34
16
11
Exit L5, Tsim Sha Tsui / East Tsim Sha Tsui MTR Station
continue reading
Introduction
上海著名食府始於1987年，專注經典與創新滬菜，目前在香港擁有9家餐廳。精選上海本地食材，以椒鹽小黃魚、野生河蝦仁、外婆紅燒肉、招牌小籠包等上海特色菜餚聞名香港。北京道一號店坐擁180度文化中心維港煙花景觀，為米芝蓮推薦餐廳。
continue reading
Good For
Group Dining
Opening Hours
Mon - Sun
11:30 - 15:00
17:30 - 23:00
Above information is for reference only. Please check details with the restaurant.
Signature Dishes
Recommended Dishes
一直知道位於北京道的小南國環境不錯，可以看著維多利亞港的夜景吃晚餐。適逢是媽媽的生日，家人提議決定來到此餐廳跟媽媽慶祝生日。.雖然已預早預約，但是餐廳的慣例是要到當天才能知道得否安排得到海景位。但幸好到了當天，餐廳在確認訂座時告知已安排了窗口位給我們，太好了！.比預訂的時間早了來到，餐廳除了有窗口位除外，也有一些像在一個亭子內的位子，方便客人可以自成一角。.第一道來到的是外婆紅燒肉，用一個小鍋送上，小鍋看似很大，但其實只有一半的份量，不過也吃不到那麼多紅燒肉。紅燒肉很入味，而且肥瘦適中，肉質很腍。面層的燒肉皮一點也不肥，沒有脂肪連著，感覺每一口都是膠原蛋白，哈哈！.再來的是特色松子魚，很大的一條魚，廚師把魚肉拆得很像花一樣，而且炸得香脆而內裏的魚肉嫩滑，配以酸酸甜甜的醬汁，很惹味開胃！.然後是生拆蟹粉豆腐，豆腐十分嫩滑，不過加了太多醋，令醋酸味有點蓋了蟹粉的味道，亦令這道菜過酸。建議把醋分開上，食客按自己的口味決定加不加醋。.然後是特色走地雞湯，我們選了半隻雞的份量，但份量也很多，每人有一碗雞湯外，還有餘下的再添。雞湯煲的清香而不油，而雞肉以煲過湯來說也算是滑的。加了縐紗餛飩，餛飩皮薄，跟雞湯一併吃也是很好。.再點了兩個炒粉麵，分別是上海粗炒及上海炒年糕。上海粗炒沒有特別之處，但調味得咸了一點。上海炒年糕相對地做得較好，年糕煙軔，而且不像粗炒的咸，這一道的調味適中。.最後加點了鮮肉小籠包，一籠有五隻，每隻都皮都不厚但不易穿，包著湯汁，而且小籠包頂有一個小洞，方便可在在小籠包頂部飲湯汁，再吃小籠包，不錯～.最後點了椰香棗泥糕及上海桂花蜜拉糕，兩個都煙煙軔軔。椰香棗泥糕都重椰香及紅棗味，不錯；而個人比較喜歡上海桂花蜜拉糕，味道較清甜。.整體來說，雖然服務不太好，但可以在海景前享用不錯的晚餐也算是不錯。
continue reading
黎到小南園食飯，好大一個原因是想吃一些精緻而有創新的中菜。作為食肉獸的我，十分喜愛這裡的稻草肉，點解叫依個名，其實並不太知道，說穿了，就是兩塊細細燜就的五花腩，切成兩大方塊，表皮的醬油顏色在燈光下很有光澤，吃時肥瘦相間，表皮並不只是軟腍，而且很是煙韌，飽沾醬汁的豬肉，與其瘦肉纖維和油脂混為一體，咬落時滿口酥香，十分不錯。上海腌篤鮮裡有豬肉，腐皮，白菜，火腿等，正常的材料卻煮得十分鮮甜，是慢工出細貨，暖暖的熱湯下肚，讓人感覺舒服
continue reading
活在過去 成為負累站在前面不知這個是誰沒力佔據 事實已失去為何想緊握已潑出的水縱對世界繼續狂號 都找不到去路去到淚水已告盡耗 也許鬆手釋放你笑著結束雙方都更加好人生總有跨不了的一步，欲行又止的雙腳……不是你不想跨過那一步，而是你欠缺了一樣很小卻非常重要的東西，就是勇氣。從小到大，人生就好像要跟着這條路走，你想走第二條路？可以，這個社會現實不容許你，但你可以自己決定，做這個社會總是希望你每天工作，然後供樓，做社會一個普通的平民！還是選擇你自己的路？而我甚麼都不會理會，民以食為天，食左先講。今次就去左小南國，太肚餓，所以相影得不多，請見諒。鎮江骨 非常入味，而且不會太酸，送飯一流。這裡的醉雞味道適中，但總覺得欠缺了一些東西，個人覺得元朗某醉雞小店好食啲整體評價係價錢雖不平，但質素屬中上水平，可以一試。
continue reading
上星期同十位好姊妹一齊去北京道一號嘅小南國食晚飯同慶祝生日。 雖然環境幾好可以望到夜景， 不過侍應嘅態度真係差差差。 堂堂一間咁多分店嘅“所謂”高級中菜廳， 竟然所有侍應嘅態度都咁差， 真係難得。其實以食物嘅質素嚟講都要有中等， 小食生煎包，小籠包都算熱辣辣， 肉餡多而且多汁。酸辣湯嚟講都算味道適中， 材料豐富。麵類來說， 魚羹燴麵同擔擔麵亦不錯。主菜嘅松節魚， 同阿婆紅燒肉都不錯。不過碟蟹粉豆腐就真係出事了， 由於份量細， 我哋每人都係分左一湯匙嚟食， 過食完之後， 大家都覺得個豆腐叔叔臭臭， 仲有少少酸味， 而且蟹粉明顯地唔新鮮，勁腥。 咁嘅情況之下梗係即刻同侍應講聲， 不過嗰位女侍應侍似乎唔太相信， 黑口黑面之餘不特止， 仲驚死我哋呃佢咁樣， 喺我哋面前聞完碟嘢先肯走。由於我哋開始食飯嘅時間已經係八點， 到十點十五分， 已經有人走來問我哋有冇 last order，冇就埋單。 由於其他枱嘅客人已經走晒， 個侍應黑住面咁問我哋， 似乎係嫌我地十點三都未食完阻住佢收工。 我哋亦客氣咁問餐廳收幾多點， 原來係收十一點， 不過十點九嗰陣， 佢哋已經熄曬全部冷氣。 咁嘅情況之下我哋唯有氣沖沖咁離開。 離開時喺reception亦都有向所謂嘅經理投訴， 侍應服務態度差， 全程黑口黑面， 可惜換嚟嘅都係敷衍嘅態度， 似理不理。今時今日喺香港有咁既服務態度， 呢間集團真係要好好檢討一下， 就算連麥記個態度都好過佢。 大家去食飯嘅時候真係要三思三思。
continue reading
第一次寫食評，係因為無可能不吐不快！尋晚同朋友一行10人去小南國食生日飯，被安排坐響房內的其中一張檯，坦白講環境係靚的，望住香港夜景，食物係可接受的（雖然其中一個蟹粉豆腐係酸的，同侍應講咗，都幫我們取消了，ok啦）但其他的服務就奇差！一. 切餅服務（i）無細心問清楚客人，驚喜被破壞當晚我們帶了一個生日蛋糕為朋友慶祝生日，諗住俾個surprise俾壽星，但個侍應響無私底下問我們任何一個，就對住成檯人講：你們係唔係帶左個蛋糕來？我幫你們上埋佢？ 我們已經打左個突，覺得有無攪錯！但都算啦，只係覺得這個侍應好唔識做，無話佢d咩。（ii）無服務之後侍應出來「大力」放低d左個蛋糕、蠟燭同刀，咁就走咗，蠟燭同刀都無幫我們開，火機又無提供！都算！諗住生日唔到攪到唔開心！（iii）態度差劣唱完生日歌，諗住侍應會來切餅，係我地叫佢先打算做，個樣仲黑過關公，其中一個朋友諗住打完場，話自己分得啦，個關公侍回應咗一句：「咁你地自己切就最好啦！」咁就走咗！（iv）總結問題係你收我$100切餅費，除了幫我雪住個蛋糕同幫我放落隻大碟度，其他野都唔做或唔想做，堂堂一間大集團的「高級食府」，響尖沙咀北京道一號開店，連基本的禮貌和服務態度都無，係不能容忍！二. 趕收工間餐廳寫得好清楚係23:00關門，佢地由22:15左右就輪流做d小動作想叫我們走。（i）埋單22:20 就叫我們埋單，有個疑似部長的人響無作任何解釋（如：我們要埋數，麻煩可唔可以幫我埋左張單先）語氣唔好的態度下叫我們埋單，但好笑地，佢地之後一直無人入來攞返張單喎！（ii）未走先執檯我們未打算走，仲傾緊計，就有兩個侍應不停收晒我們的碟，勁嘈，其實係唔係應該等客人離開先執呢？（iii）關冷氣22:45左右，有個疑似部長入房關了我們的冷氣！22:50佢地就叫我們走啦，門口已經見到部分職員已經換好做服等收工！收利園的價錢，俾九流的服務，再靚的景，再好的食物都唔會有下次！小南國的管理層，請好好培訓員工，尤其你們的目標顧客係商務、高端顧客及遊客，除了提供好的食材、好的用餐環境外，優質的服務態度都同樣重要，缺一不可！
continue reading