64
20
4
Introduction
提供精品咖啡,單品咖啡,店中所有自家製作
continue reading
Opening Hours
*last order: 21:30
Mon - Sun
10:00 - 22:00
Above information is for reference only. Please check details with the restaurant.
Recommended Dishes
今日同朋友去附近行山, 咁就約左黎呢到食個早餐先出發啦~未入到門口已經係附近比佢既咖啡香吸引左, 原來佢地炒梗豆, 忍唔住落山之後去買左包豆!!講返食物, 我地每人都叫左個All Day Breakfast,份量好夠, 牛角包鬆軟, 炒蛋又香滑, 一早就好邪惡咁叫左杯affogato, 望住杯espresoo倒落去D雪糕係到溶, 唔知點解好治療, 咖啡果然無令我失望
continue reading
屯門有個地方叫「紅橋」，因為那處有兩條紅色的行人天橋。這裏食店林林總總，我今天光顧了一間叫海圖的咖啡店。咖啡店給我的第一印象是——好多字！玻璃門入口寫滿了字，我在門前站了很久才走進去，其中一句打動我的是「生命其實很簡單，只是我們誇張了」。走入咖啡店在木凳坐下，抬起頭就見到寫得密密麻麻的餐牌，近天花板的告示提醒食客「我地係一間咖啡店！」今日在海圖食午飯，我點了一份全日早餐，加$10可以將薯角轉做薯餅。這個決定沒有做錯，因為海圖的薯餅整得好好味！唯獨是全日早餐裏的粟米比較凍，跟熱辣辣的炒蛋形成強烈對比。雖然同為蔬菜，沙律菜凍一點沒所謂，我預期全日早餐裏的粟米會暖一點。飲品方面我點了一杯鮮奶咖啡，拉花很特別，咖啡味也很濃。鮮奶咖啡 $35全日早餐 $78
continue reading
一直支持良心小店，真心希望良心小店可以一直進步，希望你地可以自己試試個意粉加以改良！第一次入屯門，lunch 得半個鐘，行咗好遠為咗搵良心小店，真心唔太好食。蕃茄醬好酸，無其他調味，menu 上面寫有銀魚柳但搵唔到。牛肉粒好韌好柴亦無調味，咬到心情跌落谷底…最後真係努力食咗四份之一，之後掉咗🥲對一個做咗成朝嘢嘅打工仔嚟講，一個好味嘅lunch 可以慰藉心靈，食完真心覺得唔值$68，亦好sad，希望店主可以努力改善🥲🥲💪💪做一間好味又有良知嘅小店，香港人加油。
continue reading
因為staycation嘅關係，所以喺屯門搵食，聽朋友講虹橋附近有好多餐廳，果一晚我哋係星期六夜晚黑七點幾鐘，見到好多餐廳都要排隊，然後見到海圖有位，環境都幾舒適，於是就入去試吓。我哋叫咗一個全日早餐和鏗魚柳蕃茄汁配牛柳粒意粉，意粉上枱個碟都幾靚，亦都有啲沙律菜伴碟，牛柳粒分量多，意粉唔淋。另一個全日早餐都好大份，蜜糖薯角好好食，牛角包係暖暖的，火腿和香草腸都煎得剛剛好，配上沙律，醋味酸酸的好開胃，又唔會好熱氣。我仲叫咗杯凍朱古力，賣相都好靚，朱古力味濃。因為座位不多，環境舒適，我和朋友都享受左寧靜的一個晚上。
continue reading
最近在景峰附近上班，所以多了時間在此處解決午餐，不過在中午時段，想吃的拉麵都滿座，而又不想等就四處逛逛，竟然讓我在街市的角落發現一間小Cafe，當時店內仍有座位而不用等，我便立刻衝入了，畢竟午餐時間不多了。位置：相當偏僻，正在小巷角落，很容易被人忽略了，而對面正是賣蔬菜檔的街市，所以可以通過在店內的大門看到人生的百態之一：街市買菜，真是很獨特的風景。環境：店內的空間較小，只有四張桌，店外有一張兩人桌。不過裝潢相當有心思，甚至於水管都有經過佈置，牆上滿是海賊王的模型和漫畫，牆下則是客人留下的詩句，一邊吃一邊看，不時會心微笑。服務：由於當時只有一個負責人，已經非常忙碌，又要沖咖啡和烹調食物，所以要客人主動去吧台點單和拿水喝，否則是沒有人會理會你。餐單上亦會提醒客人這一點，但是我不會覺得麻煩，畢竟服務員也是人，而且也沒有收取服務費。食物：意式蕃茄芝士肉醬$68+Hot Latte$20份量非常多，就算是男士也足夠吃，賣相十分吸引，引起人的食慾。我最欣賞是肉醬，不是超市的肉醬包，是自家製的肉碎，我還吃到肥肉，芝士也下重本，不過愈吃就愈膩！意粉沾滿醬汁，碟底也不多油，值得稱讚！
continue reading