7
4
4
Opening Hours
Mon - Sun
12:30 - 22:00
Above information is for reference only. Please check details with the restaurant.
平安夜打算買兩個pizza過下癮，特登上網查資料，發現黎間兩個大批$176，諗住幾平，而且又近屋企就去舖頭買，去到舖頭，寫$160兩個大批，即刻好開心去落單，點知店員話$92算囉，都黎左費事再去第二度，局住買左一個千島海鮮薄批，一個環遊世界厚批。千島海鮮好食，個底幾脆，都OK多魷魚同蟹柳，但係好似食唔到蝦(睇返先知有蝦同蜆)，芝士分量還可以，算系值得推薦。另外既環遊世界就麻麻地啦，肉就真系唔多，睇返餐單系有豬肉同牛肉，不過本人食唔出，個底其實都幾軟下，但同另一個比似乎味道就幾一般，或者薄批會好食d。都試過其他食店既pizza，例如pizzahut, pizza box 個d，感覺黎間性價比都高既，但係個價錢就真係好亂，既然唔係嗰個價就唔好貼出黎嘛
continue reading
仲記得三年食過呢一間PIZZA店 記得當時覺得D野又幾好食... 咁岩今日搵朋友黎到天水圍,所以同佢試下呢間麥當勞形式營運既PIZZA店 實情我都唔知會食乜餐, 因為我個FD話佢自己幫我選埋食咩最後,我朋友叫左個肉醬意粉而幫我叫左個焗白汁海鮮飯成個試食埋單$36+$36=$72 但每個套餐有餐湯,小薄餅都唔錯了!! 同一般既茶餐廳既午餐價錢差唔多!! (茄汁肉醬意粉配是日小薄餅)我個朋友鍾意食茄汁肉醬意粉, 所以試下呢到既出產既肉醬意粉眼見個餐都應該相當之足料!個意粉上面有7成左右都係肉醬同茄汁 眼見我朋友將成碟清左 其中,我都有試下個肉醬意粉發覺味道一般 我個朋友講番,原來佢覺得個意粉味道一般.. 佢仲要同我講呢個意粉餐比唔上格離大快活既肉醬既意粉咁好食咁當然大快活既茄汁肉醬意粉$34凍飲要加$3,即係要$34+3=$37貴多一蚊先有完整既餐 精明既香港人你會識選既!!!食多D可以飽D,定係味道至上...??? 自己選啦.__."(焗白汁海鮮飯配是日小薄餅)講番我個主餐...個白汁真係唔錯...唔會太淡或者太咸!!! 熱力非常之平均配料同海鮮既份量十分足夠同飯既比例有50/50真係完美既比例!!!海鮮有八爪魚仔!!!真係唔錯 白汁又非常分佈得唔錯...!!!成個焗飯都COVER到真係好好味!!! 各位有機會可以黎試下呢間PIZZA店既焗飯!!!不過呢個白汁焗飯係唔錯...但唔知其他焗飯實際係點...大家量力以為吧!!! (忌廉湯)是日餐湯個湯真係唔知點講.... 基本上唔可以講佢係一個湯只係話佢只係一忌廉汁,用黎LO飯既汁.. 飲落去基本上感覺到無水份 之前做過麥當勞,仲好記得呢隻湯同麥當勞用既材料應該一樣都係杰到無朋友係汁黎,唔係湯黎 差D唔得呢到PIZZA店既套餐有送埋小PIZZA呢個配餐小PIZZA味道無咩特別...只可以話同一個小面包份量差唔多以我推測...間PIZZA店同麥當勞既套餐差無幾...而麥當勞配餐係薯條...而以一間PIZZA店係用小PIZZA做每一個套餐既配餐作用都應該一樣係用黎填飽你個肚... BTW...成個餐食埋呢個小薄餅真係好飽飽飽!!!呢個試食埋單,都係$72都市人番工食一個餐都差唔多$40左右但係要食得飽真係好難...呢個PIZZA店都幾地址都幾入...係天水圍入面...講真呢間PIZZA店都唔錯地方都幾清靜,都幾多中學生放LUNCH黎食...年青人既聚腳好地方!!!
continue reading
放假唔想出街排隊食野，所以落街買takeaway叫左個二人套餐a可以揀1個普通批、1個焗飯或意粉、一個小食同二個飲品。我揀左夏威夷批、肉醬意粉、炸雞同百事可樂。夏威夷批不過不失，菠蘿同蕃茄既比例幾好，食落唔覺得酸，口感唔錯。肉醬意粉普通，無咩特別，係入面會有埋青椒，但味道影響唔大。炸雞方面皮厚而脆，一d都唔肥，肉方面正正常常唔油膩，係熱氣左少少。overall 7/10，$115呢個價錢黎講算唔錯。
continue reading
同老豆每人叫左個皇牌套餐 大家同樣都係選擇pizza但唔明白點解可以相差咁大囉 一個有料一個冇料 咁都可以拎比客人食湯有d油 我老豆叫螺絲粉 我叫長通粉 但大家既份量係相差成一大半 真係好求其 炸雞就好厚粉 所以唔會再黎食了
continue reading
話說,星期日早上起床,突然想吃pizza,想起芝脆雞的pizza好吃,就決定叫它了10點半打過去,有位阿姐聽電話,說12點才有人返(咁阿姐你到底係...?XD 講笑XD我估阿姐意思係12點先有送外賣既返??),12點半才可以送到,沒問題嗎?我想著反正也是當午餐吃,就說OK~然後向阿姐落Order阿姐禮貌好好!其實我一向不太喜歡電話叫外賣(所以傾向KFC/Pizza hut可以網上落單),就是因為有時聽電話的員工禮貌不好...但這阿姐的禮貌要比個讚^^果然,12點半~一份A餐(2-3人)準時送到~承惠$167,當然我一個人唔會一餐食晒啦XD放入雪櫃可以食到聽日XD睇睇個樣先:大家睇相見唔見PIZZA盒右上角好多食物痕跡?因為...大蝦沙律PIZZA d大蝦跌晒過去呀><我唔係要垢病外賣哥哥，畢竟外賣有小小搖動好正常，不過，設計個pizza既時間唔係應該考慮堆送外賣會搖動呢一點架咩?><比如上面再加小小芝士黏實佢?不過小問題者,自己執返放返(影相時我已經執返上去pizza上面),當然照食無問題~PIZZA照舊好好食!芝脆雞既PIZZA我一向推薦,唔會太乾,厚但軟,口感好~而且又整得好好味~不過可能因為唔似PIZZA HUT有保溫袋,已經有些少涼了,自己家有焗爐可以輕輕焗返會仲正跟住食香蒜肉絲意粉，無乜特別，不過不失～有小小咸但可接受範圍內～小食拼盤亦唔特別，但勝在咩都有，炸得都叫好食（但你地知啦，春卷咖哩角呢ｄ，只要無炸衰，好難難食，另一方面亦好難特別好食）順帶一提以前飲過個餐湯，忌廉湯係好似豆粉水咁的。。。唔好中招呀。。。所以以後叫芝脆雞我都要可樂XD整體而言，芝脆雞一如既往，PIZZA好好食，小食拼盤同意粉一般（＂快餐丫嘛，算係咁啦＂既程度...間間都係咁啦XD又有邊間小食拼盤係堅好食丫？）P.S. 填價錢果度因為我分三餐食(本身係2-3人餐),所以我自己除左3啦XD
continue reading