316
66
16
2-min walk from Exit A, Whampoa MTR Station; 德民大廈入口對面
continue reading
Telephone
26270766
Introduction
Tenno Ramen provides 4 different kind of Japanese ramen which are distinguished by colors including white, red, black and a limited edition that will change from time to time. The soup base won' t be too salty. Indeed, the price is reasonable compared to other ramen restaurants.
continue reading
Opening Hours
Today
12:00 - 22:00
Mon - Sun
12:00 - 22:00
*last order: 21:30
Above information is for reference only. Please check details with the restaurant.
Recommended Dishes
走入這間拉麵鋪，先係留意到溫馨嘅燈光同精緻嘅裝潢🍜，店員嘅微笑令人感到好親切。今次我揀咗赤天王，係辣嘅選項，不過一啲都唔燥口，勁正！湯底香郁得滯，辣度啱啱好，攞勻湯汁嘅麵條走勻晒整碗，每一啖都喺咀裡面踩舞💃。辣芽菜更添晒風味，爽口得滯！叉燒方面，軟嫩啲唔得，溶喺口裡面，肥瘦就平衡得剛剛好，正到彈！再嚟講講黑天王🍲，黑色嘅湯底好特別，入口先係黑蒜嘅濃郁香氣包圍晒，好夠哂味！麵條又係屹立唔倒，硬腍度啱啱好，將豐富嘅湯汁揹喺背上，點都唔會落墨。最後嘅驚喜係限定天王。嗰碗未食前已經估到有驚喜，賣相精彩，食落真係味道層次分明。呢度嘅拉麵證明咗，食物唔洗貴，都可以幾有水準味道豐富，真心值得一試！你下次搵晚餐嗰陣，記得拎條腰帶，準備挑戰呢碗滿滿嘅滿足感吧！🥢
continue reading
拉麵天王@德民街經過紅磡搵吓有無乜野好食可以試吓。係一條巷仔見到呢間網上都算出名嘅拉麵店，晚飯時間同朋友見到唔洗排隊就有位，於是行入去試吓。舖頭裝修有日式拉麵舖風格，有吧枱或卡位可以坐，但入面無一般拉麵店逼夾嘅感覺，座位闊落、冷氣充足。呢到只有幾種麵可以揀，分別係經典嘅白天王(原味豬骨），赤天王(辣味豬骨），黑天王(黑蒜油豬骨）及限定天王(每星期唔同)。另外仲有沾麵同幾款小食。麵嘅軟硬度、湯濃淡度都可以自由選擇。🍜赤天王拉麵朋友叫咗個赤天王拉麵，我都少少咁share試一試。佢嘅味道食落又唔算好辣，啱晒想食辣但又淨係食小辣嘅朋友。新鮮整好嘅湯底夠曬熱辣辣，又唔會有過重味精嘅感覺，拉麵口感煙韌，唔會太軟太硬。配菜有椰菜、木耳絲、蔥花、紫菜丶筍同日式叉燒。叉燒嘅肥瘦適中，食落亦都係入口即溶，真心出色，可惜只係得兩塊。仲有半隻糖心蛋，做到半熟效果，味道好好。🍝沾麵而我就揀咗試吓沾麵，沾麵湯底我揀咗濃味，但係冇想像中咁杰，夠味得來又唔會飲到好頸渴。佢用嘅湯頭係豚骨魚介湯，飲落有陣豬骨味，加上唔錯嘅彈牙麵條，非常推薦。配菜方面，隻蛋夠曬流心而且比足一隻，抵食！叉燒最多人一塊，搞到朋友鬼咁羨慕。🐮牛舌除咗拉麵之外，我哋仲叫咗啲小食。佢嘅呢個炆牛舌嘅火候啱啱好，唔會話太韌太老，食落肉質林林地幾易入口。🍇巨峰乳酸梳打我食親日本野就一定要飲波子汽水，朋友就叫咗杯特飲試下，我試咗啖又覺得幾開胃，唔會太甜。
continue reading
⭐️黑天王拉麵 💰85其實平時我好怕食啲好咸好重味精，食完之後會好口渴仲要不停飲水嘅黑蒜湯底拉麵。所以我一定唔會去啲未食過嘅拉麵店叫黑蒜湯拉麵。呢次係我第二次嚟食，第一次係叫白天王拉麵，覺得好好食，直覺覺得佢一定唔會係味精水果種。一上菜第一時間當然係飲一淡湯底，識食一定係咁食😂濃厚的黑蒜油湯底真係冇令我失望，濃厚得來不會咸不會膩，仲帶點豬骨味，清香得嚟帶點回甘。絕對係可以飲到見底果種（冇吹水，有圖有真相，我真係飲晒架），我覺得佢仲好食過我上次嚟食嘅白天王。而麵方面我每次都會選硬的口感，口感同上次一樣，水準夠穩定，係我最鍾意果種💛另外仲有椰菜、木耳絲、蔥花、紫菜、筍同叉燒薄片等都很出色。整體來講，係我食過數一數二好食嘅黑蒜湯拉麵。絕對係會encore嘅拉麵店💛
continue reading
最中意發掘好味既拉麵行開紅磡，見到呢間拉麵門口寫住日文名，好正宗咁😂好奇心驅使下要一探究竟，點知就入左我喜愛拉麵店之一❤️白天王拉麵 $75白天王湯底係味道層次好豐富好濃味的豚骨湯底，直頭係會飲到陣甜味，幼身既拉麵完美掛湯，叉燒薄身但肉質偏肥，充滿油香。整體來講係我係香港食過數一數二既拉麵💯💯💯黑天王拉麵 $85黑天王拉麵同樣出色！一般會怕黑蒜油湯底會好咸，但呢間完全唔會！甚至乎比我個白天王湯底更出色，甜味更重！係直程可以飲哂d湯😆🤤呢間拉麵店我會經常去光顧，因為真係好出色！
continue reading
紅磡德民街兩條小街有一列餐廳，巷仔搵到呢間拉麵小店，裝修幾靚店面乾淨企理。拉麵選擇係經典嘅白赤黑三款，外加沾麵同限定總共五款，麵可加配料，另外有幾款小食。白天王係最經典嘅豚骨湯底，揀咗淡味食落冇咁滯但麵條一樣掛到湯，湯頭揀淡味飲落依然有好豐富充滿層次嘅味道，果然花咗嘅時間同食材係飲得出。呢碗好滿足。沾麵用嘅湯頭係豚骨魚介湯，飲落係比起白天王外加咗層鮮味嘅感覺，用嚟沾麵好夠濃郁，想飲嘅話單飲會好咸建議食曬叫加湯先飲。小食餃子同唐揚正常，豚角煮比較少見到幾特別值得試吓
continue reading