49
20
5
6-min walk from Exit B, Whampoa MTR Station
continue reading
Telephone
23636488
Awards and Titles
MICHELIN Bib Gourmand (2023-2024)
Opening Hours
Today
08:00 - 22:00
Mon - Sat
08:00 - 22:00
Sun
Closed
Above information is for reference only. Please check details with the restaurant.
Signature Dishes
Recommended Dishes
RELATED ARTICLES
好朋友係加拿大返嚟探親，佢又鍾意食粢飯，咁我就同佢嚟試下！我哋叫咗粢飯，豆漿，炸豬扒麵同埋酸辣湯！個粢飯即叫即整，估唔到油條咁脆，簡單又好味😋個炸豬排新鮮熱辣辣，比我哋想像中好食，個麵都唔錯！酸辣湯有驚喜，有蕃茄係裏面，好特別喎！埋單$102 ，真係性價比好高，值得再來😋
continue reading
滿堂樂滬京風味-甜豆漿由細細個開始就飲啦～但鹹豆漿就未試過，所以諗住去試下。店舖好有以前香港建築特色，內部只有兩至三張枱，必要時要搭枱食。去個陣都要排下隊，但都快既我地叫左個套餐set,鹹豆漿+上海正宗粢飯，另外再叫左個雞扒。因第一次飲鹹豆漿，一開始感覺怪怪地。但食落都唔係差，幾好飲，只係唔習慣😂😂😂粢飯因為岩岩蒸起，所好熱好燙手，飯比出面食既香口軟糯，料都好足雞扒-我地原本以為係炸雞扒黎，點知係煎雞扒，但試左都唔差，都好有水準👍👍
continue reading
呢次嚟到呢一間本地飲食店，肚仔餓得咁啱，立刻叫咗碗雲吞。想測試下呢間嘅手藝，所以淨係選咗最簡單嘅雲吞湯底。啱啱好，我個味蕾可以集中於這幾粒大大粒嘅雲吞，皮薄餡足咀嚼感覺幾好，正宗！湯底有個小驚喜，選咗酸辣，但唔係想像中嗰種刺激。湯底唔係好出色，不過材料使足班底，有零碎豬肚、木耳、豆腐，豐富得嚟唔覺得太滯。其實我都小心翼翼希望店家嘅環保意識可以高啲，不過一睇到用嘅係即棄餐具，心裏有啲微詞，明白節流嘅需要，不過下次我記得自備餐具。粢飯同豆漿嘅組合真係相得益彰，當現做現食嘅糯米飯入口，簡直係米香四溢😋，餡料比例拿捏得恰到好處。唯一嘅美中不足，可能係油條稍為欠脆，不過整體嚟講都真係值得一試！餃子就更加值得讚一讚，包得飽滿得滯又唔會皮太厚，蒸完之後，豬肉與韭菜那種新鮮嘅默契，簡直係要立即夾一個嚟開動！下次路過紅磡，呢間真係又係一個好選擇🍲✨。
continue reading
三號波嘅星期六，嚟到位於黃埔嘅滿堂樂滬京風味，牆上嘅大字餐牌，滴住水珠嘅豆漿機，喺店面包餃子嘅阿姨，係上海食店嘅標準佈置。店內只有兩張大枱，預咗要搭枱，但未至於膊頭撞膊頭。主打嘅粢飯鹹豆漿套餐，粢飯味道清淡，用料充足，但如果飯身再黏啲同包得紮實啲，食起上嚟會更可口。鹹豆漿配料包括油炸鬼、鹹酸菜粒，蝦米。未撈勻就咁食，有啲似雞白湯嗰種milky，對好少飲鹹豆漿嘅我哋，係新奇嘅。撈勻之後，feel到更明顯嘅鹹同酸感，同豆漿本身嘅豆香同濃郁平起平坐，嗰種湯嘅感覺，啱番乾爽轉涼嘅季節。作為主食嘅擔擔麵，我哋揀咗辣嘅，麵身偏硬但有彈性，湯底係一種直接嘅辣，味道唔算好有層次，記得要撈勻沉澱嘅肉碎同花生醬，先「wake」到碗擔擔麵。另加嘅豬扒薄身但油脂豐厚，食落有少少酸，未知係咪肉質問題。黃埔食店林立，選擇眾多，而呢一間滿堂樂主打精簡實惠嘅上海菜，喺附近搵食嘅朋友可以一試。
continue reading
每次經過，都有人排隊，感覺外賣的人多啲鎮江排骨麵排骨好大一塊，連埋軟骨都燉的軟爛入味，有小小酸味，味道很特別，不過很好吃。麵就是正常的上海麵，沒什麼特別的，不過份量夠多，我一個食不晒。餃子嗌咗酸辣湯底，配料好多：豆腐、菇、雲耳。澱粉勾芡過，很濃稠。酸辣適中，很開胃，全部飲完，好喝。餃子有白菜和韭菜兩種，皮薄餡大，都很好吃，我喜歡白菜多一點。呢間店環境比較簡陋，座位也不多，但勝在價錢便宜，值得一去。
continue reading