3
3
0
Payment Methods
Visa Master Cash
Other Info
Alcoholic Drinks
10% Service Charge
Above information is for reference only. Please check details with the restaurant.
Review (7)
Level4 2011-02-15
316 views
初五, 我的開工大吉日仍然未到. 而太太又應了舊同事的邀請, 帶BB回去舊公司拜年. 而我, 放低她們後, 就先行去搵食. 本來齋好介紹我去一家她常去的樓上食店, 可是人家生意興隆, 年12才開工. 於是我就Back to Square 1, 去飲茶.連鎖酒樓到處都是, 覺得沒什麼意思. 記得每次搭車經東隧過海, 經過觀塘時, 好明顯的有一家比較舊式同比較local既酒樓. 這, 就是本人是日觀塘行的首要target. 新年流流, 而且是紅日後的第一個返工日. 一上到來, 全是公司/工廠同事, 開工團聚的午餐飯局. 成間野, 大檯就一定要等, 細檯一、兩個人, 就唔駛等, 直接有張細檯坐. 這兒, 帶點老式的服務, 點心不用剔紙仔入單, 是直接去到點心檔仔, 自己揀. 多了一番舊時的風味. 太太未來, 我一個人先去拿自己份量的點心. 看見金錢肚蒸得幾靚, 同剛好搶到呢一輪點心既最後一籠燒賣. 我先埋位, 慢慢嘆茶, 嘆點心.金錢肚, 的確是好靚,好味美. 濃濃的醬, 腍腍的牛肚. 是舊派既點心師傅才會落咁重料. 豉味重, 椒味香. 非常之傳統, 非常之好食.燒賣, 肉粒夠哂大, 肥肉同瘦肉比例均勻, 而且肉質滑兼香口. 點心類, 留給我一個好印象. 兩籠點心, 一個大男人食, 其實唔夠飽, 再點多一碗叉燒燻蹄飯. 可是, 出來時, 變成了一碟. 新年頭, 好人事一點, 不換了, 來了一碟就食多D. 說燒味飯, 說燻蹄, 還是不錯的. 皮肉晶瑩, 食落爽爽口, 皮感彈牙, 叫做幾好, 但叉燒, 可惜了, 分配給我的, 是極瘦叉, 肉又鞋, 又韌, 又唔夠味. 食落仲感覺到成口渣. 叉燒....極失望. 等多一下, 太太同BB來了, 我自行搬好位子, 讓她坐下兼安頓BB. 再拿個包俾太太食. 就剛好在我把包拿來, 極醒目的侍應拿起我的點心紙, 不是同我剔免茶, 而是幫我加多一位茶. 果然眼睛細膩.我叫給太太的, 是一籠壽桃包. 蓮蓉餡帶著少許咸蛋. 味道香口, 皮靚餡香. 說過這兒的點心, 值得我俾佢地一個高分. 太太以前在這一區工作, 她說此酒樓食物只是一般. 通常都是因為在其他酒樓找不到位才來. 我的感覺, 此酒樓, 格局是普通了點, 點心種類又不夠新穎, 但我總是喜歡這些帶少少舊式的食肆, 這樣才有點風味. 而食物, 除那叉燒外, 其他的, 都不錯吖. continue reading
(The above review is the personal opinion of a user which does not represent OpenRice's point of view.)
Level3 2010-09-28
114 views
在公司對面的舊式酒家,由外到內都很懷舊,步上二層迴形樓梯,便到大廳。每每是在午飯時候光顧,故甫進去即見臺臺大漢(因為大件又抵食的緣故),此平常在別處少見之景觀。而酒家以點心自取的形式運作,便拿張點心咭去挑選點心。打開蒸櫃點心籠蓋,每款都是熱氣騰騰的。在這裡可吃到水準不俗的懷舊點心,而本人常吃的是燒賣、蝦餃、芋頭糯米卷(糯米軟度適中,包著軟薄芋頭皮。但不常出現)、香煎馬蹄糕(煎的時間恰到好處,表面焦香)、香煎腸粉、乾炒牛河(午市特價粉麵之一,河粉滑但稍油)等。別有昔時風味。 continue reading
(The above review is the personal opinion of a user which does not represent OpenRice's point of view.)
Level4 2010-03-27
68 views
老人院探完麻麻,搭車返觀塘食午餐,媽媽話想飲茶,最後選擇妹妹極力推介的這一間超舊式酒樓,無論地方和枱布都超舊,令我想起細個在灣仔的中國大酒樓啊!注意這兒係無人推心車仔,劃點心紙sorry一樣無,如果要食點心麻煩自己行去點心枱自己顧自己,有點心姐姐幫你吸印.由於相同點心籠唔會疊在一起,所以每次去到張枱都要逐籠揭起才知是甚麼點心.蝦腸:腸粉拉得好滑,充滿米香只是實在有點淋,蝦彈牙略嫌細隻蝦餃:蝦餃皮唔算薄,蝦唔霉又夠大隻,好味燒賣:豬肉唔會太死實,夠彈性鳯爪:汁勁好味,鳯爪又夠淋,最重要炆得入味.糯米包:糯米包的糯米唔夠煙韌,太過硬,也太過油,唔好味道臘腸卷:實在太耐無食過,臘腸卷的臘腸好香,包也夠軟熟,好味道.味道還可以,雖然話地方舊唔代表價錢便宜,三個人食七碟加茶錢也吃了一百廿十二元,因為呢度係特價下午茶啊!相對上價錢會貴一點啊!服務:除了有人幫你開茶外,甚麼也要自己做,如果慣性俾人服待的話,請別去這裏小提示:這兒有電梯和樓梯行,見議行樓梯唔好搭電梯,因為電梯有異味,行樓梯好過,反正也不是要行很多層數,臨食飯之前做個活動也不錯,可以開胃點啊! continue reading
(The above review is the personal opinion of a user which does not represent OpenRice's point of view.)
Level2 2009-10-25
40 views
昨天跟同事一齊到此午飯,十二点八到已全場爆滿,幸好有人埋單,文刻急步走去霸位,因為太餓立刻去点心阿姐到攞食物,阿姐D態度就麻麻地,可能人太多,第一round 取了蝦餃,鳳爪,生煎飽,立腸卷…全部食物都是水準以上。第二round取了燒賣,牛肉,棉花雞,糯米雞(一籠竟然有兩隻,是糯米雞,不是珍珠雞)最後整多碟星洲炒米,食到一件不剩,埋單都是一百七十一!!! continue reading
(The above review is the personal opinion of a user which does not represent OpenRice's point of view.)
Level4 2009-07-27
38 views
又黎哩間酒樓, 都幾耐冇黎過, 今次黎都係食佢個客飯客飯係印o係另一張紙度, 而張紙係放o係一入門口o個個位, 台上面係冇.通常客飯餐有8-10款揀, $30-$32, 有埋湯今日一入到去就問左我地兩次要唔要冬瓜盅. $68, 都係唔要啦, 依家周圍d 酒樓都賣緊平價冬瓜盅, 食到唔想食.我地都係叫返客飯, 3個, 叫左迷你福建炒飯, 梅菜蒸鯇魚, 豬扒炒公仔麵哩d 客飯一d 都唔細碟.迷你福建炒飯係一整碟, 一d 都唔迷你, 都唔知正常既size 會係點囉, 我已經覺得迷你係其他鋪頭既正常size炒飯底炒得乾身, 獻汁唔會太多, 係d 料少d 蝦.梅菜蒸鯇魚, 仲有一碗超大碗既白飯鯇魚好似比上次黎o個舊細左, 但都夠5人食啦.d 魚啖啖肉, 魚骨都係大大條, 唔駛驚細魚骨, 不過魚肉未必夠滑梅菜有d 蔥花, 撈飯一流豬扒炒公仔麵豬扒醃得岩岩好, 夠林, 而且煎得幾惹味.炒公仔麵豉油夠入味, 炒得夠乾身, 夠彈牙! 最愛!!最後再送碗糖水. 紫米露好多料, 多紫米, 冇乜糯米. 夠杰身, 但絕對唔會好似打獻咁. 又唔係好甜.埋單$101, 絕對抵食! continue reading
(The above review is the personal opinion of a user which does not represent OpenRice's point of view.)