25
3
5
Telephone
2375-9008
Additional Information
開瓶費:$80一支, $40 半支裝
切餅費:每位惠顧$150或以上, 可免切餅費
Opening Hours
星期一至星期六: 12:00-15:00 1800-01:30 星期日及PH: lunch closed dinner 1800-11:30
Above information is for reference only. Please check details with the restaurant.
Signature Dishes
食物質素其實還可以，豬肉湯拉麵還不錯。但部分服務員態度卻「非常有進步空間」。話說我們二人一進店，其中一店員便問我地：「幾多位？」同伴即用手做出2人手勢。但店員沒有看到，就覺得我地無回應佢。即時遞上餐牌時面口已經麻麻，當時我仲未為以。點知到點菜，叫左個拉麵，再問佢燒飯團有咩料，我地好明顯用廣東話問佢，佢卻一直木口木面，唔講野只係手指指個餐牌。到我地問佢有咩店內推介，佢就突然話：「嘩！原來你識廣東話架？？你地頭先無應我我以為你地講其他話咋！」我照答佢：「其實我地應左你你睇唔到。」都算啦…繼續叫佢介紹，佢就話唔知我地有咩喜好，好難推介。跟住我話唔係炸野就ok(因為有bb,怕太熱氣會影響到個胎）點知佢又話：「如果係咁，連叉燒拉麵你都唔應該食啦！」（其實…我聽到佢咁講經已有d無言）同伴再問：「咁菜類呢？」店員：「咪普通炒椰菜囉⋯」同伴：「咁沙律有無介紹？」店員照讀餐牌有邊幾款。我feel到這種對話根本無意思，所以叫佢照落order。亦由於對方態度太差，我地決定唔再加單。為免影響情緒，亦唔再同店員爭辯。老實講，食物真係唔差。但我地真係唔會再去，點解要為碗麵走去俾人串同受氣呢？？傻的嗎？？
continue reading
上星期一有晚去左佐敦既言居酒屋食野.叫左個雜錦魚生飯, 份量十足, 賣相一般, 但新鮮.放左好多蝦籽, 又用日本米, 仲有好多香蔥, 好味. 另外貼心咁俾左2款唔同既醬油你去點刺身~好食~@@同事叫左長蔥碎吞拿魚腩飯, 我地2個飯SHARE 食, 佢個個賣相俾雜錦魚生飯更靚, 佢D魚蓉甘香味道一流, 仲有隻蛋係上面~加埋魚蓉, 正~!仲有叫左燒牛利, 質感唔錯, 燒得幾好食.比較特別係個南瓜雪糕, 佢羅個南瓜裝住, 賣相一流又CUTIE, 食落南瓜味好重, YUMMY!中意食南瓜既要試下~
continue reading
行行下街見到幾得意咁就去食啦...舖頭細細...但好有日本舖頭feel....仲有部電視播緊日本既遊戲節目..可能我地早去到....冇咩客...但差唔多7點就不停有客入....我地2個人叫左好多野食....最記得一個叫河豚干....睇落去好似冇咩特別...但食落去真係好好味....我地心血來潮想叫清酒....咁佢地好有耐性介紹比我地....淡淡地,容易入口....值得一讚既自家制餃子.....正....好少地方食到咁好味...真係一言難盡....
continue reading
間餐廳並冇搞聖誕大餐,只係平安夜去咗嗰度食唔知點解食評個個都話好食,但係我覺得好難食1. 帶子壽司:粒帶子味道同一般既冇乜分別,不過薄過平時食開啲迴轉壽司既一半,價錢就係嗰啲迴轉壽司既一倍以上2. 海膽壽司: 海膽味道都係同一般既冇乜分別,分量亦算合理,不過唔知點解唔係橙色,佢係淡黃色3. 軟殼蟹卷物: 真係名符其實,隻軟殼蟹軟到呢...好似開咗好耐既薯片,同一般唔同既係個卷物入面包咗好多蟹子4. 清酒煮蠔: 蠔都係好細,不過有三隻,冇乜渣5. 和風燒牛脷: 呢個味道口感都好,略嫌唔夠熱(已經一上枱即刻食)6. 牧丹蝦刺身:size一般大細,蝦身夠彈性,新鮮7. 蟹子沙律:都係同一般冇乜分別,冇驚喜,不過佢隻蟹柳竟然冇撕開,要自己搞8. 煙肉虎蝦燒: 我只覺得係好普通既煙肉包住隻蝦嚟燒既串燒,不過價錢唔係普通串燒價9. 牛肉鍋烏冬: 咁多樣嘢竟然最好食係呢樣,味道適中,不過牛肉少少澥,烏冬口感好因為夠彈牙
continue reading
家姐同朋友食完一次之後極力推介個秋刀魚刺身, 仲話淨係呢個月當造, 所以同家姐去食 不嬲都對d細細間o既舖頭仔有d 感情, 覺得佢o地自家製o既o野食會有heart d... 果然, 無令人失望 佢個廚房細細, 得兩個人, 侍應得一個, 係會耐d, 但係我覺得可以接受, 去得呢d 地方食飯都唔會想快d 食完快d 走o個隻 其實佢除o左刺身同壽司之後, 串燒亦都係佢主打, 不過, 真係燒得幾耐.... 個秋刀魚刺身, 無寫o係menu度, 要你自己問佢先有 其實我之前無同家姐講, 我不嬲對秋刀魚刺身麻麻地, 又酸又腥腥地, 同埋我覺得d 肉d 口感成日都好似霉霉地咁, 我知d 刺身本身唔係霉, 但係放到入口d感覺係.... 唔使同牙咬都已經可以”顏”爛, 又唔同拖羅咁入口即溶o既感覺... 總之, 就係麻麻地.... 但係呢度呢個, 又真係與別不同, 味道鮮甜亦有咬口, 比出面貴兩倍都抵o既..... 好難得我o地兩個”刺身壽司癡”竟然淨係叫o左秋刀魚刺身, 其他都係燒物... 再一次証實o左, 我都仲係食唔到蠔.... 咬o左一啖已經唔掂, 好彩今次無反胃.... 本身個蠔無問題, 係我自己不嬲都食唔到….. 其實仲有叫其他o野, 不過掛住食無影到相..... 題外話... 食食o下, 隔離枱坐o左個日本人.... 日本人食麵真係”o雪”得好大聲..... 如果我咁樣食麵, 比我阿媽鬧死都似..... (P.S. 舖頭細, 要等位… 預早少少時間去…)
continue reading