1
0
0
7-min walk from Exit D1, Wong Tai Sin MTR Station
continue reading
Opening Hours
Mon - Sun
10:30 - 20:30
Above information is for reference only. Please check details with the restaurant.
就係屋企附近，已經開左好幾個月，亦都試左好幾次！真係覺得好食，所以想推介下…典型家庭式營運!! 今日星期日放假…同老公去食個早午餐，近期愛上屋企附近呢間印尼餐廳，舖頭細細，食物種類唔算好多，但勝在有誠意，老闆成日介紹一下食物，有時會介紹一下佢地新整既食物，咖映包…有原味同斑蘭味！上次老闆就請我地食豆腐花，佢話係自己撞既，真係好香豆味！今日既早午餐我地食左特色印尼竹昇手打撈面…佢既麵唔係公仔麵，係手造既竹昇麵！入面有 魚旦 叉燒 旦絲 肉絲 蝦餅絲我地都鐘意落甜豉油同白醋…落左甜甜酸酸辣辣地咁！好開胃印尼沙律呢個每次黎到必食…入面有青瓜 沙角 菠蘿可以加辣椒tim...我地多數加半隻！少少辣好香口鹵水雞亦竹昇麵有三隻好入味既雞亦同半隻鹵水旦總括黎講我地都覺得好食，抵食，同最緊要有誠意！除左有午餐晚餐外，仲有甜品食！不過係之前食既！我最愛既心太軟配曲奇雪糕…即叫既造，朱古力係流出黎嫁！仲有老公最鐘意既綿綿冰，佢既芒果綿綿冰係好香芒果味，同好濃味！
continue reading