8
0
0
Above information is for reference only. Please check details with the restaurant.
自從 <喜悅海鮮酒家> 改名為 <金鑽海鮮皇宮> 之後，我只有跟老闆做時做節先會嚟飲茶。適逢冬至，當然我們公司會做節！ 今次，唔叫點心，直接叫冬至美食！真是大飽口福！ 我們一行4 人，共叫咗三款美食！各有特色！由於，我無帶相機落街，只好用住部手機影相，質素麻麻地，請大家見諒！ 芝士焗波士頓龍蝦伊麵 $198嘩！睇到已經流口水！ 以錫紙包住玻璃碟去波，可保溫！ 值得一讚！未食芝士味已經香濃撲鼻！ 芝士味道濃郁不容置疑！龍蝦大大隻又啖啖肉， 睇嚟都有一斤重，老闆都好滿意！ 蝦肉非常鮮味，彈牙爽口，且肉質鮮嫰甜美！蝦肉份量夠多！斤兩十足！腳同鉗已經卜碎，容易進食！ 但係伊麵煮得腍些少， 而且份量頗多！認真夠飽肚！瑤柱扒豆苗 $88剛食完一道重口味嘅芝士龍蝦伊麵，以一道清爽菜式可中和味蕾！的確不錯！ 豆苗份量不少， 仍可保持青草翠嫰綠，食起嚟富有嚼感！配合芡汁相當惹味！不過，想講一講！酒樓用上大量金菇並切到同瑤柱差唔多長度，似乎金菇冒充瑤柱！ 瑤柱淨係一小撮！ 有搵笨之嫌！鮮飽魚滑雞煲 $98有個煲 keep 住熱， 慢慢食都唔怕！鮮鮑魚有好幾隻與大量滑雞。真係真材實料！ 鮮鮑魚有咬口！勝在夠鮮！ 雞肉略為嚡口！肯定係雪雞，缺失雞味。 好在爆得夠惹味！大家食完一件又一件！甜品：食飽飽，又係食甜品嘅時候！送上芋頭西米露西米夠大粒但係腍咗啲！芋頭幾粉！甜味剛好！服務方面：有位鼻上有粒痣嘅女待應，服務態度幾好！主動走嚟問我哋仲有無食物未上？記得之前，又係呢位女待應 serve 我哋張枱，仍保持笑容！加上我老闆係熟客，仲記得我老闆姓咩添！可能當日係冬至關係，全場 full 哂！枱與枱之間較少空間！坐得比平時迫得多！ 我見待應碌大圓枱，要喺凳與凳之間穿插，認真牙煙！
continue reading
今日難得早收工 , 和媽媽來個下午茶燒鴨瀨粉 ($13.8) 經濟又飽肚香茜牛肉腸 ($13.8) 皮滑牛肉靚上湯菜肉餃 ($12.8) 一碗五大粒湯底仲有胡椒香味檸蜜炸蛋散 ($10.8) 檸蜜帶苦又唔夠脆脆皮炸鮮奶 ($10.8) 外脆內軟奶味香滑
continue reading
**喜悅海鮮皇宮已於裝修後改名為金鑽海鮮皇宮(Diamond Club Restaurant)**微雨 晚小姨帶著小表妹到港辦事，母親怎也得請她們吃飯，於是到了這家新開的金鑽海鮮皇宮。點菜點了-- 燒味海蜇拼盆 海蜇wonderful 粗粗的感覺很好吃清蒸東星班 肉尚算入味，但肉質可以再滑點海味雜菜煲 味道非常鮮美，但菜裡發現不知是海味的東西還是...!?蛇羹 味道突出，我連吃兩碗!!但餡料不多鮑魚+鴨掌 這我不太懂得吃，鮑魚就是鮑魚，鴨掌就是鴨掌，不過鴨掌的肉質(脂肪!?)頗多...蛋白炒飯 沒試，不知味道甜品蕃薯糖水 有薑味，微辣，微甜，非常好吃，但美中不足的是糖水過少，蕃薯過多喳咋 只試了表妹的一口，普通茫果糯米 非常好吃冰冰涼涼有口感的糯米皮咬下去，當中的茫果布丁除即露出來，其好吃得難以形容，就算是十分飽的我也吃了5個宮庭桂花糕 有桂花的香味，不錯最後是水果，是次晚飯不俗(甜品部份)，但服務員上菜是一直的上，飯桌不夠大，很擠，不過，母總用了一千多元，尚可吧~
continue reading
信德落船﹐ 已經八點幾﹐ 揾飯食﹐ 上環唔熟﹐ 出電車路﹐ 見對面有間鳳城﹐ 諗起一周寫過﹐ 正宗鳳城在北角和太子。 身邊有間喜悅﹐ 未聽過﹐ 接待處在地下﹐ 半邊鋪﹐ 有D舊﹐ 唔起眼﹐ 貼咗好多 晚飯大劈價 推廣﹐ 價錢真的很吸引﹐ 諗住求求其其食一餐。樓上通知﹐ 二樓有位﹐ 原來樓分三層﹐ 睇唔出。 電梯有D陳舊。上到二樓﹐ 眼前一亮﹐ 成層打通晒﹐ 地方唔係好大﹐ 但好骨子﹐ 全新裝修﹐ 檯與檯有一定空間﹐ 唔會逼逼喼。 姑姑留意細節﹐ 全新兩層檯布﹐ 連服務檯都鋪上厚厚的白檯布﹐ 餐廳用上很多顏色玻璃﹐ 全部立立令﹐ 稱得上窻明掎淨﹐ 沒有一粒灰塵。問伙記﹐ 全部特價餐得唔得﹖ 答曰得。龍蝦依麵 + 燒味拼盤 + 半隻炸鷄 + 4 隻貴妃蚌 = $99 + $130加碟上湯莧菜 $60﹐ 正常價錢。 心理準備特價菜 size 一定好細。 加定豌白飯。上菜﹐ 眾人呆然﹐ 碟碟足四人份量 ﹐ 隻龍蝦唔係大﹐ 但都唔細﹐ 味道 唔錯 燒味拼都係大大碟﹐ 炸雞 貴妃蚌莧菜﹐ 隔離檯見到我地碟莧菜﹐ 自己加多一味。重有果碟送﹐ 大大份﹐ 西瓜 + 哈密瓜﹐ 唔失禮 見隔離檯八人 gathering AA 制﹐ 碟果盤有成 1/4 個大西瓜 .................. 加好多 .............重有甜品﹐ 三豌綠豆沙﹐ 唔錯三個人盡食四人份量﹐ 飽到落唔到樓。 見隔離幾檯﹐ 睇落熟客﹐ 男人居多﹐ 斯斯文文﹐ 食得開心﹐ 但唔嘈。 伙記大多中年人﹐ 但甄勤﹐ 睇唔出﹐ 管理層肯定有份量。 今晚盡興。 諗起上星期文化中心影月樓晚飯﹐ 隔離檯擺兩檯滿月酒﹐ 嘈喧巴閉﹐ 重有個 C9﹐ 整晚電話鈴聲吵耳﹐ 講電話時傍約無人﹐ 震耳如地盤打樁﹐ 極度討厭。 諗起都係馬會識做﹐ 進餐前請關掉電話。 第一次俾滿分。 value for money
continue reading
呢間酒樓分為三層,所以好快有位,不過佢每層唔係幾大。今次我哋兩人叫咗幾個點心都不過不失! 燒味河粉x2:湯味夠濃,幾抵食!蘿蔔糕:可以煎得香口D!牛肉球:新鮮好食!青椒:煎得夠香!流沙包:餡料不錯,少許流出來!整體抵食,質素不錯!
continue reading