 | G/F, 14-18 Lo Tak Court, Tsuen Wan 荃灣路德圍14-18號地下  |
|---|---|
 | Hong Kong Style | Fast Food | Noodles/Rice Noodles |
| 5  vs8 vs0 |
| G/F, 14-18 Lo Tak Court, Tsuen Wan 荃灣路德圍14-18號地下 |
|---|---|
| Hong Kong Style | Fast Food | Noodles/Rice Noodles |
| 5 vs8vs0 |
 | Taste  | Environment | Service | Hygiene | Value for Money |  |
|
逐樣餸點的價錢計起來仲貴，就要了個八寶聚，有豬肉、雞肉、豆卜、芽菜、韭菜、火腿、粟米及生菜的材料，雖然每樣少少，但加起來應該都會幾大碗，由於未病好，吃清湯底就是了。 果真份量充足，手攪麵煙煙韌韌，口感不俗，各樣材料平平無奇，始終要有點辣的才過癮，尤其是吃豆卜，但佢至少不難吃，雞肉也算嫩口，以這個價錢來說，原要奢求太多了吧！ 還是想飲杯野，那就來杯熱檸茶，最穩陣。 Other Ratings: Taste 3 | Environment 3 | Service 3 | Hygiene 3 | Value for Money 3
Recommend 0 |
發覺係大家食~如果分開叫~好似叫車仔麵咁~好唔抵~ 因為叫碗麵加2個好味d既”食送” 都已經 $16 + $9 + $9 = $34 
 十三會($33) 同 十八會($41)
 而碗都係削搖麵~唔好期待有刀削麵既口感~不過都好過普少通既油麵、幼麵、粗麵~  不過因為佢地削搖麵好長好似一條過~本身又粗過出面D粗麵~一咬斷~跌落去D湯度~就即刻水花四濺~ 所以千祈唔好著白色衫去食麵~ 至於D”食送”~由於都係就咁滾熟~都無咩特別好吃~ 媽媽好唔滿意個魚腐好樣衰~食落去同魚蛋差唔多~ 十八會多左既黑椒牛丸~只係俾半粒我  有好多豬潤，五花肉，雞肉，火腿~ 奇特既係有火腿~總係覺得唔係好MATCH~ 湯底方面，好肯定有味精~因為食完我好口渴~飲極水都唔掂~  我無叫到D 麻辣酸辣個D麵底D~因有辣椒油提供~而D辣椒油仲香~仲可以因應自己需要落幾多~ 另外，為左營養均衡，而叫左9蚊油菜~ 
但食唔出囉~只係見到菜上面有細細舊腩肉~證明左腩汁既存在~ 講真唔係好好食~不過可能價格還可以先咁多人黎食~ Table Wait Time: 0 minute(s)
Date of Visit: Dec 17, 2012 Spending per head: Approximately HKD40(Dinner) Other Ratings: Taste 3 | Environment 3 | Service 3 | Hygiene 3 | Value for Money 3
Recommend 0 |
上次以一張團購券吃了一份招牌炸醬撈麵餐，還有一張團購券在手  ，所以就順著要到有香港築地之稱的楊屋道街市，買買海鮮之餘，跟友人一同再來炸醬撈。
，炸醬味道香濃惹味，配菜有花生、青瓜絲和芽菜，麵條仍是煙煙韌韌的，沒有因為是團購粗製濫造。而後者八會聚A，選了上海粗麵，頗為大碗，兼且配料甚多，有豬肉、雞肉、火腿、豆卜、生菜、粟米、韭菜和芽菜，可惜普遍偏鹹，而湯底感覺有點是味精湯的，但還是覺得抵吃的。
招牌炸醬撈麵
八會聚A
Table Wait Time: 0 minute(s)
Spending per head: Approximately HKD27(Lunch) Other Ratings: Taste 3 | Environment 3 | Service 3 | Hygiene 3 | Value for Money 4
Recommend 0 |
看到大家食做了團購，只需$14，即享「大家食」招牌炸醬撈麵餐包餐飲（原價$28），而且可於8 間分店自由兌換 ，不用揀定要去那一間，任何日子任何時間可用，非常方便。雖然一次過要買兩張，但又可以分開使用，超讚。因為是指定麵款，所以入到大家食沒有任何懸念，只是考慮喝甚麼。話說回來，眨眼之間就送來招牌炸醬撈麵，炸醬確是頗香濃惹味，而麵條帶些煙韌，有咬口，口感不錯 。近廚房位還有調味自取：辣椒油、辣菜莆、冬菜，不吃辣得，要了一些冬菜試試味，可是十分之鹹，伴撈麵就不太行，放在湯麵可能應該不錯。另外，所點的熱咖啡變了一杯暖啡，有些可惜！
招牌炸醬撈麵
麵條帶些煙韌，有咬口
暖啡！=.=!
 ，香港人的飲食文化之一呢！
對著電視，邊吃邊看電視。
Table Wait Time: 0 minute(s)
Spending per head: Approximately HKD14(Lunch) Other Ratings: Taste 4 | Environment 4 | Service 3 | Hygiene 4 | Value for Money 4
Recommend 0 |
大家會問,大家食,好味嗎? 坦白講,如果你是區外客,我建議你不要來這裏吃. 去麵棧,或者去魚魚魚吧. 但作為一個區內客,吃得多都會悶,我們間不時也會來這裏吃吃. 這裏的招牌菜是絕招肚與過山雞,至於為什麼個名如此有氣勢,這層我不是太清楚,你可以問問老板,雖然我從未見過他在舖內. 問姐姐的話,你大可以慳返啖氣,這裏服務員不多,能夠點到餐,你巳是萬幸了.這個價錢,請不要奢求太多. 絕招肚都幾爽的,過山雞也很入味,富豐富的香料味,不過也頗肥膩. 有很多人喜歡跟飯,我就覺得跟飯太肥了. 
手攪麵比較稔,不是我杯茶. 
手攪麵比較稔,不是我杯茶.如果不好辣,點清湯也不錯的,也不會淡而無味. 喜歡吃菜甫的話,可以自助到麵bar取,有辣有不辣,辣菜甫是超辣的,如果不是吃辣狂人,建議不要下太多. 也加了$6要了菜,坦白講,誠意全無,純粹是看你有沒有須要在無益之中吸收點纖維. 檸茶不過不失. 現在百物騰貴,這裏也起了價,一碗麵兩個餸巳經要$28,而且比以前細碗了很多. 不過在今時今日,巳經是十分化算,難怪這裏夜一夜也全店滿座. 自由行也應記一功呢! Recommended Dish(es):
絕招肚,過山雞,削搖麵 Table Wait Time: 0 minute(s)
Date of Visit: Jan 25, 2012 Spending per head: Approximately HKD38 Other Ratings: Taste 3 | Environment 2 | Service 2 | Hygiene 3 | Value for Money 3
Recommend 0 |
今日同男友七點幾去食晚飯，原本諗住食隔離既'譚仔'，但知道呢間都有米線 所以想試下新野就揀左呢間 我叫左個腐皮小辣米線+豆漿，而男友揀左黑椒牛丸中辣米線。 
ok
豆漿
黑椒牛丸米線麻辣湯底: 我覺得五夠辣，冇一種麻既感覺系口裡面 腐皮: 我覺得五夠'淋'，有D硬，不過還可接受 米線普普通通，冇咩特別。 我都有食男友既黑椒牛丸中辣米線 黑椒牛丸我覺得好食 ，黑椒味好濃，牛丸夠晒彈牙好後悔自己個晚五系叫呢樣 呢間都值得一試 Recommended Dish(es):
黑椒牛丸 Table Wait Time: 5 minute(s)
Date of Visit: Aug 27, 2011 Spending per head: Approximately HKD27(Dinner) Other Ratings: Taste 3 | Environment 4 | Service 3 | Hygiene 3 | Value for Money 2
Recommend 0 |
昨天晚上又再來到荃灣的心臟地帶搵食了, 唔知點解, 昨晚的食肆好多人, 可能是有些店鋪還在收爐當中的關係吧!! 最後見這間無咁多人, 便決定來這一間食!! 好了, 坐低, 看一看餐牌, 便order了狀元骨手攬酸辣麵. 由於看到之食的食家說, 可以自行取辣菜甫, 便又去拿了一些. 好了, 麵來到, 依然都是一如以往, 以大碗取勝. 吃了一啖, 便加入辣菜甫, 自問都算是吃得辣, 便加了相當份量的菜甫, 譙知一吃, 嘩, 乜辣得咁緊要!!!!!!! 辣到真係不得了!!!! 繼續食下去, 就愈食愈辣, 嘩, 真係頂唔順, 但又不能浪費食物, 唯有速速叫一杯檸雪來解辣, 檸雪一息間便到, 立刻便喝一口, 嘩, 前所未有的透心涼!!!!!! 經過這次之後, 以後都是不要隨便加上辣菜甫了!!!!! 而且也由於叫了一杯檸雪, 令我大大的失預算, 因為本來碗麵只是$21, 但是加一杯檸雪卻要加$8, 白白加多8元, 肉痛死了!!!!!!!但畢竟這是一個食評, 點都要評一評這碗麵的, 大家食的麵素來都是以大取勝啦, 基本上都是無甚特別, 不過個人覺得我吃的那碗手攪麵, 麵質是淋了一些, 好似之前吃的是較有咬口的, 而我本身是較喜歡有咬口. 至於狀元骨, 其實是京都骨而已. 平平無奇的一碗麵, 基本上連鎖餐廳的出品大致都是如此了, 也不能有什麼要求. 不過, 味道其實算是過得去, 加上價錢都算平(若不order飲品的話), 所以都值得一個OK面的!!! Spending per head: Approximately HKD29 Other Ratings: Taste 3 | Environment 3 | Service 3 | Hygiene 3 | Value for Money 4
Recommend 0 |
最近聽朋友講有間麵鋪又平又好食, 個名叫大家食,聽落好似大家樂咁,朋友話D价錢同大家樂都差唔多,所以好想試下,一入到鋪頭,有個阿姐即刻上來招呼我哋，坐落睇下個餐牌,咦!又真係唔貴喎.十六蚊一碗都有得食.最貴一碗都唔過$35,餸菜仲係任你自己搭配添,原來呢間鋪是廿四小時都開啲.咁又幾好喎.有時行完夜街都可以搵到自己想食啲嘢.即時叫咗個茄蛋牛肉手攪麵$18,另加一個冬菇时菜$5,再加一杯凍奶茶$5.我朋友就叫咗個老闆新推介的八會聚酸辣削搖麵,所謂八會即係碗麵入邊仲加有八種菜,价錢係$24一碗.果然好抵! 呢間出嘢都算快，不到五分鐘，兩碗熱辣辣的麵就出來了，我個碗茄牛麵D味好濃郁，酸甜度配合的非常好，佢是用新鮮番茄整啲，所以吃起來感覺更好D.杯奶茶濃得來唔苦，又好香同滑口，仲好飲過我以前飲過個幾間． 我朋友話佢個碗啲味道都唔錯，酸辣度啱啱好，菜又多，麵又依依韌韌，又有麵的香味．而且又大碗喎．ｈｍｍ．．．果真唔錯，冇介紹錯！ Spending per head: Approximately HKD26 Other Ratings: Taste 4 | Environment 3 | Service 4 | Hygiene 4 | Value for Money 5
Recommend 0 |
朋友 叫左個米線 我同老人~叫左個合和飯~同雞翼~同cola 3個人~ 埋單~ 好似7x?? 大家食~ 仍然係平~ 不過味道....好似差左~ 記得第1次食合和飯 ~ 係mk~ 呢度~ 真係唔掂~ 下次反mk試多次先~ 
ok啦~ 不過不失
Date of Visit: Jun 02, 2010 Spending per head: Approximately HKD35(Dinner) Other Ratings: Taste 3 | Environment 3 | Service 2 | Hygiene 3 | Value for Money 3
Recommend 0 |
同朋友又一個下午係荃灣行街街 lunch時間猶豫左好耐食紅薯粉定食呢間， 最後比朋友拉入呢間，佢話梗係試新野啦，哦~  熱奶茶: 先上左飲品，茶味比較薄，一般削搖麵(鹵牛肉, 狀元骨):我要左雲貴酸辣底 小辣，有小小配菜既，削搖麵似寬條麵，有一點厚度，咬落去有嚼勁兼有麵粉香，讚!!! 鹵牛肉即五香牛展，夠軟腍同入味，不錯 狀元骨即炸排骨，同樣入味而且炸得又香又脆 埋單30蚊，好味又抵食，有機會再食 。
熱奶茶
削搖麵(鹵牛肉, 狀元骨)Recommended Dish(es):
削搖麵, 鹵牛肉, 狀元骨 Spending per head: Approximately HKD30(Lunch) Other Ratings: Taste 4 | Environment 3 | Service 3 | Hygiene 3 | Value for Money 4
Recommend 0 |
一個字....平! 平就幾平下既真係, 叫左個手攪麵+雙餸都係23蚊! 不過牛腩蔔白得兩粒牛腩....豬扒得4條仔...仲要勁薄, 麵既份量就好夠既, 仲之就食得飽人 好似好矛盾, 份量夠, 餸唔夠...食到後尾好似食淨麵咁, 食慣多肉...有d 唔慣, 不過總的來說23蚊有咁既份量都叫平既 Spending per head: Approximately HKD23(Dinner) Other Ratings: Taste 4 | Environment 3 | Service 3 | Hygiene 3 | Value for Money 4
Recommend 0 |
這間麵店不知道為何咁少人寫既呢???? 我這個荃灣人, 偶然都會到這兒幫襯的, 很認同其他食客所說, 價錢不太貴, 但卻大碗, 可以讓你吃得飽飽的離開, 絕對是當你要勒緊荷包時的首選. 這一天, 我又再次到這兒了, 跟這家麵店闊別數個月, 發覺內裏的椅子不同了, 沒有了從前不舒服的坐椅, 換來了有 i pan的, 不知道是不是因應人客反映說之前的坐椅讓人坐得不舒服呢????? 好了, 廢話說完, 說回正題, 這一天叫了一碗茄蛋牛肉手攬麵, 等了不太久, 麵就送來了, 嘩, 又是一如以往的大大碗, 真好!!!!! 絕對0岩我這個大食的人, 麵質有咬口, 這也是我喜愛這兒的地方, "送"也不錯, 事實上, 茄蛋牛這類家常菜, 也很難煮得不好吃了, 只是牛肉略嫌太少, 不能滿足到我這個食肉獸. 吃過一碗大大的茄蛋牛手攪麵後, 肚子也飽了!!!!! 另外, 這兒吸引我的地方, 是若叫麵吃, 只加六元就可以有一碟菜, 不錯呀!!!!! 有機會的話, 都想嘗試埋其他類型的麵呢!!!!!!!!!!!!!!!!!!!!!Other Ratings: Taste 4 | Environment 3 | Service 3 | Hygiene 3 | Value for Money 4
Recommend 0 |
食物唔駛多講啦，一貫大件夾好食，想講係服務態度好有問題 ! 我入到去都未坐底, 有個四眼阿姐就好悔氣咁催我落單，我話轉頭先, 佢就真係轉一轉頭就又催我 ! 我話蕃茄蛋走牛肉，佢好惡咁話無得走，跟住碌大眼咁"bilibala"一大堆廢話，煩到我求期叫d配料併手搞麵 ! 佢寫完一大輪，好悔氣咁問我食乜麵 ?! 哎 ! 我講個時你又唔聽 、掛住响度嘈 ! 哎 ! 食物質數好，但俾四眼阿姐嚇到我食乜都無味啦 ! 唔係淨係我話佢架 ，後尾搭檯果位小姐都話佢勁趕客呀 ! Recommended Dish(es):
豬潤, 腐皮 Date of Visit: Aug 11, 2009 Spending per head: Approximately HKD40
Recommend 0 |
一早放工，與同事吃早餐，有人介紹到大家食吃，貪其大大碗又好味，很久沒吃了便去一試。 在門口，看見裝修與從前吃過的分店不同，又乾淨又光猛，還有大電視。 到了點食物，同事建議茄牛蛋麵和豬潤麵，於是點了這兩款交換餸來吃。 茄牛蛋麵：賣相、顏色不錯，份量勁多，牛肉不會太淋，番茄亦算新鮮，麵幾滑、幾多、而且有咬口，不會太淋，不過個汁甜了少少。整體不錯； 豬潤麵：豬潤多，沒雪味，不會太靭，個湯底亦不錯，幾甜。 一餸麵連凍飲只需21元，飽到晚上才肚餓，真是超值！ 
大大碗的多茄牛蛋麵
大大碗的豬潤麵Recommended Dish(es):
茄牛蛋麵 Spending per head: Approximately HKD21(Breakfast) Other Ratings: Taste 4 | Environment 4 | Service 4 | Hygiene 4 | Value for Money 4
Recommend 0 |
今晚要開 OT, 早少少食飯, 自己一個人...最好試新店, 位置係麵棧隔離! 店裡唔多人, 座位幾新穎, 細細張, 可以360度轉動, 無背位, 好睇唔好坐! 餐牌只有一小個, 無下午茶餐...類似車仔麵...麵包多一點點, e.g. 手攪麵, 上海麵, 米線, 米粉及削麵, 餸就 $5/款, 單款餸麵 $18! 最後選了蕃茄蛋牛 + 蘿蔔 + 削麵, $23! 等了十多分鐘...都幾耐, 上時有點嚇親, 好大個淚滴型碗, 自行拿了點辣菜莆...好辣 ! 削麵厚了一點點, 不過, 幾有咬口, 又煙韌, 蕃茄味不太濃, 蛋過老, 牛肉不多, 唔腍, 蘿蔔幾硬, 反而跟麵既餸有芹菜, 芽菜, 蝦米, 肉粒等幾香, 飲了幾口湯, 最後好口渴!車仔餸唔多, 不過, 可以再試試既! 
Spending per head: Approximately HKD23(Dinner) Other Ratings: Taste 3 | Environment 3 | Service 3 | Hygiene 3 | Value for Money 4
Recommend 0 |
First to Review: 
%3A%0D%0A...&screenshot=http%3A%2F%2Fstatic3.orstatic.com%2FUserPhoto%2Fphoto%2F2%2F1XI%2F00DQCRC209EA761EB51168s.jpg "Share with Messenger")
