12
2
3
Opening Hours
星期一至星期日: 06:30 - 22:40
Above information is for reference only. Please check details with the restaurant.
Review (20)
中秋过观塘同阿姨吃中秋饭,又去了平时阿姨就爱去的小区附近的"城中米",这晚的晚餐是阿姨提前同很熟络的老板订好的,不论用料,烹饪水平都超棒!!特别是咸蛋叉烧和牛肉,真是吃了就爱上!!!椒盐豆腐也外酥里嫩,让人停不了口西芹石斑赢在用料,虾有卖相又入味!
continue reading
曉麗苑食肆真係好有限, 來來去去得果兩間, 城中米係其中之一,對於我地呢d無飯家庭, 但求就腳, 兩日都會穿插食下, 因為城中米比較貼近一般中式酒家, 有鑊氣小炒之餘, 亦有燒味蒸魚, ...媽媽prefer 呢間多d. 開張至今, 已經幫襯左4年以上, 雖然老闆, 伙計,洗碗姐姐, 都食到熟晒, 可惜咁耐以黎都未試過有任何"甜頭," 雖然呢樣野都只係bonus, 不過做得街坊生意既, 我相信都唔應該吝嗇, 我覺得只不過係一種生意手法啫 ! 就算唔講有咩jetso, 佢既服務都好應該隨住加價有所改善卦, 平日都還可以, 一到大時大節星期六日, 伙計們都做到手忙脚亂, 完全係自亂陣腳, 心唸都做左4年啦, 有咩大場面未見過要亂成咁, 落錯單啦, 記錯枱號啦, 外賣單做唔切啦, ....... 其次係佢既份量, 價錢貴左但係個量又無相對多左, 通漲同最低工資真係影響咁深, 最過份係呢次, 叫左個酸辣雞翼餐肉米綫, 一隻雞翼+一塊餐肉都算喇, 隻雞翼又會唔會細得有d過份 ? 另一次既奶醬多, 係佢太多order 無即時出 or 烘得太耐 or 隔左好多夜既方包 ?? 多士硬得有離譜, 只係好簡單既奶醬多啫, 其實佢既出品味道係可以既, 只係欠缺左一d人情味, 叫佢換都好似唔多願意咁, 真係有須要改善一下. ..
continue reading
屋企附近的茶記已經食厭了，今日就無無聊聊的走到遠些的這裏吃吧。座位算是舒服乾淨。不想吃太飽，就要個$23的雙併麵餐。有酸辣湯、清雞湯或沙爹湯選擇，揀了理應不會出事的清雞湯，要生麵配冬菇鮑片和魚肉腐皮卷(因為雲吞售罄)。落單時伙記不停提醒我鮑片真的是鮑片(怎麼可能!)，魚肉腐皮卷是魚腐(吓?!)。也懶得探討她的product knowledge，索性等食。不消一刻答案揭曉，幸好我的理解力無問題。鮑片是預料中的罐頭無味螺片，要來過一過口癮而已。魚肉腐皮卷不是魚腐，而是鯪魚肉和沒腐皮的炸魚卷。有種餐牌文字只供參考的感覺。鯪魚肉算有魚味但不夠鹹，有頗大條骨要食得好小心。現成炸魚卷味道不提也罷。沒事先醃過煮過的冬菇不香；清雞湯清到連味道都似水一樣淡，只有生麵鹼水味。生麵煮的太腍。怎麼好簡單的一碗麵也可整得這麼難吃? 熱咖啡又是即溶的酸味咖啡。又是喝了兩口就停。付上學費$23，blacklist這裏的麵餐。
continue reading
有一次同屋企人黎過呢間餐廳，間餐廳除左冷氣同座位比較好之外，真係好多嘢唔係好掂，同屋企人坐底之後再點幾個餐，但當我地想叫人幫我地落單既時候，就發覺一個侍應都見唔到，再坐多一陣，之後終於有一個經過我地附近，我地係咁揮手，個侍應就話〔好快，等多一陣．〕我地等左好耐，再四周圍望下，就見到佢地(好幾個侍應)全部企晒水吧旁邊，又唔肯四周圍睇下，我地開始枯燥，終於無耐有一個過黎問我地食乜嘢，我地都一口氣叫左幾個餐，等左唔係好耐，D侍應都放上茶餐，飯餐同餐飲，但係當每次放底時就好大聲”拍”一下就走左去，見到佢地個樣就好似唔係好想做咁，比我地既感覺佢地既服務態度極之強差人意，再加上佢地出既茶餐，飯餐同餐飲，簡直不予置評，D茶出黎既效果又唔夠熱，個飯極之普通，屋企煮既飯都仲好過佢地，最慘就係我地食完晒D飯之後，再睇返張單，點解張單都無價錢既，一直以來我地去開既餐廳都會有價錢出，張單又睇唔到價錢，又要出黎比我地睇，都唔知出黎做乜，有單同無單都無分別，寫上去既嘢又唔知佢寫乜，望落去似”鬼劃符”，跟住我地都計左好幾次個總數，到最後就比錢埋單，之後個收銀計出黎比我地計既多一蚊，我地問佢果一蚊收喺邊到黎，佢就話個茶餐既餐飲，個茶餐既凍飲都加三蚊，點都貴過人，而加又加到四蚊，會唔會太離譜！！我地要求佢計一次比我地睇，先知道佢地計多左，（下！有無搞錯！我地要求你計先計多左，我地唔出聲就當無事發生．，簡直係有欺騙成分，原來間餐廳落單唔寫價錢既原因就係薄你唔知，呢間餐廳既種種問題，一次已經足夠，如果可以既話，我地寧願行遠少少到”味皇”都總好過去一間”唔知係唔係做生意”既餐廳．
continue reading
好耐都冇打食評, 而家一次過補返晒~話說4月20日, 友人因為要來看醫生, 但又未食野, 所以去了隔離的茶餐廳之前都有食過佢的瑤柱蛋白炒飯, 都覺得超正今次再食埋佢個tea, 真係覺得冇得彈!今次tea, 食了一個雪菜肉絲米, 一份烘底面包及蛋奄列, 和一杯熱檸茶盛惠$24好似有點貴但食完後會dum一聲, 就值回票價了雪菜肉絲米味適中, 食唔到有味精, 而且很香雪菜肉絲味, 正!熱檸茶普通, 冇咩太特別烘底面包及蛋奄列真係一流! 個烘底面包仲好食過太興個早餐, 脆得來又有陣陣多士香~總結而言, 呢度有間咁good的茶餐廳, 真係太好了!
continue reading