155
22
8
Exit F, Central MTR Station/ Exit A2, Hong Kong MTR Station
continue reading
Telephone
28254004
Introduction
Mandarin Grill + Bar uses the finest organic ingredients and seasonally inspired produce, offering an exciting, fresh interpretation of grilled classics.
continue reading
Awards and Titles
Best Service Restaurant (2013), Best Western Restaurant (2012-13), Michelin 1 Starred Restaurant (2015-24)
Good For
Romantic Dining
Opening Hours
Today
12:00 - 14:30
18:00 - 23:00
Mon - Sun
12:00 - 14:30
18:00 - 23:00
Above information is for reference only. Please check details with the restaurant.
About Reward Scheme
Signature Dishes
Recommended Dishes
RELATED ARTICLES
2604 views
「香港文華東方酒店」嘅「文華扒房及酒吧」已連續十五年取得米芝蓮星星，最享受食西餐嘅迷人Uncle得知XO仔從未到訪，適逢壽辰就請肥肥家族全員一嚐。接待處一邊為西式嘅聖誕樹，另一邊及正門身後嘅卻係中式嘅兵馬俑藝術品，莫非餐廳走中西合璧路線？！面積寬廣嘅用餐大堂開揚通爽，光線柔和。厚墊椅櫈原來係有轆轆嘅，坐得舒適之外，推櫈都唔洗出好多力，只係相片難以捕捉。天花用上酒店嘅扇形標誌設計，立體到題得黎高雅有氣派。窗邊擺放著少許聖誕飾物，滲出大方低調嘅節日氣氛。長輩早已自備其愛好嘅Winston Churchill香檳；標準裝開瓶費為$500/樽，但都遠比酒牌上嘅標價合理。食物餐牌只有英文版，頭尾兩頁道出廚師採用之國際食材包括節令嘅環保海鮮及源自美國或澳洲嘅牛牛，盡量都會揀選本地農場種植嘅蔬果、香料等。頭盤、主菜及甜品項目共有六頁之多。點好菜，服務生先呈上免費贈送嘅開胃小食。應建議由圓碟嘅上方起順時針方向食，第一件鱒魚籽蝦他他撻皮薄餡鮮爽，右下方嘅煙三文魚紫菜卷就有少少腥，左下方嘅雞肝菠菜蛋糕仔軟彈香濃，都幾得意。麵包每人各兩款，分別為薯仔麵包及brioche，包身都好鬆軟。新鮮生蠔即叫即開。Classic Steak Tartare：牛肉他他鮮嫩柔潤，塗上暖手嘅多士，食落香濃惹味嘅同時入口極其鬆化，口感好有層次，而且唔會好溜。Blue Lobster Bisque（$458）：一如潮興嘅西餐廳做法，湯品先上湯料。展出碗內粒粒龍蝦肉後，再由專人於餐桌上灌入熱辣辣嘅湯湯。龍蝦湯鮮濃香醇，龍蝦肉爽脆甜美，成隻拉麵碗咁大嘅龍蝦湯絕對足量！Slow-roasted USDA Prime Rib of Beef（$888）：靚靚媽咪大讚慢烤美國牛肋扒肉厚軟腍、汁多夠潤。U.S. ‘WBI’ Prime Striploin, 10oz（$988）：碟上左方甜甜嘅洋蔥及脆脆嘅羽衣甘藍十分輕巧；厚厚嘅美國特級牛扒外表黑黑實實，但係一刀好易就切到落去，三成熟嘅靚牛肉質鬆軟，肉味濃郁，而且肉汁豐沛，堅！1963 Mandarin Cheesecake：文華酒店嘅招牌芝士蛋糕喺餐廳食嘅版本好似同餅店嗰個有少少唔同，除咗多咗層朱古力脆脆綑邊之外，糕面仲加咗層忌廉。70% Chocolate Soufflé（$388）：應推介點咗個特濃朱古力梳乎厘，真係冇諗到深啡色嘅梳乎厘竟然可以咁立立令！梳乎厘本身蓬鬆輕盈，黏上頂面濃厚嘅朱古力醬即增添香醇嘅朱古力味，加埋球朱古力雪糕涼浸浸，食落甜而不溜滯，甜品絕不邪惡，朱古力迷一定要試！名酒店西餐廳「文華扒房及酒吧」環境優雅有格調，帶哂手套嘅服務生專業有禮，不同款式嘅牛牛菜式各有特色且高質美味，特濃朱古力梳乎厘甜品更加係一試難忘，唯一酒店星級價未必人人會覺得抵。
continue reading
老老實實如果要食好味嘅牛扒大家好多選擇。Beefbar 啲牛扒質素仲高。咁點解會有人唔去Beefbar 去文華呢？答案好簡單。服務質素好好多。唔係好少少，係好好多。我第一次嚟並非熟客，用真名訂枱。嚟到，每一個侍應都 Mr X 前 Mr X 後。無微不至。同枱有一位高貴年輕女士帶咗個名貴手袋，侍應見到即刻攞張木凳仔俾佢放手袋。呢啲咪體貼囉。文華果然係文華。就算塊扒唔夠 Beefbar 好食。整體晚飯體驗都真係好過 Beefbar。睇吓大家想要乜嘢囉！枱同枱之間嘅間距好合理。唔會聽到隔籬枱講乜。一路食飯一路傾偈我會揀呢度。正！
continue reading
💙STARTERSHome Smoked Salmon 侍廳推餐車出黎即場現切，咸香魚味可自加配料，增加了味道嘅多樣性同趣味orClassic Steak Tartare濃郁牛味配上清新醬汁好開胃💙SOUPLobster Bisque濃烈龍蝦香氣，細滑口感好creamy。龍蝦肉大大粒爽口彈牙，每匙配一粒蝦肉就啱啱好飲晒，分量配置完美💙MAINSMSC Certificated Dover Sole侍廳現場即席係餐車度表演拆骨，外層香煎到乾身微脆，魚肉細實而鬆軟入口即化開，配上白汁微咸增加魚肉鮮味or Australian ‘Cape Grim’ Ladies Cut Beef Tenderloin, 6oz我揀咗Medium Rare, 厚切牛扒煮得超靚， 外層約7成熟，切開入面係完美嘅Medium Rare, 嫩滑紅肉無血水，入口後牛味係咀內爆發，果然係文華扒房！好食到我唔記得影切開嘅相👉🏻👈🏻💙DESSERTS Soufflé 軟得黎有彈性有texture嘅梳乎厘真係第一次食Dark Chocolate Souffl é with 72% Dark Chocolate Ice Cream極濃朱古力甜而回甘，配埋一樣咁濃嘅軟滑雪糕，啱晒小朋友口味嘅我orLemon Souffl é with Limoncello Sorbet青檬味未食已經香噴噴， 微酸微甜配合得剛剛好， 係大人嘅味道
continue reading
記得第一次因緣際會在西餐廳嚐過威靈頓牛扒的滋味，從此對此菜式情有獨鍾。這次女伴特意安排到香港著名的文華扒房，就是想拜訪體會號稱香港最好的威靈頓牛扒味道如何。頭盤叫了龍蝦湯和三文魚，龍蝦湯味道非常有突出，但本人過份敏感所以只淺嚐了一下，但女伴嗜龍蝦稱謂十分滿意。三文魚十分有特色，整塊魚扒推車上席前表現刀功切割。可惜切出來的成果是分別切成大中小三塊：大塊的切得中間穿孔，第二刀切的途中突然完結成中，再補上一刀小的。師傅不知是故意如是還是臨危不亂，擺盤功夫出眾成功將三舊魚排成美觀的正方型，配合各種配料上碟。但將大塊煙燻三文魚切成穿孔分屍，以本大鄉里看來實有多舊魚之嫌。反而更出色的是各種配菜，特別是細蔥給蛋白，前者新鮮香口爽脆，後者乾淨清甜，令人難忘。主菜威靈頓牛柳，女伴選了名副其實的 ladies cut 牛柳。侍應送上利刀兩把，特意提醒要小心使用。目測刀上有漢字牌子，刀身有刃紋，嘆道果然是香港頂級扒房。威靈頓牛柳上菜後賣相完全是滿分 100。酥皮從外觀就感受到其厚而脆身，牛柳是外啡內粉的 demo 級顏色。味道上兩份牛柳的肉質和火候把握都是上乘，特別是女伴不嗜生叫了七成熟，牛柳入口依然充滿風味不柴口，不愧為知名扒房。可惜威靈頓牛柳整體感覺與肉質相比就有所落差，酥皮不沾建議醬汁的部分效果反而更佳，蘑菇泥的部分味道不突出你。結果整體感覺就是在吃一塊上乘牛柳，有點缺少了威靈頓整體特色配合的效果。另外以名牌利刀切酥皮牛扒，未覺有普通鋸齒刀好用，可能還需回家苦練刀功。特別一提是配菜非常出色，洋蔥香甜，薯條香脆可口程度直逼卡樂 b 蝦條，內裡又不失薯仔泥風味。另外還配個甚麼豆的條狀蔬菜，女伴讚不絕口，本大小孩不懂欣賞蔬菜，但仍覺處理出色，味道不令人討厭。甜品選了（檸檬還是蛋白）蛋糕配蜂蜜雪糕，配有精緻蜂窩裝小餅乾裝飾，手工滿分，入口清爽，非常適合作為收結尾聲。慶祝生日再送上一個朱古力蛋糕，味道純淨濃郁，標準五星級酒店應有水準，作為嗜朱古力者十分滿足。食至此已十分飽肚，下次模仿巨星建議空肚不要吃早餐而來，可能體驗更佳。
continue reading
橫跨半世紀的星級文華扒房，連續十五年榮獲米芝蓮殊榮⭐⭐ 經過門口好有歷史感的擺設後，就到文華扒房😗扒房裝修素雅大方，用餐空間十分寬敞，坐得十分舒適👌 ✨十月係文華扒房成立六十周年，所以Menu都轉左✨60th Anniversary Menu $1,688@1 - 前菜😍提供三款前菜，吞拿魚蓉卷幾有鮮味，口感不錯，其餘兩款前菜味道不錯，但記憶點不大🤣 - 餐前麵包🥐🍞第一款係自家製Brioche🥐外酥內軟，牛油香味極重🧈，帶有少量鹽味提鮮，質地好似丹麥酥第二款係Sweet Bun🍞，質地微硬偏乾身，表面帶有一層糖漿🍯，另外可以選擇四款Olive Oil，我地直接叫侍應介紹最多人揀果款，麵包配上Olive Oil，口感會更加夾👍✨麵包可以Encore，建議可以再加Brioche🥐- Amuse Bouche🥣龍蝦湯質地相當細滑，帶有濃郁淳厚蝦香，感受到餐廳在這款湯上花左好多心思，味濃而不膩🙈珍貴的Caviar味道清淡，帶有少量魚香，龍蝦肉質爽彈，建議兩者分開食，更加清楚食到食材鮮味😘 - Classic Steak Tartare🐄如果單食牛肉他他的話，肉質好油潤、鮮嫩，完全唔覺得自己食緊生肉，配上經炭燒過的Sourdough🥖，帶有木香既麵包更加襯托出濃郁牛肉味，多一層口感👍 - Oeufs en Mourette🥚蘑菇炒得帶有焦香甜味🍄，輕微流心雞蛋配上濃郁紅酒汁e🥚，令整道菜很惹味，Pearl Onion更可以昇華整道菜式，口感爽脆、微酸，平衡到整體濃郁味道🤩 - Pithivier🦆金黃色香脆酥皮包著中層味道濃郁鵝肝醬，入口細膩，主角鴨胸鮮嫩厚肉🦆，生熟度剛好，柔嫩鴨肉混合松露汁，難以用言語表達出有幾好食😳，薯蓉質地絲滑綿密🥔，帶有強烈牛油香氣🧈，另一款栗子飽和圓潤，帶點清新感覺😎- 1963 Mandarin Cheesecake🍰經典文華著名芝士蛋糕，帶有少量咖啡味的朱古力餅底☕，更加突出可可味，芝士香味濃郁細滑，整體味道不甜，入口舒服❤️ - Dark Chocolate Souffle🍫招牌梳芙厘混合冰凍雪糕營造冰火口感🍨，一啖既食到梳芙厘空氣感，又食到雪糕綿滑，真係高質素享受🥰 - Mango and Coconut🥭🥥以白朱古力外殼包住蛋糕及芒果慕斯，表面加上大量椰絲點綴，更加突出芒果甜酸味，十分開胃🥳 文華扒房屹立不倒多年，除了食物水平高，服務態度更是值得欣賞👍由介紹食物時的認真、至保持餐桌乾淨的細緻，做到一絲不苟😳整體用餐感受舒服自在，係到慶祝生日真係令我好開心🎂🥰 📍 文華扒房及酒吧 - 中環中環干諾道中5號香港文華東方酒店1樓@mo_hkg@mo_landmarkhk #justlingggxd_finedining#justlingggxd_米芝蓮#justlingggxd_西餐#justlingggxd_中環
continue reading