48
47
28
2-min walk from Exit A2, Kwun Tong MTR Station
continue reading
Introduction
旨在不斷延續日本正宗壽司文化，元気寿司對食材選料尤其講究，務求將日本美食特色原汁原味帶給客人客，盡享最新壽司體驗。
continue reading
Opening Hours
Mon - Sun
11:30 - 00:30
Above information is for reference only. Please check details with the restaurant.
Signature Dishes
有好耐都無食元氣，因為每次都要等N年先有得食，同埋又無咩料理，所以一向興趣不大！不過今日阿媽話要食，咁就要排隊等都等下喇⋯⋯去到觀塘APM先知原來元氣搬左上最高個層，新店較以前更細，當然都係要等等等等等係差唔多等左成半個鐘後終於有位 坐低後發現原由人手落單已改成輕觸式自助點餐，真係好方便！係落單後，壽司就會由新幹線小專車送達，好玩又得意，呢個時候當然相機先食喇一輪影相後就當然係開餐時間！我揀左榮螺壽司同吞拿魚壽司，先講講螺肉，真係好鮮甜彈牙，當中更帶點螺汁，加埋混有壽司醋的飯團下，尤覺滋味伙窮；而吞拿魚壽司亦同樣新鮮，食在口中啖啖鮮甜美味，絕無腥味，真係勁正呀～～～～再黎有母親大人想食既炸蝦卷連頭蝦炸得鬆軟美味，炸粉唔會過量，蝦肉彈牙而充滿鮮味，而壽司上的蟹籽更是粒粒爽口又爆甜，配上微酸的壽司飯下食用，層次感異常豐富，感覺好幸福呀跟著有我同媽咪都好鍾意食既蟹籽沙律，青瓜切得厚薄適中，蟹柳絲軟甜滋味，加埋特製沙律醬及爽口鮮甜的蟹籽下，確實很美味，唯一缺點就是碟子太似皂碟，如改成普通碟子，樣貌應會更為討好！呢餐雖然等左咁耐先有得食，不過都真心覺得抵，因為真係好食！！
continue reading
又一次放工同同事去揾食，近近地唔想諗，於是第一眼見到嘅就係元氣！等位都預咗耐，佢可能因為唔件weekend or happy friday, 所以都算快可以入座>玉子sushi 一向係至愛！佢呢度呢款食出1啲都唔 hea 整，食得出係真係用雞蛋味整而唔係溝咗好多粉漿，熱辣辣上枱充滿蛋香，而且食咗咁多年都keep到咁大片，唔會偷工減料！>必食二係劍魚腩，dry睇賣相都佑知新鮮，色澤係淡淡粉色，厚厚一片雖然脂肪比例唔算好好，所以未到入口即溶，但都好香同好juicy，呢個價錢算係高於expectation~~>牛舌- 唔會over cook，幾惹味同爽口，切ge size 亦啱啱好夠一口放落口！ > 蒸蛋 - 中規中距，相比玉子sushi呢個蒸蛋就真係冇乜蛋味同蛋香，不過就好滑身，清清淡淡都唔錯！ >Salad - 分量足但醬汁唔夠，生菜有啲唔太新鮮ge感覺！
continue reading
元氣，係我like嘅壽司店之一，貪佢乾淨，坐得舒服，最重要係大集團，食質有保證。點知………，總係樹大有枯枝。。。當晚去睇場，見响附近，未餓又炎熱，所以考慮「元氣」，因遙距攞飛都一個鐘，咪行吓囉。電話到，仲有10個，行多10分鐘…過咗超過五個😱……吓，再排過。。。。算，我等，又十幾個之後入座。(但門口又有人遲咗超過5個先嚟，另一個職員話：「企埋一面再安排你哋入坐。」)算啦，總算入坐，enjoy sushi la！點知。。。。攞一碟石垣貝，室溫嘅已知佢放咗一段時間，但還可接受。見轉來轉去都係果幾款壽司，Order啦。少少三款壽司，等十幾分鐘，仲要送錯隔離位都唔知，醒時再送回(約3秒)，北寄貝非常肉酸，好似放咗一輪，再見同時送來嘅芥辣八爪魚，兩份芥辣八爪魚，紫菜大小不一，八爪魚量又少，紫菜仲要焾晒，韌到要成件食。。。點吖？食品信心真係一舖清袋？食多碟「三文魚壽司」，更恐怖，魚油熔晒，入口只有一口油，好難食。最差係……無影低相。呢間，無下次。。。
continue reading
首先要提既係GENKI一向都視為係我家既飯堂~因為我地一家都特別愛食日本野, 而元氣基本上係四處都係. 同埋最方便係會員可以手機網上拎飛, 未出家門已經拎定票, 行到落商場即刻食得~~ 講真香港咁多日本餐廳, 好食過又多款過GENKI既大把, 但GENKI勝在夠方便, 所以久唔久都食下佢.我地每次一定叫的炸三文魚皮 , 以前大碟1/3架! 但勝在夠脆卜卜,配沙拉sauce好岩key! 味道一流我地係已經唔使睇MENU就可以點食. 以下食物都係我地必食左至右) 新出既三文魚壽司(普遍啦), 火灸三文魚 (魚肉燒一燒後變得軟軟的, 熱熱地, 有少少入口即溶既感覺, 因此我最LIKE!), 軟殼蟹壽司 但依家飯多過送, 但味道依然好; 波士頓卷(cheese有d太漏, 但配饅魚好好食)洋風煙三文魚(我媽FAVOURITE) - 沙拉加三文魚, 帶出三文魚既鮮味 ; 根子我都好鍾意食, 大大粒, 又唔"聲" ( 以前係$9, 依家十幾lu ), 燒三文魚...(其他普通唔一一介紹lu)右下炸蝦卷都係好正 特別係今次佢新鮮整, 仲熱熱地架. 蝦夠脆, 飯夠香!有時食藍田果間genki會覺得唔太新鮮, 所以成日黎apm食, 總覺得多d人食, 食材會fresh d!
continue reading
難得公主我今日出街做嘢仲要去到觀塘無雷公咁遠，於是就去元氣食個set lunch豪下佢辛辣長鰭呑拿魚丼配牛油果叫咗個辛辣長鰭呑拿魚丼配牛油果，以為無乜驚喜但估你唔到麻辣feel同吞拿魚又會咁夾喎，而且又開胃加埋軟滑嘅牛油果真係好正平時食牛油果總係好膩下，不過配埋辛辣吞拿魚同醒胃嘅壽司飯，堅係唔錯不過個麵豉湯咸咗啲，咸到連豆腐都有腐乳味，真係飲唔落總結：個丼真係幾好食，下次有機會試下個下午茶先，好似抵食啲~
continue reading