48
18
4
6-min walk from Exit A, Whampoa MTR Station
continue reading
Opening Hours
Mon - Sun
15:00 - 01:00
Above information is for reference only. Please check details with the restaurant.
Recommended Dishes
呢間甜品店🍴已經屹立多時，佢哋有超多款唔同嘅甜品🍮供應，仲有熱銷甜品排行榜😆。我今次就揀咗 Bailey’s 雪糕紅豆冰🤤，賣相都幾有睇頭🤩！頂嘅雪糕🍨幾大球，係雲呢拿味，佢淋咗 Bailey’s 都幾香，但多數 Bailey’s 都係底部，所以底部嘅🧊冰碎就充滿 Bailey’s 味🤤，不過我比較欣賞嘅係佢啲紅豆🤩全部大大粒好飽滿，又香又甜又粉嫩👍！朋友仔就揀咗🍫心太軟配豆腐雪糕🍨。個🍫心太軟幾香濃，不過流心程度就一般，個豆腐雪糕🍨切到成個鴨仔🐣樣咁幾得意😆。
continue reading
今次介紹呢間甜品糖水店 係黃埔紅磡呢區開左好幾年時間 味道、價錢都依舊冇咩點變 款式非常多 你想要既甜品呢度應有盡有 最重要係好食、抵食！🥧 朱古力心太軟拌豆腐雪糕店內人氣之選No. 3😍好有心機擺左隻雞仔🐥樣既雪糕 巧打耳喔😚 仲可以自己轉其他口味既雪糕🍨 不過個重點都係心太軟 外冷內熱切開流哂朱古力芯 簡直同我個人一樣 外表冷酷內心充滿熱情🤪 內在要慢慢品嚐你就發覺我有幾甜🤭🍧 醉人Bailey's 雪糕紅豆冰店內人氣之選No. 1😍Baileys酒嘅味道真係好適合同甜品相撞🍾 呢隻酒既甜味酒精度真係啱啱好同紅豆冰好夾 甜甜又帶點咖啡香 唔覺酒精存在過 非常夾甜又入口🥃推薦程度🌕🌕🌕🌕🌗📸Instagram: @mroolong
continue reading
直接睇圖，超足料，真係好似張相座山咁高。入面其實仲有刨冰、西米、同埋芝麻雪糕。芝麻雪糕會食食吓溶晒，啲冰就會變成芝麻冰，芝麻雪糕嘅味道感覺上唔似係超市買嘅，可以一試。份量上太多，最後食唔晒。
continue reading
中秋節都要返工已經好頹收工諗住食返個湯圓當慶祝叫咗個腰果露加芝麻湯圓拎到返屋企 搵極都搵唔到啲芝麻湯圓中秋節都知道忙 但係咁樣真係令到人好唔開心淨底個腰果露完全唔想食
continue reading
糖蓮子既甜品真係食幾多次都唔會厭本身個人比較少食甜嘢，對甜品都幾挑剔，所以如果我肯回頭既甜品一定係覺得好好味既。佢既甜品勝在創新，有幾樣仲係獲獎甜品。醉人Bailey's 雪糕紅豆冰🍧呢個真係百吃不厭，融合咗多種食材，不斷碰擊你嘅味蕾。雲呢拿雪糕球上面鋪上一層朱古力粉，雪糕下面係一層浸淫係Bailey's裡面既紅豆冰。雲呢拿雪糕球香滑配上微甜朱古力粉，紅豆粒粒飽悶，並且散發住微微嘅酒香，好食到停唔到口呀！朱古力蛋糕伴雲呢拿雪糕🍫呢個亦都係另一個好鍾意食嘅甜品，佢個朱古力蛋糕係好出名嘅，好似都係拎獎作品！朱古力蛋糕係焗到好香，外皮有少少脆身，但係裏面就好軟淋，並且有濃濃既朱古力香味。最重要係個cake一啲都唔甜，怕食甜野既朋友仔都完全唔需要擔心。以個人覺得搭配雲呢拿雪糕最好，因為朱古力有少少甘甘地嘅味道，而雲呢拿嘅甜味就可以中和左呢一浸苦苦地嘅味道，又會突出朱古力嘅香濃，簡直係絕配！其實呢間甜品舖有好多甜品都好出色，老闆娘又好好人，服務態度好好！大家經過紅磡都可以過嚟試吓㗎 ！
continue reading