6
2
0
Telephone
28123908
Opening Hours
Today
12:00 - 15:00
18:00 - 22:30
Mon - Sat
12:00 - 15:00
18:00 - 22:30
Sun
11:00 - 15:00
18:00 - 22:30
Public Holiday
11:00 - 15:00
18:00 - 22:30
Above information is for reference only. Please check details with the restaurant.
中午過來明園食午餐，點咗個海膽炒飯加幾個點心，味道非常好全部食晒，環境亦是一流另外點咗上湯鮮肉小籠包超級好味，湯汁鮮濃皮薄餡靚，趁熱一口一個，一人搞定一籠沒問題
continue reading
朋友生日飯希望有驚喜，訂枱的朋友說明交由廚師安排，不要超過1000元一位便可，因此當晚是沒有餐單，完全保持神秘感，吃了一半終忍不住要問下還有幾多道菜？雖是位上但每款也有一定份量開始飽😆每道菜雖然只是淡淡的味道，卻能帶出每款食物的獨有味道，所以各人都說有感動的感覺。三小碟（蔥油鮑片/金醬豬手粒/醬黃瓜）這頭盤很有清新感覺，尤其蔥油鮑片看此簡單卻十分鮮味。燉湯 （花膠豬肺雞腳杏汁湯）骨膠原十足，香滑滋潤。蟹粉燴粉皮蟹粉配合滑口而又QQ粉皮，完全發揮到香甜鮮的味道。吃了一半後加少許黑醋，另有一番味道可🤣兩食。花雕蛋白龍蝦點伴蟹鉗 上面一層簿簿的花雕龍蝦湯面，底下蛋白吃起清新而又清香的味道。旁邊伴的蟹鉗是加蒜蓉一起炸香的。吃時很有強烈對比野米烤焗白鱈魚鱈魚底下有些炸了的野米，比普通米大一些。很有嫩滑口感。咖哩牛肉蝦多士這咖喱汁很有驚喜，裹面有很多細少淋的花生粒粒，咖喱味香濃只有少少的辣。生焗胡椒雞真是生焗的，如想吃就要提早訂才有，這裹的雞有幾款要訂才有，一句：又香又滑金銀蛋豆杯苗已到尾聲，都能全吃掉就不需介紹，因是豆杯苗特別嫩滑👍甜品（合桃露湯丸/椰汁馬豆糕/壽包）合桃露不太甜很香合桃味📍總結真係有驚喜，看過一下餐牌除頭盤、雞、咖喱、菜那四款外，其他好似看不到。
continue reading
多次光顧陽明山莊明園，環境清幽，有免費泊車，食物質素高，最愛龍蝦泡飯，頗多龍蝦肉，有鮮味濃湯，仲用爐煮熱，非常值得一試，餸菜色香味俱全，疫情下，枱與枱之間間距比較大，每枱有消毒酒精，口罩套供應，相當貼心。 服務態度方面一般。 黃金墨魚餅必食$98， 煎銀雪魚，肉質嫩滑油雞，明園炒飯的確係出面食唔到，可以試吓。
continue reading
所有餐廳晚市在疚情下都關閉，所以我們才可以在下午時份享用明園的飲茶精緻點心。明園只招待會員，保留了傳統的會所格局氣氛，座位寬敞。二人用餐點了8道點心，埋單$900多。
continue reading
間酒樓喺陽明山莊入面，係一個台灣人老闆在香港半山開設的大型屋苑入面會所的一間餐廳。呢間餐似係該超級隱形富豪的食堂，而開業到而家都從來未大裝修過，門口有一個大明年間的漆鼎陪伴左呢間酒樓30多年。坐入面可以睇到出面的花園和水池，而且景觀十分開陽。餐廳走廊的水墨畫就不敢恭維呢間酒樓的脆皮雞係招牌菜，雖然食得出係冰鮮雞，但都可以做到皮香肉脆啲叉燒係好好食，因為啲汁比較甜，令到舊叉燒好特別食唔停口。尤其是燶了嘅部份係好香口，咬落去脆脆地，明知唔健康但因為太好食所以都會照食。之後叫咗一條石斑職員即場攞條魚出嚟核實佢嘅新鮮程度。魚頭就放落瓦煲炆，我魚身用嚟炒球。兩種食法完全唔同各有風味。鍾意啖啖肉就當然食炒球，如果想食一啲有特別質感的魚頭就會可以撈埋蔥一齊食。炒球就唔係好多集，啲汁都係嚟自條魚本身，但呢一種煮法同啲白飯唔係好夾，反而啲西蘭花同呢啲魚汁撈埋一齊食會辟咗西蘭花啲青味蒜蓉蝦係上品之作，啲醬汁雖然有甜、鹹、酸三味，但配合得天衣無縫。因為隻蝦炒得比較有鑊氣，啲汁有少少凝固在殻上，令到你啲學到好入味，其實咬碎啲殼都可以食。蝦肉係彈牙爽口，同呢啲汁撈埋一齊食係一流，如果撈飯就更好，最可惜係啲蝦竟然有蝦腸最後食一味魚球炆燒肉。因為燒肉本身有鹹味，而條魚味道係比較淡，所以燒肉味不會蓋過條魚本身的鮮味。略嫌啲薑切得太大舊，夠薑入面仲未熟晒，薑汁仍然好辣食完飯可以去酒樓樓下的展覽室參觀一些古董和後現代藝術品，但近年這個台灣老闆將好多價值連城，原本在展覽室的戰國銅器及唐宋文物收埋，換成好多毫無藝術價值的的蟎蜻蟈文物，品味退步了不少相熟嗰啲職員都走得七七八八唔知新的職員會唔會保持返水準？
continue reading