朋友介紹食飯，上到去環境好。

食物質素份量剛剛好，生蠔好生鮮，香煎鵝肝有驚喜，不太油，配合新鮮麵包非常好味。

可惜上半段已經食飽，不半段的扒和意粉食唔落...

美中不足是個廁所好多人嘔所以好drity.. 處理一下就會更好。

個晚係星期五
咁我係星期一打左去訂位
講明我想食多海鮮
佢話會幫我諗再回我

係星期五大概５點幾佢就打電話俾我ｃｏｎｆｉｒｍ
準時上到去
人到齊佢地就介紹當晚既菜單
拎野飲俾我地
服務好好


５分鐘到開始上菜啦好似係西班牙魚
佢唔係爽口嫁
不過驚喜在佢係彈牙
真係估佢唔到
勁好味西班牙火腿
好香呀
我一個人應該可能食１０碟
麵包超超超超超超好
軟身
食得出係新鮮之作嘩嘩嘩
蝦仲大過我隻手板呀
真係勁大隻
一向要求高既屋企人都食唔停口
一人一隻太小啦
每人５隻都食得到
因為真係好甜勁多高
我食完好有罪惡感
因為我唔食㙰肉所以唔知味道
不過只食㙰高既我已經開心到不得了主角
每人４隻
由唔同地方泥既

好有耐性教我地食邊隻先
由淡到重口味
食完４隻想再泥多ｒｏｕｎｄ鵝肝
ｐｅｒｆｅｃｔ
出面脆脆地但入面好滑
同麵包一齊食罪惡感會小ｄ主菜羊扒
一人一件
正
肉汁鎖哂
唔太生但又唔太熟甜品
上年泥既時候覺得太甜
今年變好左

打完發現自己好肚餓
哈哈

之前食過一次其實覺得質素唔係咁好
但同事仔諗到唔洗等位又想食既就係呢度..

一個set 有好多野食
餐湯、餐包, 仲有沙律不過個忌廉湯就好水, 淡而無味。印象中上次都係咁.. 完全無改進呢
小小餐包熱辣辣, 外皮幾脆身沙律就有d hea.. 只有一隻蝦

主食我點了白腸忌廉意粉
呢個忌廉又係稀釋如水.. 同個意粉都夾唔到, 做唔到應該有creamy 既感覺同事仔點了牛扒配薯仔幾un 既牛扒, 而且唔係厚, 好彩有d薯仔才不致會唔夠飽

甜品仲有藍梅芝士蛋糕一d藍梅都無, 岩晒我地唔食藍梅既人
但係連芝士味都無, 點樣叫做芝士蛋糕呢! 好失望
個蛋糕又係鞋口…
最後加埋餐飲, 完成一餐豐富lunch~

見好耐無嚟,便相約3位好友一齊食lunch,但真係大失所望,同以往食過嘅味道完全唔同

是日餐湯 – 超係一個唔夠熱嘅罐頭湯

炭燒牛肋排 – 勁多油,無肉味,好un

甜品 – 個蛋糕有乜特別,同响嘉頓買嗰d冇分別

埋單唔算貴,每人都係百零蚊,但真係一d都唔值!!!

8月26日晚上約左同事來這裏食晚飯,因同事識這裏的老闆,又覺得食物及環境都好好,所以我地八個女仔就一齊嚟試下啦. 因為識老闆既關係所以同事話我地大約每人大約要300元,佢就會叫餐廳安排大約份量及價錢既食物.

果日係星期五所以都幾多人,我地7點幾去到,餐廳位置都幾方便,好近地鐵站,在商業大廈的樓上,裝修都幾新及靚的,掛左一些都好特別,餐廳做緊推廣,食晚餐就可以全包酒水,包括紅白酒,雜果賓治.當然質素唔會太好啦.

我地食左10道菜:
未上菜已經送一籃配包俾我地,麵包都有幾款,
先嚟當然係生蠔啦,有兩款,一款係南非,另一款係愛爾蘭,我較鍾意重味d既南非,真的好新鮮肥美呀!!唔會有鯹味,好正!!

牡丹蝦又係大大隻,肉質鮮甜爽口,好新鮮好正,蝦頭有好多膏,不過我咁樣食生既膏就麻麻地,老闆話可以幫我地炸埋個蝦頭嚟食添,炸完出嚟賣相都好靚,味道都好味呀,熱辣辣卜卜脆!

帶子,都好大隻架,加埋些芝士汁一齊食都好味喎,帶子肉質唔會好鞋,都幾鮮甜呀,配埋些蕃薯苗及露笋簡直係絕配

因為有間房包左場做function,可能驚我地既嘢嚟得好慢,所以頭幾道菜都好快上,朋友就叫出菜唔使出咁快.

煎鵝肝,都好大件架,煎到外層香脆,肉層仲熱辣辣軟笠笠,好味呀,如果配埋多士就一流.

飲下d白酒先,唔係甜既,ok的. 再嚟係什菌忌廉湯,呢個湯真係淡淡都係什菌,不過今次重手左,有點咸,但都好好味及好飽肚呀!

黑松露菌意粉,好香呀,味道ok,不過同事話上次食好味d,但我冇食上次所以都已覺今次好好味,什菌的份量都算幾多.真係好香菌味.

蘇眉西式食法,魚肉變得好硬及好鞋,麻麻地呀!!清蒸好味好多呀.

羊架,好大件不過個樣好生好生,唔知有冇五成熟,但食落去又ok喎,唔係好酥,但又唔覺好生,配埋d薄荷啫喱及黃介辣食就係絕配啦,不過好肥,好多肥膏呀!!

香煎西冷扒,我地叫佢七成熟,但好似都唔夠,不過牛生生地都好好味,西冷煎得好香,好好味呀,牛扒就唔算肥啦,仲幫我地切開細細件添呀!

最後係甜品拼盤,其實只focus心太軟,其它的都冇咩食及期望,心太軟真的好味喎,入面既流心朱古力啱啱好,好香又唔係太甜,正呀!其它的我不知道是甚麼亦覺麻麻地.

還有每人一杯餐飲添!!

整體感覺係好滿足及服務都好好,食物質素好高,尤其係生蠔,牡丹蝦.

好話應說在前頭。
正如舊同學 A 小姐所說，這裡的咖啡最好。
一方面的意思是：咖啡比其他地方好；
反過來理解則是：除了咖啡，其他不甚突出，正如這天吃的午餐
美國極黑豚扒，英文寫著Kurobuta，只差不是常見的日本或西班牙那種吧。
不過肉質實在略嫌有點結實、粗糙，不容易聯想到黑毛豬。
結實的不止豬扒，還有伴碟的薯仔，應該未煮熟透，所以有點硬、爽。不過，好話也可說在後頭：那杯咖啡又香又濃又大杯(抱歉，只顧著飲，忘了拍照)。

朋友訂枱，第一次來此吃午飯。

套餐是典型的六道菜的西餐。主菜有四款可選擇，三款是$93，一款是$98。因為我和朋友都不太肚餓，所以只點了一份$98的套餐，兩個人share。

餐包：不算太軟熟。
餐湯: 俄羅斯雜菜湯：酸度適中，有不少雜菜。味道OK。
沙律: 蟹籽青瓜田園沙律：清新健康，惟蟹籽略少。
主菜: 煎焗法國Rougié鵝肝釀蜂蜜烤雞卷伴南瓜薯蓉：烤雞卷有三大件，味道和肉質都OK。南瓜蓉香甜，但略嫌份量少。配菜有西蘭花、菜苗和甘筍，味道正常，但份量少。
甜品: 黑森林朱古力櫻桃蛋糕：一般黑森林蛋糕的味道。
餐飲: 香草果茶：喝不出是什麼果茶，味道清淡。

埋單連加一$108，以中環區的西餐來說，價錢合理，但食物味道不算十分突出。環境清靜，佈置簡潔，感覺挺舒適。

今晚好開心, 因為生性孤寒嘅老闆請食飯, 對佢不寄予厚望!!! 不過食免費就算啦 ...

經利源東街小販檔再到餐廳, 會有一個好強烈嘅對比, 餐廳比我想像中大, 燈光好柔和感覺好舒服, 穩穩陣陣 ...

至於食物方面:

蠔 - 雖然我唔係食家, 但都知宜家唔係食蠔嘅季節, 不過餐廳老闆極力推介來自愛爾蘭同法國嘅蠔 ....
講真, 真係冇介紹錯, 前者肥美, 後者比較瘦, 但鹹水味好重, 好鮮 ... 正 !!

水牛芝士沙律配葡萄黑醋醬 - 唔使多講, 水牛芝士唔太溜, 跟新鮮蔬菜同黑醋配合, 已經開哂胃 !!

磨菇湯 - 好濃郁, 好香好好味 !!

巴黎牛油焗扇貝伴鮮露筍配香檳汁 - 牛油將扇貝焗得好香, 跟露筍配合得非常恰當 !!

扒澳洲羊骨排伴香濃乾葱紅酒汁 - 羊架好好味, 一點"蘇'味都冇, 再伴紅酒汁, 帶點點甜, 好特別 !!

甜品大會 - 有心太軟, Mousse Cake, Cheese Cake, Tiramisu and Creme Brulee .... 因為餐廳老闆好好人,
俾我哋試哂咁多款甜品! 蛋糕唔太甜, 糕身好幼滑! 至於心太軟冇試到, no comments !!

因為冇影到相, 其實個餐包都好好食, 脆卞卞 !!
另外, 最後的驚喜 ... 就係杯香滑咖啡 (Vesuvio Coffee Bean, 100% Arabica Double Roast)
當然我唔係識, 係抄餐牌嘅 !! 我敢話係ORO18食飯, 唔點咖啡飲, 簡直一大遺憾事 !!

以紅白酒任飲再加以上食物, 四位只需$1,400 .... 抵 !!

經過今晚, 要重新估計我老闆啦, 同呢間餐廳一樣 .... 實而不華 !!!!! 多謝老闆

聖誕節正日只係得SET MENU, 重好唔駛同女友諗到底要食咩... 睇過個MENU 的嘢食又唔差就直接入去食了.. 蟹... 唔錯, 夠多膏 生蠔夠新鮮.. 的蝦真係一流, 好甜 翅湯.. 不過不失, 不過提一下係的面包好好食.. 鵝肝.. 夾住法式面包好食好多... 羊扒夠晒JUICY, 有少少過熟, 所以有的失分. 心太軟係強烈推介... 食多倘都冇咩問題.

總體來說完全係上級水準... 加上環境一流.. 可以坐得耐又舒服..

同事介紹左新地方, 完全唔知中環有d 靚地方而且唔係貴既西餐
一點前埋單$58 起~~

包+餐湯
是日餐湯係忌薕火腿周打魚
樣子唔吸引

炭燒短骨美國牛肋排配秘製燒烤醬汁伴薯菜
成個排好多油, 而且無咩肉
個薯菜偏鹹

椰子慕絲蛋糕
either 餐湯 or dessert
我地分別兩樣都叫..
慕絲唔滑, 而且個蛋糕係硬身, 唔好食

餐飲叫左咖啡提提神
濃味算不錯~~~

如果以$63 既price 食個set lunch 有呢個quality , 我覺得係acceptable 既..