 上次服務1分 今次2.5 回歸正常抵食：3.8/5..#飲食 #美食 #優惠 #抵食 #hk #food #hkfood #hkfoodie #foodiehk #hkfoodblogger #hkblogger #hkfoodies #香港美食 #食評#香港旅遊 #黃埔美食 #黃埔必食 #紅磡美食 #紅磡必食 #週末好去處 #土瓜灣必食 #土瓜灣美食 #甜品 #刨冰 #芋圓
continue reading
唔少餐廳因為農曆新年而休息，就連自己一直都想試嘅陳公館都唔例外😣，所以沿路搵其他甜品店，最後嚟到呢間農曆年期收加一嘅糖水舖。桂花綠豆仙草配芋薯雙圓$49普通仙草都會配紅豆，但小店就配綠豆，兩款屬性都偏涼，一定好下火😂不過，其實唔駛擔心會涼過頭，因為仙草好細舊😐食落幾滑，但偏甜。綠豆沙加入海帶絲同埋我最愛嘅臭草。芋圓三色口感煙韌，但食唔出芋/地瓜味。黑芝麻湯圓有三小粒，芝麻味濃，甜度可接受。另外仲有舊芋頭同雞蛋黃，用料豐富。熱喳咋$22由於屋企人唔中意椰奶，所以揀左加花奶。喳咋質地杰身，但唔係因為豆爆開嘅沙沙口感，而係店家加左西米，西米嘅澱粉令喳咋變杰，食落似埋左芡，我地麻麻地呢個質地😶。楊枝甘露$35小店用上大西粒，食落幾有口味，整體味道正常，但由於最近喺粉嶺聯和墟食左一碗幾高質嘅楊枝甘露，比較之下呢個有少少遜色。牛奶桃膠椰皇燉奶$49齋睇個名都覺得好滋補😏燉奶啱啱熟，好滑溜，奶味唔算好濃，甜度適中，我見好幾位食客都點佢。
continue reading
😋 行過湖光街，肚子叫囂，望見一間食舖門口排隊嘅人龍，心諗必定有珍寶，就加入等待嘅行列。排了唔算太耐，終於輪到我喇！啱啱入座，店員小姐就推薦了四寶台式牛奶刨冰。首先，紅豆香甜而不膩，仙草又滑又涼，豆腐花嫩滑得嚟保留咗豆香味。芋圓呢，煙韌得黎，就算唔夠哂芋頭味，配埋甜甜嘅煉奶，一啖入口簡直好過癮！🤤 就算溶晒，都要把剩下嘅湯汁一哂而光。可能佢啲冰塊有啲粗獷，冇到雪花刨冰嗰種幼滑，不過呢個真係小問題。份量方面，兩三個人share都綽綽有餘，食到好滿足！😌 呢間店嘅食物係都好正，希望下回黎，價錢唔好又升咗啦。大家如果想搵個地方食個甜品解饞，真係可以嚟呢度坐坐，感受下呢份甜蜜大滿足。
continue reading
今天初次到訪，叫左兩個楊枝甘露外賣。等左二十分鐘，曾一 度想取消唔要，店員一直話「就有」、「整梗」，等了又等，最後店員先話冇西柚，要轉小丸子。無西柚的仲係楊枝甘露？無又唔係落單時講。最後抱住嘗試心態一試，個楊枝甘露根本只係芒果西米露加小丸子。個底唔係芒果汁，只係西米露溝水，完全無味。小丸子亦係無味既粉團。唯一「可取」係有幾粒浸過糖水既芒果。補充：間舖話自己幾日前接手。結論：出貨速度極慢，味道差，非常失望，不會再試。
continue reading