8
7
4
Introduction
Wide selection of vegetarian dishes available daily.
continue reading
Opening Hours
Mon - Sun
06:30 - 23:30
Above information is for reference only. Please check details with the restaurant.
肚餓，最方便就係去茶餐廳醫肚。頌富輕鐵一出行幾步就到銀龍，夜晚10 點幾都未收，即刻心心眼！(收11pm) 酸辣雲南雪菜米線，走辣！雪菜新鮮，與湯底混埋一齊好夠味，未食豬扒已經好滿足！已切件豬扒好方便，唔使自己切但有點失望的是豬扒較"鞋", 除了近骨位置係林d 之外。芙蓉蛋飯，一貫的配菜：叉燒，火腿，雪藏蝦仁，葱。蛋面脆脆o地，蛋心半生熟，恰到好處，食得出的鑊氣！流d 蛋漿出o黎撈飯，好正！各款配菜都唔少，估唔到就收舖，廚師都冇馬虎，抵讚！
continue reading
星期六晚係天水圍過左晚飯時間，選擇唔多又想食港式餐，故選了銀龍。甫坐下發覺此區物價指數稍高。點了西餐羊脾扒套餐，連餐湯及飲品。不知是否已夜，等了很久上湯，又等了一陣才上主菜。去新的茶餐廳，必試熱奶茶，看看不同師傅手勢，此處茶味夠濃，而奶不會太多，可以一試。羅宋湯如果稍為熱些就更好。羊脾扒不會太蘇和太肥，黑椒汁D黑椒好香，如果D汁熱少少更好。
continue reading
喺附近見完客，見未食飯，就喺商場搵地方食完飯先返公司。第一次幫襯銀龍，一睇個餐牌，嘩，好似樣樣都好唔抵食，最平叫碗魚蛋粉都 $3x，仲要唔包飲品。點叫得落？唔怪得可以咁高薪請清碗工啦！於是，我見樣樣都係咁貴，就叫咗個素菜粒炒飯 ($48)，貪佢樣樣素菜都要切粒炒，當食佢刀功同功夫啦！材料有菜芯粒、小棠菜粒、甘筍粒、蛋炒飯，顏色又紅又綠又黃，係幾靚嘅！食落菜粒都好爽口，飯粒亦鮮明及有咸香 (我諗係味精，食完有少少口渴)。由於飯係散叫，我就加咗 $20 要杯凍檸賓。凍檸賓無咩特別，在此不談。雖然食物味道唔差，但都未必會再嚟，因為實在唔值呢個價！
continue reading
今天又再一次同老公出街食早餐，係我地岩岩起身既第一餐，所以叫早餐，今次黎到天水圍天富商場，其實商場內都有3間快餐型式既食堂，都係我常去既，今次決定選茶餐廳食，銀龍餐廳因岩岩起身，所以都點左d湯粉麵試下，我點了肥牛既酸辣湯米線，老公點了常餐沙爹牛肉麵配迷你豬仔同奄列，冬啡同熱啡個酸辣米線份量都算ok,夠熱，但係酸辣果放面就未合我口味，酸辣果樣野係肉碎加酸菜同雪菜果類，唔夠酸亦唔夠辣，不過味道都ok
continue reading
食常歺今次第一次在銀龍叫常歺，客人多，流量快，只坐圓櫈，不是太舒服，亦有car位，不過car位等，我叫了個A常歺，都要$40，好似食早歺，首先是搽了牛油的歺包配火腿奄列，味道一般，接著是沙爹牛肉片公仔麺，有微量沙爹味和小小甜味，接著是歺茶，我選了咖啡，咖啡要加2包糖，否則比較苦澀。
continue reading