話說,之前經朋友介紹知道呢間WAKO BAR 係LUNCH時段有午餐定食,咁岩今日係尖沙咀行街,所以就以嘗試心態上黎試試。

大約1點左右上黎,見到有2~3枱係度食緊野,之後俾員工安排坐左係卡位。一睇餐牌,發現原來呢度既LUNCH除左燒肉之外,仲有和食定食供應,我地2個人,我叫左超值御膳一人前,另外我朋友就叫左個和食一人前(刺身三點盛+角切魚生飯)。

落左Order之後無咩野做,咁就周圍望下個環境,都尚算舒服,我仲發現左牆上有好多相,就問服務員,原來係呢間鋪既特色,只要你肯對鍚20秒,俾職員影一張即影即有,就可以得到一碟愛情豚,不過最終我都係無玩到。

大約等左10分鐘左右,野食就送左上黎。

首先,燒肉定食份量尚算OKAY,有3種肉,每款有3塊(牛,雞,豬)仲有個三文魚+鯛魚刺身,沙律,蒸蛋同麵豉湯,都係$78咋。跟住到和食一人前,刺身三點盛(三文魚,鱆紅魚,甜蝦)+角刺魚生飯,價錢都係$78。

味道方面,刺身尚算新鮮,燒肉對比附近燒肉店感覺比較好。

最後有甜品食,係雪米籽,呢個普通左少少,不過係夏天食就幾岩食。

為慶祝表姐的生日，特意挑選平時少去的餐廳，當然亦都因為幾位表兄第姐妹都已經投身社會工作中，所以價錢方面都可以多Ｄ選擇～從朋友口中得知呢間＂和幸＂鐵板燒既食品都唔錯，而且自己又未試過自己鐵板燒，所以結果就揀左呢間一試～結果都覺得係無揀錯既～

宅女喜吃日本菜, 反而在香港吃日式燒肉的機會就比較少, 原因不外乎就是怕肥和貴吧. 但每次去日本都總會找1-2次機會去吃吃看, 尤記得數年前在名古屋和當地的一位朋友在家小小的燒肉店不理價錢的狂點狂吃, 再灌上不少沒酒精啤酒, 真是痛快極了! 埋單每位也只是數千日元, 非常划算. 但在香港地, 吃一次日式燒肉不便宜, 所以宅女一般只能耐不耐才吃1,2次. 正好這天和大爺約會, 大家都想不到吃什麼之際, 宅女提議不如吃燒肉, 大爺又竟然沒反對, 便趁機開懷地吃一次吧.香港的日式燒肉店其實也不算少, 不過普遍來說都屬中等價位. 宅女也曾吃過好幾家, 感覺量少又貴, 印象都不太好. 這次選的這家和幸燒肉是宅女預先徵詢過幾位友人的意見後才決定的. 這家和幸除了銅鑼灣, 尖沙咀也有分店. 而我們因為身為九龍人當然是去後者了. 餐廳就位於THE HART那座大廈內, 找起來不算困難. 晚上6時多左右來到, 店門打開但人好像不太多, 眼看周圍只有1-2枱食客, 可能是時間尚早吧.餐廳地方都算幾大, 內裡多是4人爐的方枱, 也有半開放的梳化卡座, 還有些BAR枱高座. 望一望外邊還好像有室外的座位, 用的是炭火爐來燒, 相當有風味呢. 我倆被安排坐在卡座那邊, 環境都幾舒適的也不會太迫. 不過宅女坐的位置正正會面對面望到對面卡座的食客, 難免會有點尷尬. 而店內的牆壁上都貼滿了不少親咀照片, 聽說是這裡的特色, 如果能讓店方拍一張親咀照就可以免費得到一碟牛肉了. 不過未說完大爺巳不斷灑手擰頭的拒絕, 說太害羞不想這樣拍....
我們甫坐下, 侍應便問我們要不要喝點什麼. 但由於宅女餐牌都未看完, 便說等一下先來2杯開水吧. 店員隨即送上2杯水, 但過了一會才走過來說原來開水一杯都要HKD$10的!! 聽罷真的非常驚嚇, 只是開水一杯也要那麼貴, 而且送水來之前也完全沒有告知, 真的非常不甘心, 馬上跟店員問個清楚. 幸好他們也明白事理, 最後那2杯水就沒有收費了. 不過大家下次來時真的要問清楚才讓他們送水來.餐桌上早巳擺放了幾款調味料和小吃. 調味料分別有蒜泥, 蔥花粒和燒肉醬油. 小試了3種的味道都偏重一點, 宅女個人覺得如果燒得好吃, 基本上不沾調味都巳經非常好吃, 所以整頓飯就把這3款調味擱置一旁. 前菜是小魚乾, 入口不脆有點硬, 味道帶點甜, 對開胃沒作用, 反正就是普普通通.
看看餐牌, 這裡主打當然是各式各樣的燒肉, 當中比較高檔的有黑毛和牛, 也有牛小排, 牛肋骨肉等等, 當然不能缺的是這裡的招牌 - 厚切牛舌了. 每碟價格由HKD$69-128左右不等, 仍算可以接受. 如果不吃牛的也有不少選擇, 例如有日本黑豚肉, 羊肉或雞肉等. 而除了燒肉類, 這裡也有不少熟食, 如各類海鮮料理, 鍋物跟石頭飯等等, 甚至是來吃火鍋都有, 可謂相當多選擇.
宅女跟大爺只有2個人, 胃口有限但三心兩意的又想樣樣都試試. 幸好發現原來這裡也有幾款燒肉的併盤選擇, 當中有黑毛和牛, 有海鮮, 三款分別是HKD$288, HKD$328跟HKD$498, 豐儉由人.
最後決定點了個特選肉盛 (HKD$288)這個特選肉盛內裡包含了5款肉類, 包括黑毛和牛胸腹肉, 特選牛肋骨肉, 日本黑豚五花肉, 岩塩薄燒牛舌和味噌手羽先. 一碟內有黑毛和牛有豬有雞, 真的可以試到幾款不同的肉, 點這個併盤也挺方便的.
而每款肉類都有5片, 件頭不算很大但無論厚薄大小仍屬正常SIZE. 手羽即雞翼, 夾起來有5件, 但其實每件都是一隻雞翼切半出來的, 所以整件計的話其實只有2隻半的份量. 不過其實這碟併盤份量看似不多, 但因為所是肉類吃起來有點漏, 所以2個人吃巳經很夠了.
不說不知, 其實大爺燒肉是有一手的. 所以這一刻就由他來作個人表演吧!爐面其實都夠大, 而且火都幾猛的, 所以第一輪燒出來的肉比想像中要熟一點. 但掌握到火喉, 到第2輪燒出來的成品便像樣得多了. 先試的當然是黑毛和牛胸腹肉, 吃起來肉質軟棉, 肥脂沒想像中那麼多, 也當然沒有在日本吃的那麼鬆化, 不過厚薄適中一片放入口, 那份肉香和焦香交融著味道仍是非常好的.
再來特選牛肋骨肉小小的一片巳預先用醬汁來醃過, 也同樣只需燒個十多秒就可以放入口. 肉質依然柔軟非常, 感覺味道較黑毛和牛的肉更入味, 不同沾任何調味料巳能吃出那份肉香.
日本黑豚五花肉較為薄身, 有點透光的程度, 不過放在爐燒幾秒巳很快變熟, 最適合沒耐性的大爺享用. 五花肉肥脂跟瘦肉比較勻稱, 燒出來邊位帶焦, 入口肉質又想不到幾滑不會鞋口, 雖然較薄但仍能吃出豐腴口感.
味噌手羽先以一條條切半的雞翼淋上大量味噌上來, 這個就要燒耐一點, 等個廿多秒燒至邊位都帶點焦就可以吃了. 雞翼燒出來皮香又脆, 加上帶點味噌味道咸咸香香又幾惹味.
燒肉之中宅女最愛吃牛吞, 這個併盤內也有5片岩塩薄燒牛舌, 夾起來真的幾薄的, 所以只需燒約十秒左右變色就可以吃了. 入口肉質十分彈牙帶爽, 味道調得也剛好不會好咸.
整體來說這份燒肉併盤的確是不錯. 我倆吃完整份就剛剛好也十分滿足了.
岩鹽厚切上等牛舌 (HKD$88)其實吃完併盤都巳夠滿足了, 不過想起友人極力推薦這裡的厚切牛舌, 說來到這裡是必點的菜色, 便點一份來試試看. 上來一碟都幾多, 厚厚的牛舌切成長條狀, 都有約8條左右. 看看份量其實都夠2-3人來分享. 但其實大爺是不吃牛舌的, 所以是夜宅女獨霸一整碟.
由於這款牛舌較剛才的厚身, 所以燒的時間要較長一點. 初時還拿不準火喉, 所以燒第一塊時燒了十多廿秒, 看到表面變了色便拿來吃, 怎料中間還是生的. 後來大爺教路把牛舌一件件的放在爐邊不太猛火的地方慢慢烘熟, 不時番番看, 等個大約45秒左右便可以拿來吃. 入口果真是外帶焦脆, 內裡的肉是剛剛熟還帶點粉紅色澤, 肉質爽得來又彈牙, 而且厚身來吃實在來得非常滿足! 雖然獨吃8件真的是有點膩但最後好吃得仍是全部清光光.
和風芝麻蕃茄沙律 (HKD$38)吃了那麼多肉類, 總要來點蔬菜才像樣. 所以叫來這個沙律清新一下. 一碟份量都幾多的, 蕃茄大大個巳切成一片片的堆砌放在中央, 賣相又幾別致. 蕃茄本身十分大個, 不過未算是很厚肉那種, 切成薄片入口佢算幾多汁的. 配上底下的沙律菜和青瓜片同吃又的確幾清新. 大爺雖然平日不太愛吃菜, 但面對吃了那麼多肉的情況下, 有這個清新一點的菜來平衡一下油膩感也不錯, 難怪上來不一會就被我倆幹掉了.
芝士明太子海鮮石燒飯 (HKD$88)雖然口裡說很飽, 但大爺沒飯下肚總是感覺欠了點什麼似的. 所以又點來個石頭飯試試. 原來份量都幾多的, 看到芝士滿滿的鋪了在飯上, 非常吸引. 由於石鍋非常熱, 侍應叮囑我們不要摸到那個鍋, 隨即替我們把飯攪拌好再剛好分成了2大碗.
飯內混了些小柱和雞蛋絲等等配料, 但反而最普遍的蝦又不見影蹤. 而芝士本身亦混入了不少明太子, 所以全部攪拌後吃起來口感仍算是豐富的. 當中的醬汁很夠, 而且芝士味香濃, 明太子味道雖然不算好突出但仍可接受, 吃起來多了幾分惹味. 整體算是OK好吃的, 只是配料有點少, 而且飯身有點太濕了.
埋單加一後2個人要HKD$580左右, 吃得十分飽.
食物大致都不錯的, 肉類質素都算是合格有餘, 熟食方面也可以接受.
店員雖然未算十分熱心也欠笑容, 但起碼手腳都算快而且也有禮.
感覺在港吃一次燒肉不便宜, 這家無論質素價格仍是可以接受的.

又食又飲，當然有老闆請。先說環境，我地七個人，有間房俾我地。如需要服務員用木棒敲擊一下有人來，服務員都好勤快。評：魚生拼盤，不過不失，因為呢道主食燒， 新鮮都OK，不過D魚生唔夠肥。7／10評：呢碟牛肉拼盤， 好美味，不同部份，最好味係牛肩，肉質及顏色新鮮，不用燒全熟，有點血先有肉味。＄498 有人請說OK，如果自己俾就真係貴左D， 9／10。評：新鮮海鮮，蝦，一口一口肉，加上他們有三款汁（甜，蒜，LEMON），8／10評：一口芝士，正！！！熱騰騰的芝士絲!！！！！9／10評：飯團＋湯漬，食下比較淡口，不過不防一試，因為飯團好好味。評：清酒，勁易入口，不知不覺間，飲左兩支。10／10評：梅酒好甜，每人都飲左1.5 杯， D唔飲酒都可以試下。9／10評：燒酌，比較難入口，同大陸的48﹪酒精無咩分別，所以叫左一支，我OK既。7／10

總評：坐得舒適，食得招積。服務好NICE，因為我地有兩位朋友飲醉左，又俾定TISSUE同膠袋我地上車用。

三五知已約埋一齊食晏
一行人本身諗住去飲茶
剛路經此地見到有LUNCH食,價錢又不是太貴,抱住一試無訪心態就試下啦!!
上到餐廳已見到有其他客人用餐,
入座後感覺環境尚算不錯,仲有個露台,店員話係炭火燒好特別,睇下有咩食先選擇都很多,經店員介紹後,我地最後揀左D燒肉餐同埋和食餐,
食物未到前無聊自拍中発現好多即影即有相店員同我地講呢D相係公司特色,
無論一PAIR人或一班人祗要你感親(KISS)我地就感送(牛肉)既宗旨,
所以全餐廳每個角落都癸現Ｄ即影即有相,佢地仲話情人節當晚會送埋張相比你做留念好SWEET食物終於黎啦,唔講啦開動刺身Ｄ肉好肥美,店員跟我們講解Ｄ肉要用大火去燒先可以鎖住Ｄ肉汁,千其唔好番黎番去.D牛肉好JUICY,入口即融(正)種類多不過如果可加入海胆更加正,可能我太貪心估唔到Ｄ份量竟然同相冇分別,製作相當用心,值得一讚.

最後仲有雪榚食,冇乜特別所以冇影相,
最後店員仲比Ｄ意見咭我地填,冇野講一個字正,–定再黎試埋過野晚(露台)
食飽飽埋單走人.....

和幸吧
開心聚會露台吧！
日式燒肉太流行了，成行成市！
但小弟情有獨中呢間，好有feel, 飲下食下，一樂也。
叫了一個四人餐，底食。有質素，有份量。
包了四支啤酒
有刺身并盘 - 魚肥，蝦靚
好多火堯肉
招牌厚切牛舌 - 爽口
和牛 - 油花均勻 入口真係溶喎！
唔知乜牛- ok 好食，牛味濃
大蝦 - 鲜，爽
蠔 - 鲜甜
豚 - 正日本豚，厚切，肉質爽嫩，有汁
雞 - 汁味好特別，肉嫩
原隻鱿魚 - 牛油味
和牛粒稻庭udon - 大大粒和牛
飽滿，大滿腹！

雪糕...完美句號的一餐！

經Yahoo團購買了4張團購券,每張$198, 星期六要加$49服務費及$30茶芥, 限時9:30pm-11pm我於9:20分到達,表明團購訂位後,即時安排入座.侍應5分鐘後拿4式前菜來(有玉子豆腐,辣味螺肉,麻醬豆腐同埋枝豆,每人一款),另每人有一沙律菜.

肉類於9:40左右才端上2 set食物(見圖),我地四人不停燒不停食,中途都無放慢手腳. 食物味道無乜特別, 都係一般貨色.爐頭一係好大火,一係校慢了就要比較長時間才燒熟食物.大約10:50分,侍應走埋來提我地,仲有幾分鐘夠鐘,話如果繼續燒, 要俾番正價.咁我地問未燒完既食物會點,佢答話會收走, 我地唯有係咁燒係咁燒,不過最尾都剩咁大盤食物(見圖).我地埋單後,2個侍應走過來問我地意見,問做乜咁多食物剩低. 我地話見佢地2個人係1個爐,4個人又係1個爐, 個爐又細(直徑無1呎都無), 又限時1.5小時(仲要食物唔係準時送到), 其實係燒唔到幾多, 我地已經無追加任叫的食物. 之後其中一個侍應聽完之後好似好突然, 話"吓?你地無追加食物都剩咁多? 我地話其實食唔飽架, 不過你地話繼續燒要收正價,我地唯有埋單囉.

由於團購見到好似幾吸引，138加一就去試下兩個人去食，之前book左位唔駛等，一去到坐低佢就揼波鐘(限個半鐘食)，等左成半個鐘先有野燒，牛肉ok夠簿多汁鴨胸普通不過其他食物就冇水準，雞同豬淡而冇味超市貨色縮水牛油帆立貝，南瓜同粟米唔啱燒勁乾最後慘到要慢火再用番帆立貝d牛油同燒汁用心去慢慢燒先好食最後結論不如自己屋企整仲好食

甜品奶凍ok,有奶味不過未夠滑同香雖然團購咁平未必好食係正常，正價可能好食，但係食過印象唔好已經吸引唔到我再去試

去到看見餐牌選還不多,最終選了拼盤牛舌及牛肉,味道非常一般,不過是自己燒的,所以就當我燒得不好吃,之後再沒有點選燒的食物,選了一個飯及一個湯烏冬,飯的味道太辣又濕,湯烏冬的牛腩一口咬下去,果然肉汁鮮甜,因為全部都係血水,又齦,湯底更十分鮮味,因為味道是我們非常熟識的出前一丁一樣,不過佢唔係我地食開既麻油味,而係豬骨湯底品味.其實都無乜所謂,反正我地都係試啫,我地4個埋單八百蚊都唔算貴,不過好似無食過野咁囉,講咗咁多,我最欣賞一點,就係我們並無訂位下,佢都很樂意比位我地.我們食了一個多小時,發現真的不用訂位的,如果大家想找一家不用等位的餐廳,這一家都是一個好好的選擇.順便可以欣賞全新撘枱設計,最終我們再戰老麥,那時候發現都麥真的不錯.

幾個月冇去，估唔到水準差咗咁多！因有腰患， book 位時己講明唔坐 bar 枱，當日 staff 來電 confirm booking 時，也comfirm 唔係 bar 枱位，點知上到去竟然要我坐 bar 枱，又話已經 fully booking ，冇得轉枱？俾佢呃咗上去！如果唔係約咗 friend, 真係會即刻走人！坐到我條腰鬼咁痛！
最衰仲係 d 食物水準一落千丈，厚切牛舌完全冇味，一口牛冇牛味，唔新鮮，雞亦仲淡味過煲完湯d 豬肉，牛肋骨只合格，冇咗以前嘅鮮味！
d 梅酒冰多酒少！ 2 個人食咗 $860.00，勁失望！相信同樣價錢，不難找一間水準較佳食店！我以後都唔會再約d friend 上去！