2
0
0
Opening Hours
Mon - Sun
10:00 - 23:00
Above information is for reference only. Please check details with the restaurant.
轉左手之後越來越差，服務都差無幾，但食物數就非常失望。人地諗住快快食個 15 分鐘 lunch，點知廿分鐘碗麵仲未到囉！又漏雞髀，我已經專登圈到勁大勁深色架啦！係咪想留比自己食唔賣啫？經常都唔比雞髀我食囉！今日個冷氣熱到無開一樣，食完個熱騰騰麻辣湯狂飈汗，滿面汗珠，侍應姐姐見到我濕晒話請我飲杯冰水，體貼，讚！滷水雞髀，一睇隻髀既賣相已知道過期滷髀啦，乾硬鞋三合一。雞髀越來越難食，乾硬鞋不特止，仲要勁咸 ﹗唔想浪費，唯有格硬食晒去。雞髀用微波爐叮到乾硬無肉汁，我覺得食緊 7-11 微波雞髀一樣，無左以前既滷水豉油清香味道。炸雞髀，一食便知係炸滷水雞髀黎囉，掩飾不到，味道還可以，仲有好香滷水豉油味，不過肉質比滷水雞髀更乾更硬，少一點牙力都唔掂，外皮不香不脆，似燒雞皮。煎釀三寶，魚肉勁水，腍劈劈，而且醉得勁少，只有一篤仔。尖椒甜中帶微辣，紅腸穩陣香口不過咸，茄子肉軟棉但皮厚，整體麻麻地，唔難食。烚菜芯，雖然我鍾意食腍，但依家腍到差不多溶，菜甜味已完全流失，如果不配上蠔油就只有雞湯味，不太好。辣魚蛋，我要辣魚蛋，但大陸阿姐您唔係走去淋辣椒油係面就當係麻？我意思係咖哩魚蛋呀，真係激到跳起 ﹗係咪要講咖哩魚丸子呀？返大陸學好廣東話先落黎啦！魚蛋好粉口，假假地又麻麻地，好采唔腥乍，入得口。滷水雞中翼煙鴨胸片牛柏葉河粉麻辣湯大辣，鍾意味王麻辣湯夠辣夠麻又唔太酸唔太油仲滾熱辣送到，好好味！滷水雞中翼浸得 juicy 滑溜又飽滿，肥嘟嘟非常水潤，滷水味又芳香，好食。外購煙鴨胸大路正常，咸香宜人配上麻辣都不錯。牛柏葉灼得剛好，爽到索索聲。原來河粉比幼麵跟麻辣湯更夾，河粉將麻辣湯吸得滿滿，整碗一次過像洪水般倒落肚，爽乎 ﹗爆醉 hangover！lunch 都未醒，食個酸麻辣湯大辣醒一醒先得，出身汗快啲好！生菜蘿蔔貢丸牛腩麻辣湯大辣，生菜爽甜、貢丸味淡腍劈劈，蘿蔔淡茂茂，牛腩鬆化高質味道好。滷水雞中翼紅腸冬菇幼麵麻辣湯大辣，雞中翼浸過龍，爆晒爛晒又霉晒。紅腸最穩陣，香口又彈牙，冬菇都唔差，爽滑菇味濃。近來輕手左好多呢！大辣變左中辣，而且湯比以前甜左，唔夠辣要再加辣椒渣，但唔辣囉。$29 蚊真係唔夠飽，麵底好少，如果無食雞髀，一定要加底。墨魚丸牛柏葉豬紅粗麵麻辣湯大辣，粗麵係大陸紙條麵，白雪雪無色無味，殺人於無形，完全無蛋香，口感仲要勁似浸完水既紙條。墨魚丸勁粉，粉多肉少，好鬼黐牙呢，少少墨魚丸味。牛柏葉夠爽彈，豬紅滑滑入味，正常。似乎真係轉左手喎，唔見左以前煮麵個叔叔喎。依家湯底又稀又淡，叫大辣都只屬微辣，麻辣同酸辣一樣味，我要勁落辣椒渣先有點味道。菜芯蘿蔔牛腩冬菇麻辣湯大辣，蘿蔔唔熱唔甜又有渣，牛腩鬆化高質啖啖肉好味，冬菇爽滑水潤，菜芯清甜，大麻辣湯滿意，負能量爆燈！要食勁辣減壓。豬紅牛肚魚皮餃生菜酸辣大辣，$29 份量勁少，一棵唐生菜、兩粒魚皮餃、三粒豬紅、三片牛肚，租金殺人不見血啦。湯底水汪汪淡而無味，酸就夠酸，無辣味。畸形金錢肚賣相可怕，咬落硬屈屈，毛肚就腍劈劈，質感好差。魚皮餃邊度買架？散開晒，味道無鮮味無魚味，唔知道咩黎。豬紅鞋烚烚又無味，劣 ﹗最好食係生菜，免強合格。
continue reading