7
7
3
4-min walk from Exit C, Kennedy Town MTR Station
continue reading
Opening Hours
Mon - Sun
07:30 - 23:00
Above information is for reference only. Please check details with the restaurant.
继续系西環揾食，今天午飯就去到堅尼地城尾站。1. 無味精餐湯 - 青紅蘿蔔豬骨湯：夏日炎炎夠清甜，又濃又香；隔離個位人仕直情帶埋個暖壺打包走。2. 豉油皇肉丝炒麵：好吃的不易煮呢。炒得太肥膩吾得，太乾身又難下嚥；依碟炒得刚好，炒出的麵带有豉味香甜，微甜的豉油（醬油）均勻沾上每條炒得乾身的麵條，簡單樸實。而肉丝夠滑吾柴，配上洋葱、芽菜，好有口感。點上辣椒醤，潻加了酸辣味，迎上芝麻香，胃口又给打開，大注吃下，酱香四溢，面条爽滑弹牙，好快就滿足了口福之慾！
continue reading
芥蘭炒生牛肉??此間小厨以前都經常來，最近少。今晚再食，服務及食物令人好失望。入座叫了兩個小炒，等了差不多30分鐘都未出菜，全店不足5張枱。問問幾時出，答案是"炒緊"。之後出嘅芥蘭炒牛肉，有四五件牛肉竟然是生的。埋單前叫店員睇睇呢幾件生牛肉。無任何反應。去柜面埋單，店員話: 已扣咗。一句唔好意思之類嘅客氣話都無？乜態度?老實講，如果我太太唔覺意吞咗落肚出事，點算?!感覺極之不爽!
continue reading
完成工作時間不多又去試下茶餐廳先之前中午行過 好多人都食得津津有味一於去馬依間有收加一 服務都幾好有熱茶飲 唔係度度會有依度小菜都賣精緻既不過就無得加錢轉套裝全部散叫金牌鹽焗雞(3.5/5)都幾滑既 同埋有薑蓉(少油 香滑)所以叫左個飯跟餸鴨脾煲仔飯(2.5/5)有成隻脾 又有飯焦算係咁啦不過油鴨脾就略嫌咸如果減淡小小就非常perfect 因為得2個人試唔多不過隔離枱食既粟米斑塊 薑汁炒芥蘭 同埋老闆推介既乳鴿 睇落都好yum yum我想繼續同你食好味味既就好似美食風球咁不斷jap jap jap
continue reading
唔知同歷史有無關，喺卑路乍、爹核士、吉席等等「英」魂庇蔭之下，西環尾特別多西洋美食，亦有唔少洋人鍾意喺呢頭hang out。今日行行吓堅彌地城，咁啱見到匯寶呢間港式小炒，價錢都算貼地，仲有室外座位！甚好，即刻坐低先。由於唔係太肚餓嘅關係，所以只叫咗兩樣嘢。先嚟肉碎蠔仔泡飯，勁大碗，應該夠四個人食。最好係大得嚟亦好足料，蠔仔唔會話得兩三粒，舀極都有，仲要圓卜卜好飽滿，讚！肉碎亦係長舀長有，湯加咗芹菜同冬菜，走潮州路線，正！入夜感覺凍凍哋，嚟個熱辣辣嘅乜乜煲就最啱。揀咗豬膶啫啫雞煲，豬膶係厚切嘅，啤夠水，煮得啱啱好，咬落幾爽脆。至於雞件就斬得碎咗啲，肉質較硬同埋食多幾件覺得鹹。有得街邊大排檔炒兩味就梗係好正啦，不過呢啲有得坐出面，有啲裝修嘅小炒店，其實都有另一番風味嘅！
continue reading
香港地，帶着小毛孩想搵一間餐廳食飯都係一件好困難嘅事，尤其係想食中菜，今日行過堅尼地城，見到有一間小菜館有戶外坐位，已經有兩、三枱客人帶著毛小孩來用餐🐶，天氣咁好坐outdoor好舒服。今天想食D濕濕地嘅野，叫咗個蠔仔泡飯熱騰騰，蠔仔每粒飽滿，湯飯加入香芹、冬菜及肉碎，提升咗湯的鮮味。出街食小菜點都要叫個煲仔菜，因為係屋企煮唔到呀嘛，叫咗豬潤啫啫雞煲，雖然豬潤夠厚肉彈牙，但D雞唔夠入味，有D硬，味道也偏咸。不過總括來講都算係幾OK,下次可以再試多D其他小菜。
continue reading