4
2
2
2-min walk from Exit D4, Causeway Bay MTR Station
continue reading
Opening Hours
Mon - Sun
11:00 - 01:00
Above information is for reference only. Please check details with the restaurant.
琴晚喺銅鑼灣旺區見到竟然都仲有廿幾元米線，外觀裝潢又唔錯，真係好難得！滿心歡喜入去。。點知。。。首先食物質素真係一般，魚片頭既味道好似唔多新鮮咁，而且米線份量很少，湯底睇落去一啲都唔吸引，因為係真正的"清"湯，完全無任何配菜調味。不過我都明白一分錢一分貨既道理，所以我都唔敢要求太多，加上我自己對味道各方面都唔係太執著，叫啲穩陣派菜式實唔會衰得去邊，所以呢類型食肆一定可以生存到。不過最火既都係啲服務態度。。所以我先叫個單餸米線，真係誇張啲咁講，兩秒都上得，點知我等左超耐！！原來佢無幫我落到單，要強調當期時食客好少，咁樣都可以漏？！其實一入到黎，都已經感受到班員工個種散漫求其既工作態度。。唉。。兩個字，失望！四個字，極度失望！
continue reading
話說有日自己一個人去左CWB，本打算食三哥，但見到太多人排，我又冇咁多時間可以去排，所以好是但地入左呢間米線皇。打開個牌睇，見到$26單餸米，都幾抵wo (係CWB wo~~)嗌左碗中牛丸米線($26)，加左杯凍檸茶(+$8)。一黎到，見酊有5粒牛丸，都幾好 米線唔會太林，又唔會太硬，岩岩好!個湯唔係話勁好食個d，淡淡地都ok la~~凍檸茶都幾甜，篤多幾下檸檬中和下，勝在佢杯凍檸茶都幾大杯下。如果一個人，又想食米線，但又唔想排隊，都可以考慮下呢間米線皇。
continue reading
本身無openrice account,呢一間米線,絕對要令我加入會員撰寫食評,首先,入座個時已經係非繁忙時間,其次入座個時,數埋五檯客都無好喇,入正題,呢間野好似車仔麵咁樣,你想食咩就剔低自己想要既餸,你亦都可以睇餐牌叫既,諗好食乜就叫左類似老板娘既人過黎寫單,咁我就一個米線跟餐牌叫,另一個就寫紙仔親手交埋比老板娘,開頭都無為意,跟餐牌叫左婉貴妃雞米線,米線黎既時候,伙記問我地需唔需要碗仔,咁我地叫兩個米線,當然答佢唔需要,之後當老板娘拎左張用黎埋單既飛仔比我地既時候,先知佢淨係落左一碗米線,而寫紙叫個張竟然無幫我入機,呢個時候當然即時問佢地,呢班人完全無歉意亦都唔會同你講唔好意思,只係埋收銀位,事但執張人地點過既紙問我係唔係,我答左唔係,佢只係講左一句,無左喎,再點過啦..........當然,係一肚火既情況下,絕對唔會再點任何食物到講環境衛生,唔好以為間野光光猛猛,整整齊齊,一係筷子架拎筷子出黎既時候,啲筷子絕對充滿油光,其次碗麵上檯既時候,即時吸引數隻"蚊滋"飛左埋黎,再講講啲貴妃雞,食落口一陣雪味又唔滑,完全唔明白有人話啲雞好食,我亦明白口味既野絕對好個人,但喺咁既扮乾淨環境,加上漏單無歉意,雞極難食情況下,絕對唔會有下次
continue reading
這個晚上, 吃完晚餐, 大家還有點意猶未盡的感覺, 就一同來到新店米線皇宵夜, 聽聞這裡的招牌口水雞撈米線是很特別的, 看看探子所言是否屬實呢!秘製炆豬手 $25先來的是幾款小食, 如這一客秘製炆豬手, 是炆得幾淋的, 以小吃來講, 份量也不少呢.泡辣豬手 $25除了秘製炆豬手, 也試了一客泡辣豬手, 其實也不算太辣, 見CEO吃的時候亦沒有大問題, 是豬手不夠辣, 還是他吃辣的級數升了?醬皇皮蛋 $21接下來的醬皇皮蛋是比較特別的小食, 那個醬是帶點辣, 跟皮蛋的組合, 是相當匹配的.椒鹽雞中翼 $23至於椒鹽雞中翼就沒有試了, 留給其他朋友吧.招牌口水雞撈米線 $43當然, 這個晚上的主打項目還是這客招牌口水雞撈米線, 口水雞吃得多, 但變成招牌口水雞撈米線的樣式, 實在是幾有新意的. 特別之處是把口水雞的辣汁撈在米線之後, 每口米線也吸收了那辣味, 越吃越辣, 很惹味. 加上雞肉也是嫩滑的, 整體感覺是幾令人滿意.潮式牛腩米線 $34這裡的米線是用上天然豚骨湯底, 如這客潮式牛腩米線就是一例, 那個湯底帶豚骨的香味, 不錯.米線皇的招牌口水雞撈米線, 水準不俗, 值得一試!
continue reading
大家應該都見我甚少光顧米線店，什麼譚仔，三哥，雲桂川等，真係大年都唔去一次。原因是我不太愛米線。原來，撈米線又我可以接受。是日吃了一份口水雞撈米線，其實口水雞的醬汁，送飯也好，撈米線也好，都是一流。大概是這原因，我沒有抗拒。至於雞肉，都幾嫩滑。另外，都吃了小食，是一款醬皇皮蛋。皮蛋本身質素唔太差，配上香辣的醬汁，惹味非常，比預期中好。還有即炸的雞翼，熱得燙手，看Matthew仔拿起，馬上話：「好熱呀！」吃辣，還是要有杯凍檸茶，以備不時之需。
continue reading