14
5
7
6-min walk from Exit A, Causeway Bay MTR Station
continue reading
Opening Hours
Mon - Sat
12:00 - 16:30
18:00 - 22:30
Above information is for reference only. Please check details with the restaurant.
上次冇卜定位滿座了, 今次卜了位也是安排了坐門口位不過都要坐啦....鬼叫我想試咩聽說老巴剎很多名人都會來光顧, 這晚真的巧遇少年食神是晚點了炸大腸/ 海南雞飯/ 肉餅/ 沙巴雪餅特別點評:海南雞 (半隻)配沙鍋飯煲海南雞配沙鍋飯煲再配調味料: 蔥、酸辣醬汁、甜豉油嘩! 一上菜~ 好震撼呀好大鍋飯, 好香好香, 只知道有薑、蒜、另一種說不出是什麼東東海南雞飯精髓在於油飯, 這個完全成功了! 超香之餘, 不油膩, 若加以甜豉油及蔥粒, 嘩個飯已經滿分而海南雞點一點甜豉油, 味道香嫩, 雞肉很滑下次要再跟一班朋友們來吃先得
continue reading
5034 views
自報章報導過前政務司司長唐唐愛於灣仔「老巴剎廚房」包場，與高官好友嘆紅酒之後，肥肥家族一直都想去見識一吓 。舊年年尾，機會終於黎臨，大食會剛剛成立，會長就搞咗一圍去試傳聞中o既「高官富豪飯堂」。「老巴剎」喺小肥公司附近，故不時都會經過其半磨沙o既玻璃門窗，每次總覺得佢神神秘秘咁，今次步入餐廳，方才發現其室內簡單o既格局及嘈雜o既環境與一般茶餐廳無異，真係估唔到班高官同富豪都會幫襯囉 ，唔知同牆上多張奬狀有否關連呢？！我地張十二人枱就喺店中央，大家入座後都動彈不得，就連樓面伙計想服務周到啲，埋去更換餐具都過唔到，真係好迫。會長已經黎過幾次，同女店長都好熟落，更一早寫下菜單，當中多款菜餚必先預訂，才能享用；好奇怪，餐牌上並無列出價錢，難道係海鮮價 ？！ 咖哩角：當晚周圍都塞車，好多人都遲到，包括肥肥家族在內，早到o既成員就叫咗幾款小食，一路食住等，咖哩角係最後上o既一味。三角形o既咖哩角呈金黃色，光澤得黎毫不油膩，皮層脆薄，餡料一啲都唔溜滯。 醉酒鵝肝：醉酒鵝肝質感幼滑軟嫩，淡薄o既酒味甘醇，淨食已覺超級美味。法式香煎鵝肝同潮式滷水鵝肝都係小肥喜愛食品，原來「老巴剎」凍食o既醉酒鵝肝都一樣咁好味，三款可以話係各有千秋 。 手拆蟹肉凍豆腐：碟豆腐真係好凍，感覺就好似啱啱喺雪櫃攞出黎咁，而且都幾細碟，唔怪得知十二人要兩客。喺底o既凍豆腐粒嫩就夠嫩滑，不過個日式芝麻醬味道較淡，舖面o既蟹肉鮮甜味欠奉，且肉質偏嚡，難免會惹人懷疑為急凍貨色 ！ 馬來凍鮮魷：小肥都係第一次見到砌返原狀o既鮮魷菜式，仲要咁大條，真係幾震撼；大肥亦不禁讚嘆鮮魷「樣靚身材正」 ，勁搞笑！白滑o既鮮魷件鮮甜爽脆，一啲都唔韌，輕輕點上辣椒豉油已覺惹味，大人細路都啱食 。 蒜泥白切肉：從相片其實都可估得到，外貌不甚吸引o既白切肉又嚡又乾，就算點上再好味o既蒜泥汁醬都難以補救 ！ 豉香炒蟶子皇：雖然豉香味道唔錯，但可惜蟶子皇被炒得過火因而變得又老又韌，真係少啲牙力都食佢唔到！ 紅炆龍躉翅：小肥怕骨，所以無試，只係聽到友人略嫌碟餸唔夠熱同鑊氣。 咖喱牛坑腩煲：「老巴剎」出名食牛坑腩，咖喱口味共三款，分別為白、黃、紅，會長點咗唔辣o既白咖喱同黃咖喱；小弟不嗜椰油及咖哩，碟餸主要都係試牛坑腩。兩煲坑腩不但充滿咖喱汁，就連配料都多過主角牛坑腩，我地十二人都只係啱啱好夠每人一件 ！集厚韌於一身o既牛坑腩可以話係大失所望，不過好在份量咁少，唔係真係會有機會浪費食物，都幾諷刺！ 手拆鮮雞配黑松露蛋炒飯：濕濕地o既黑松露蛋炒飯香味撲鼻，但入口卻欠缺鹽味。分開上o既手撕雞肉肥膏盡失，就連最神聖o既雞皮亦不見影踪 ，實在過份健康！雞肉軟熟，但又帶點嚡口，而且淡而無味，配黑松露蛋炒飯食，如果唔加上任何醬油，效果可以話係淡上加淡。 炒時蔬：芥蘭鮮綠爽脆，但係每人一著已經清碟，十二人比咁o既份量似乎吝嗇咗少少wor 。 沙巴雪餅甜品：餐廳只供沙巴雪餅作甜品，食客可選荔枝或芒果味。餅如其名，第一口已覺甜品如雪般凍，如沙般粗，微甜o既味道雖尚可接受，無奈口感並不討好，不吃也吧！$4,888另收加一o既一席十二人餸菜，就算係普通一間酒樓，小弟都絕對抱有更高o既期望！「老巴剎廚房」擁有茶餐廳o既格局及擠迫o既座位，除咗服務生態度欣勤有禮，所提供o既食物唔算認真高質優級，仲要配上膠造餐具用膳，其獅子大口級價錢當真誇張得很，恐怕真係要富豪先識欣賞囉！
continue reading
老巴剎在灣仔道，小店外貌，但供應的菜式一點也不小。 食呢啲： 醉酒鵝肝 蒜泥白肉 黑白胡椒中蝦 鹹魚煎肉餅 油浸筍殼 黑白胡椒牛脷芯 黑白胡椒羊腩湯 薑汁炒芥蘭 原煲海南雞飯 （半） 雪餅 嘩⋯⋯點解叫咗咁多嘢？我都唔知點解。 醉酒鵝肝，非常醉，建設將啲餅放埋一邊，就咁食好好多。 蒜泥白肉賣相十分好，兩個汁都好味，不過同平時的白肉唔同，呢款似豬頸肉多啲，不過都幾爽口。 胡椒三味，（其實唔係真係三味，但唔知點解叫咗咁多胡椒嘢），不過只有味羊腩湯有濃濃的胡椒味，而且好重薑，超級驅風，亦冇羊羶味，鬼咩，真係好多薑囉。胡椒中蝦，蝦幾新鮮，不過呢個做法唔係用瓦煲焗住有一堆胡椒甕住嗰隻，所以胡椒只係用來調個汁，吊個味；牛脷芯，一般，可以唔叫，日本串燒牛脷好食啲。 鹹魚煎肉餅，一切開就好大陣鹹魚味，好香口，好食。 我覺得最好食係條魚，油浸筍殼，未見過兩斤重的筍殼，老闆娘話係馬來西亞運來，新鮮咁話。老實講，點都係凍鮮啦，條魚好厚肉，炸完出來仲好juice，加埋個豉油汁，真係骨都食埋。 來到名物環節海南雞飯，煲飯好香，好多香茅，不過飯偏硬，而雞方面尚算肥美，但味道平平，都係要靠跟飯嗰幾個汁同黑色豉油。 估吓呢餐幾多人食？ 答案係 5個！ 呢度唔收開瓶費，樓面好多服務員，招呼好殷勤，值得一讚。
continue reading
朋友推介此店，一直未有機會來，今次第一次來，已有多樣食品想試試。一口氣點了七樣食品。醉酒鵝肝，酒香加滑鵝肝，味道很配，可惜有些少根，而且配餅乾有點怪。如果配薄薄的荷葉餅可能更佳。炸豬大腸洗得夠乾淨，但有點韌，不夠大排檔那麼好吃、未夠香脆。馬拉醬大蔥炒牛冧肉，牛肉夠腍、馬拉醬冶味，牛肉夾著䓤吃，送飯極佳。䓤油雞的雞身不是腍的，有點咬口，似走地雞。蔥有點生, 个人喜歡䓤熟一點。蝦干菇絲炒椰菜似家庭小菜，勝在火侯夠。薑酒豬潤湯，酒味夠，加上薑，驅寒又暖胃.峇拉醬撈粗麵，醬香、加爽口芽菜，簡單又好味。吃剩的全打包，又可解決多一餐！
continue reading
已經不是第一次到老巴剎食飯, 當初第一次試當然是因為唐英年都在此處開P, 一試後我的食神爸爸亦合口味, 之後間中的家庭聚會都在此訂位。餐廳外表非常平凡、非常街坊, 而且地方很細, 但食物卻有特色。附上是晚預訂餐單供參考。個人最喜歡的菜色, 包括:- 醉酒鵝乾跟餅: 酒香加鵝乾香氣實在一流- 香煎牛脷芯: 肉質嫩滑, 煎得香口味美- 黑白胡椒炒蝦球: 很香而且賣相很好- 沙巴雪餅: 最值得讚賞的甜品, 介乎於雪糕與雪巴之間, 口感很好, 很喜歡荔枝味道夠清新。我們有問到做法, 回家後曾嚐試跟做, 味道還可, 但口感有差別!
continue reading